Provérbios 22:1-29

  • Naran diʼak mak folin boot liu fali rikusoin barak (1)

  • Hanorin labarik sira husi kiʼik (6)

  • Ema baruk-teen taʼuk ba leaun (13)

  • Dixiplina hasai hahalok beik (15)

  • Serbisu-naʼin neʼebé matenek sei hamriik iha liurai nia oin (29)

22  Diʼak liu atu iha naran diʼak* duké iha rikusoin barak;+Diʼak liu simu respeitu* duké simu osan-mutin no osan-mean.   Ema riku no kiak hanesan deʼit; Jeová mak kria sira naʼin-rua.+   Ema neʼebé matenek haree perigu no subar nia an,Maibé ema neʼebé la iha esperiénsia la hasees an no hetan susar.*   Hahalok haraik an no hamtaʼuk JeováMak lori rikusoin, glória no moris ba ema.+   Ema aat nia dalan iha ai-tarak no lasu barak,Maibé ema neʼebé hafolin ninia moris hadook an husi buat sira-neʼe hotu.+   Hanorin labarik* atu laʼo iha dalan neʼebé diʼak ba nia;+Bainhira nia sai boot, nia sei la sees husi dalan neʼe.+   Ema riku ukun ema kiak,No ema neʼebé empresta sei sai atan ba ida neʼebé fó-empresta.+   Ema neʼebé kuda hahalok aat sei koʼa problema boot,+No ninia kbiit atu ukun ho laran-aat* sei la iha tan.+   Ema neʼebé laran-luak sei hetan bensaun,Tanba nia fahe ninia ai-han ba ema kiak.+ 10  Duni sai tiha ema neʼebé bukaliadór,Atu nuneʼe la iha tan diskute malu;No la iha tan istori malu* no mós koʼalia aat ema. 11  Ema neʼebé laran-moos no koʼalia ho laran-diʼakNia sei sai belun ho liurai.+ 12  Jeová proteje koñesimentu,Maibé nia halo ema laran-makerek nia liafuan sai folin-laek.+ 13  Ema baruk-teen dehan: “Iha liʼur iha leaun! Leaun sei oho haʼu iha sidade nia fatin públiku!”+ 14  Feto neʼebé halo hahalok aat,* ninia ibun mak hanesan rai-kuak neʼebé kleʼan.+ No ema neʼebé Jeová la simu mak sei monu ba laran. 15  Hahalok beik mak metin iha labarik* nia laran,+Maibé rota dixiplina* nian mak sei hasai tiha ida-neʼe husi nia.+ 16  Ema neʼebé lohi hodi hamatak ema kiak atu aumenta ninia rikusoin+No ema neʼebé fó prezente ba ema rikuIkusmai sira sei sai kiak. 17  See tilun no rona ba ema matenek nia liafuan,+Atu nuneʼe ó bele simu haʼu-nia koñesimentu ho ó-nia laran tomak,+ 18  Rai didiʼak buat sira-neʼe iha ó-nia laran, no ó sei sente kontente,+Atu nuneʼe ó sempre prontu atu koʼalia kona-ba buat sira-neʼe.+ 19  Ohin haʼu fó koñesimentu ba ó,Atu ó bele fiar metin ba Jeová. 20  Haʼu hakerek barak ona ba ó,Hodi fó konsellu no fó koñesimentu, 21  Atu bele hanorin ó liafuan neʼebé loos no ó bele tau fiar,Atu nuneʼe ó bele fila fali ba ida neʼebé haruka ó no hatoʼo mensajen neʼebé loos. 22  Keta naʼok husi ema kiak tan deʼit nia kiak,+No keta hanehan ema kiʼik iha sidade nia portaun,+ 23  Tanba Jeová rasik mak sei defende sira atu sira bele hetan justisa,+No nia sei oho ema* neʼebé lohi hodi hamatak ema kiak no ema kiʼik sira. 24  Keta habelun ho ema neʼebé hirusdórKa ransu ho ema neʼebé sempre sai hirus lalais, 25  Atu nuneʼe ó la aprende sira-nia hahalok siraNo ó la tau lasu ba ó-nia an rasik.+ 26  Keta sai* ema neʼebé kaer liman hodi prometeAtu selu fali ema nia debe.+ 27  Se ó la iha buat ruma atu selu fali debe neʼe,Ema sei foti duni ó-nia toba-fatin husi ó! 28  Keta muda marka ba baliza husi ema nia raiNeʼebé ó-nia beiʼala sira tau tiha ona iha tempu antigu.+ 29  Ó haree ona ema neʼebé matenek kona-ba ninia serbisu ka lae? Nia sei la hamriik iha ema baibain nia oin,Maibé nia sei hamriik iha liurai sira-nia oin.+

Nota-rodapé

Ka “reputasaun diʼak”.
Orj., “laran-diʼak”.
Ka “kastigu”.
Ka “labarik-mane; joven ida”.
Orj., “ninia ai-tonka hirus nian”.
Ka “kazu iha tribunál”.
Orj., “Feto neʼebé ó la koñese”. Haree nota iha Prv 2:16.
Ka “labarik-mane; joven ida”.
Ka “hanorin; treinu”.
Ka “Keta ransu hamutuk ho”.