Provérbios 27:1-27

  • Konsellu husi belun lori benefísiu (5, 6)

  • Haʼu-nia oan, halo haʼu-nia laran haksolok (11)

  • Besi kadi ho besi bele sai kroʼat (17)

  • Hatene didiʼak ó-nia bibi-lubun (23)

  • Rikusoin la hela ba nafatin (24)

27  Keta gaba an kona-ba loron aban,Tanba ó la hatene saida mak sei mosu iha loron aban.+   Husik ema seluk* mak gaba ó, laʼós ó rasik mak gaba ó-nia an;Diʼak liu ema seluk* mak halo nuneʼe, laʼós ho ó-nia ibun rasik.+   Fatuk no rai-henek mak todan tebes,Maibé ema beik nia hahalok mak todan liu fali buat rua neʼe.+   Laran-nakali bele halo aat ba ema seluk, no hirus bele estraga hanesan bee-saʼe,Maibé sé mak bele tahan hasoru sentimentu laran-moras?+   Koʼalia nakloke atu korrije mak diʼak liu fali domin neʼebé subar deʼit.+   Belun neʼebé laran-metin fó konsellu maski neʼe bele hakanek ninia maluk nia laran,+Maibé inimigu fó reʼi barak.*   Ema* neʼebé bosu ona, bani-been mós nia lakohi han,*Maibé ba ema* neʼebé hamlaha, buat moruk hotu mak midar.   Ema neʼebé husik ninia uma no laʼo sala dalanMak hanesan manu neʼebé semo dook husi ninia knuuk no lakon tiha.   Mina no insensu halo ema laran-haksolok,Nuneʼe mós belun neʼebé fó konsellu ho laran-moos sei halo laran-haksolok.+ 10  Keta husik hela ó-nia belun ka ó-nia aman nia belun,No iha ó-nia tempu susar, keta tama ba ó-nia maun-alin rasik nia uma;Viziñu neʼebé besik mak diʼak liu fali maun-alin neʼebé hela dook.+ 11  Haʼu-nia oan,* sai matenek bá, no halo haʼu-nia laran haksolok,+Atu nuneʼe haʼu bele hatán ba ida neʼebé koʼalia aat* haʼu.+ 12  Ema neʼebé matenek haree perigu no subar nia an,+Maibé ema neʼebé la iha esperiénsia la hasees an no hetan susar.* 13  Imi tenke foti ema ida nia roupa se nia promete atu selu fali ema oin-foun nia debe;Imi tenke foti sasán ruma husi nia nuʼudar garantia* se nia halo neʼe tanba deʼit feto ida neʼebé la iha morál.*+ 14  Kuandu ema ida kumprimenta no fó bensaun ba ninia maluk ho lian makaʼas iha dadeer-saan nakukun,Ninia maluk sei haree ida-neʼe hanesan malisan ida. 15  Feen neʼebé gosta istori malu* mak hanesan kakuluk neʼebé kuak no bee turuk beibeik bainhira udan.+ 16  Ema neʼebé bele hapara feen hanesan neʼe bele mós hapara aninNo bele kaer metin mina iha ninia liman-loos. 17  Besi kadi ho besi bele sai kroʼat,Nuneʼe mós ema ida bele halo kroʼat ninia belun.*+ 18  Ema neʼebé tau matan didiʼak ba ninia ai-figeira sei han nia fuan,+No ema neʼebé tau matan didiʼak ba ninia naʼi sei simu glória.+ 19  Hanesan bee haleno ema nia oin,Nuneʼe mós ema ida nia laran bele haleno ema seluk nia laran. 20  Rate* no fatin halakon nian* nunka sente bosu,+Nuneʼe mós ema nia matan nunka sai kontente. 21  Ema uza sanan atu bele hamoos osan-mutin no uza fornu atu bele hamoos osan-mean,+Nuneʼe mós liafuan gaba neʼebé hatoʼo ba ema ida bele koko nia. 22  Maski ó fai ema beik ho aluHanesan ó fai trigu iha lesu ida,Maibé nia sei nunka husik ninia hahalok beik. 23  Ó tenke hatene didiʼak ó-nia bibi-lubun nia kondisaun. Tau matan didiʼak* ba ó-nia bibi-malae sira,+ 24  Tanba rikusoin la hela ba nafatin,+No koroa la dura ba jerasaun hotu. 25  Duʼut matak namlaek tiha, no duʼut foun mosu fali,No ai-horis husi foho leten halibur ona. 26  Ó bele uza bibi-malae aman nia fulun atu halo roupa,No ó bele uza bibi-timur aman atu sosa rai. 27  No bibi-timur nia susubeen sei natoon atu sai ai-han ba ó,Ba ó-nia umakain no ó-nia atan-feto sira.

Nota-rodapé

Orj., “ema oin-foun”.
Orj., “ema estranjeiru”.
Ka karik “inimigu fó reʼi ho laran-makerek”.
Orj., “nia sama bani-been neʼebé foin foti husi knuuk”.
Orj., “oan-mane”.
Ka “kontra; insulta”.
Ka “kastigu”.
Ka “peñór”. Haree Glosáriu.
Ka “feto estranjeiru ida”.
Ka “Feen neʼebé ibuibun”.
Neʼe bele refere ba belun sira neʼebé ajuda malu atu halo mudansa neʼebé diʼak.
Ka “Abadon”. Haree Glosáriu.
Ka “Fó ó-nia laran; Tau atensaun”.