Provérbios 21:1-31

  • Jeová mak kontrola liurai nia laran (1)

  • Justisa diʼak liu fali sakrifísiu (3)

  • Ema badinas nia planu sira sei hetan susesu (5)

  • Ema neʼebé la rona ba ema kiʼik sei la hetan ajuda (13)

  • Matenek sei la iha folin se ida-neʼe kontra Jeová (30)

21  Liurai ida nia laran mak hanesan bee iha Jeová nia liman.+ Nia halo ida-neʼe suli ba fatin neʼebé Nia hakarak.+   Ema hanoin katak ninia dalan hotu mak loos,+Maibé Jeová buka-hatene didiʼak ema nia laran.*+   Halo hahalok loos no hatudu justisaMak halo Jeová kontente liu duké hasaʼe sakrifísiu.+   Matan neʼebé loko an no laran neʼebé foti anMak ahi-oan neʼebé leno ema aat nia dalan no buat sira-neʼe mak sala.+   Ema badinas nia planu sei hetan duni susesu,*+Maibé ema hotu neʼebé ansi sei sai kiak duni.+   Rikusoin sira neʼebé ema hetan hodi bosokMak hanesan bee-suar neʼebé lakon lalais deʼit, no ida-neʼe mak lasu neʼebé lori ema ba mate.*+   Violénsia neʼebé ema aat halo mak sei halakon sira-nia an rasik,+Tanba sira lakohi halo hahalok loos.   Ema neʼebé halo sala, ninia dalan sira mak kleʼuk,Maibé ema laran-moos, ninia dalan sira mak loos.+   Diʼak liu hela iha uma-kakuluk nininDuké hela iha uma laran hamutuk ho feen neʼebé gosta istori malu.*+ 10  Ema laran-aat kaan tebes buat neʼebé aat;+Nia la hatudu laran-diʼak ba ninia maluk.+ 11  Bainhira ema gozadór hetan kastigu, ema neʼebé la iha esperiénsia sei sai matenek liután,No bainhira ema matenek komprende didiʼak ona, nia hatene saida mak nia tenke halo.*+ 12  Maromak neʼebé halo buat loos haree ema laran-aat nia uma;Nia sei halo ema laran-aat hetan susar.+ 13  Ema neʼebé taka nia tilun ba ema kiʼik nia halerik,Bainhira nia rasik bolu, nia mós sei la hetan resposta.+ 14  Prezente neʼebé fó subasubar bele hamenus hirus,+No prezente neʼebé fó subasubar bele hatún hirus neʼebé makaʼas. 15  Ema laran-loos sente kontente hodi halo hahalok loos,+Maibé ba ema neʼebé halo aat, hahalok loos mak hanesan buat neʼebé aat tebes. 16  Ema neʼebé laʼo sees husi dalan matenek nianSei deskansa iha ema mate sira-nia leet.+ 17  Ema neʼebé hadomi deʼit ksolok sei sai kiak;+Ema neʼebé hadomi tua-uvas no mina sei la sai riku. 18  Ema aat nia moris sei sai folin atu sosa fali ema laran-loos nia moris,Ema laran-makerek sei lakon hodi bele fó fatin ba ema laran-loos.+ 19  Diʼak liu hela iha rai-fuikDuké hela ho feen neʼebé gosta istori malu* no hirusdór.+ 20  Rikusoin neʼebé folin-boot no mina mak iha ema matenek nia uma,+Maibé ema beik sei estraga* deʼit buat neʼebé nia iha.+ 21  Ema neʼebé buka hahalok loos no domin neʼebé laran-metinSei hetan moris, hahalok loos no glória.+ 22  Ema matenek bele saʼe moru iha* ema forte nia sidadeNo sobu tiha sidade neʼe nia kbiit neʼebé sira tau fiar.+ 23  Ema neʼebé kontrola ninia ibun no nanálSei hadook an husi problema.+ 24  Ema neʼebé foti an* halo hahalok arbiru,Ema sei bolu nia nuʼudar ema foti an, loko an no gaba an.+ 25  Buat neʼebé ema baruk-teen kaan sei lori nia ba mate,Tanba nia lakohi halo serbisu ho ninia liman rasik.+ 26  Loron tomak nia hanoin an deʼit hodi kaan buat barak tan,Maibé ema laran-loos sei fó ho laran-luak no la hanetik buat ida.+ 27  Maromak hakribi ema aat nia sakrifísiu.+ Nia sente odi liután se ema neʼe hasaʼe sakrifísiu ho hanoin neʼebé aat!* 28  Sasin-naʼin neʼebé bosok sei lakon mohu,+Maibé ema neʼebé rona didiʼak sei fó sasin ho diʼak.* 29  Ema laran-aat la hatene moe,+Maibé ema laran-loos nia dalan sira mak metin.*+ 30  Matenek, kbiit atu tetu didiʼak, no mós konsellu, sei la iha folin se buat sira-neʼe kontra Jeová.+ 31  Ema prepara kuda ba loron funu nian,+Maibé Jeová mak fó salvasaun.+

Nota-rodapé

Ka “hanoin”.
Ka “hetan buat diʼak”.
Ka karik “bee-suar neʼebé lakon lalais deʼit ba sira neʼebé buka mate”.
Ka “feen neʼebé ibuibun”.
Ka “nia hetan koñesimentu”.
Ka “ibuibun”.
Orj., “tolan”.
Ka “bele manán”.
Haree nota iha Núm 14:44.
Ka “hamutuk ho hahalok neʼebé la iha moe!”
Orj., “koʼalia nafatin”.
Ka “ema laran-loos hametin ninia dalan”.