Provérbios 18:1-24

  • Ema neʼebé gosta mesamesak, nia hanoin an deʼit (1)

  • Jeová nia naran mak hanesan uma aas neʼebé seguru (10)

  • Rikusoin mak protesaun iha ninia naʼin nia hanoin deʼit (11)

  • Importante atu rona ema naʼin-rua neʼebé kontra malu (17)

  • Iha belun neʼebé laran-metin liu fali maun-alin (24)

18  Ema neʼebé gosta atu mesamesak sei halo tuir deʼit ninia hakarak rasik;Nia la hafolin* matenek hotu.   Ema beik la gosta atu komprende buat ida;Nia hakarak deʼit atu fó sai ninia hanoin rasik.+   Kuandu ema laran-aat mai, sei iha mós hahalok foti an,No kuandu ema halo hahalok neʼebé la iha moe, neʼe sei lori moe boot.+   Liafuan sira husi ema nia ibun mak hanesan bee neʼebé kleʼan.+ Matenek nia hun mak hanesan mota neʼebé suli.   La diʼak atu hatudu hahalok todan ba sorin hodi apoia ema laran-aat+No mós la diʼak atu hanetik ema laran-loos neʼebé buka justisa.+   Ema beik nia liafuan hamosu istori malu,+No ninia ibun halo ema seluk hakarak baku nia.+   Ema beik nia ibun mak lori nia atu lakon,+No ninia nanál mak hanesan lasu ba ninia moris.   Liafuan husi ema neʼebé koʼalia aat hodi hafoʼer ema seluk nia naran mak hanesan ai-han gostu*+Neʼebé ema tolan lalais deʼit no tun ba ninia kabun laran.+   Ema neʼebé baruk atu halo serbisuMak hanesan ema naʼok-teen nia maluk.+ 10  Jeová nia naran mak hanesan uma aas* neʼebé seguru.+ Ema laran-loos halai bá neʼebá no hetan protesaun.+ 11  Ema riku nia rikusoin mak hanesan ninia sidade neʼebé iha moru aas;No iha ninia hanoin rasik rikusoin sira-neʼe hanesan moru neʼebé proteje nia.+ 12  Ema foti an nia hahalok sei lori nia ba susar,+Maibé ema neʼebé haraik an sei hetan glória.+ 13  Kuandu ema ida hatán kedas antes nia rona buat hotu,*Neʼe mak hahalok beik no sei hamoe nia an rasik.+ 14  Ema nia laran neʼebé forte* bele ajuda nia tahan durante nia moras,+Maibé sé mak bele tahan kuandu nia sai laran-triste?*+ 15  Ema neʼebé iha kbiit atu komprende halibur koñesimentu iha ninia laran,+No ema matenek buka atu hetan koñesimentu ho ninia tilun. 16  Ema ida nia prezente loke dalan ba nia;+Neʼe lori nia bá hasoru ema-boot sira. 17  Ema neʼebé konta uluk ninia kazu haree hanesan nia mak loos,+Toʼo ema neʼebé duun nia mai no husu pergunta ba nia hodi hetan lia-loos.*+ 18  Dada sorteiu* bele rezolve istori malu+No bele hakotu lia entre* ema sira neʼebé kontra malu makaʼas. 19  Fasil liu atu manán sidade ida neʼebé iha moru aas duké manán belun neʼebé sai laran-kanek ona,+No haksesuk malu bele haketak ema hanesan portaun neʼebé xave metin ho besi-lolon iha sidade neʼebé seguru.+ 20  Buat neʼebé ema ida koʼalia* mak hanesan ai-han neʼebé halo ninia kabun bosu;+Nia sei simu rezultadu husi buat neʼebé nia hatete. 21  Nanál iha kbiit atu lori mate ka moris;+Ema neʼebé gosta uza ninia nanál sei simu rezultadu husi ninia liafuan.+ 22  Ema neʼebé hetan feen neʼebé diʼak, nia hetan ona buat diʼak,+No nia simu Jeová nia laran-diʼak.+ 23  Ema neʼebé kiak husu ajuda ho laran,Maibé ema riku hatán ho siʼak. 24  Iha kolega balu neʼebé hakarak atu halo aat ba malu,+Maibé iha mós belun neʼebé laran-metin liu fali maun-alin.+

Nota-rodapé

Ka “Nia hakribi”.
Ka “hanesan buat neʼebé ema atu tolan ho kaan-teen”.
Ka “torre”. Haree Glosáriu.
Ka “rona faktu”.
Ka “aten-brani”.
Ka “nia lakon esperansa”.
Ka “mai no buka-hatene didiʼak kona-ba nia”.
Orj., “bele haketak”.
Orj., “Buat neʼebé sai husi ema nia ibun”.