Provérbios 13:1-25

  • Ema neʼebé buka konsellu mak iha matenek (10)

  • Esperansa neʼebé la sai loos, sei halo laran-kanek (12)

  • Ema laran-metin neʼebé hatoʼo mensajen sei lori benefísiu (17)

  • Ema neʼebé laʼo hamutuk ho ema matenek sei sai matenek (20)

  • Dixiplina mak dalan ida atu hatudu domin (24)

13  Oan* neʼebé matenek simu ninia aman nia dixiplina,*+Maibé ema neʼebé gozadór la rona ba konsellu.*+   Buat neʼebé ema ida koʼalia* sei lori diʼak ba nia,+Maibé ema laran-makerek nia hakarak* mak atu halo violénsia.   Ema neʼebé kontrola ninia ibun* proteje ninia moris,+Maibé ema neʼebé la kontrola nia ibun sei hetan susar.+   Ema baruk-teen iha hakarak oioin, maski nuneʼe nia la iha buat ida,+Maibé ema badinas sei sai kontente tebes.*+   Ema laran-loos odi lia-bosok,+Maibé ema laran-aat nia hahalok lori moe boot no halo ema la respeitu nia.   Hahalok neʼebé loos proteje ema laran-loos,+Maibé hahalok neʼebé aat halakon ema laran-aat.   Iha ema neʼebé finje hanesan ema riku, maibé nia la iha buat ida;+Iha mós ema neʼebé finje hanesan ema kiak, maibé nia iha rikusoin barak.   Ema riku sei selu ho ninia rikusoin hodi salva ninia moris,+Maibé ema kiak nunka hetan ameasa neʼe.*+   Ema laran-loos nia ahi-oan sei lakan nabilan,*+Maibé ema aat nia ahi-oan sei mate.+ 10  Hahalok foti an* hamosu deʼit istori malu,+Maibé ema neʼebé buka konsellu* mak iha matenek.+ 11  Rikusoin neʼebé hetan lalais deʼit* sei sai menus,+Maibé rikusoin neʼebé ema halibur uitoan-uitoan* sei sai barak liután. 12  Ema sei laran-kanek se nia hein kleur atu ninia esperansa sai loos,+Maibé hakarak neʼebé sai loos ona mak ai-hun moris nian.+ 13  Ema neʼebé hakribi hanorin* sei hetan problema,+Maibé ema neʼebé hafolin mandamentu sei simu kolen.+ 14  Ema matenek nia hanorin* lori ba moris+No hasees ema husi lasu mate nian. 15  Ema sei hafolin sira neʼebé iha matenek,*Maibé ema laran-makerek nia moris nakonu ho susar. 16  Ema neʼebé matenek hatudu hahalok tuir ninia koñesimentu,+Maibé ema beik hatudu sai ninia hahalok beik.+ 17  Ema laran-aat neʼebé hatoʼo mensajen sei hamosu problema,+Maibé ema laran-metin neʼebé hatoʼo mensajen sei lori benefísiu.+ 18  Ema neʼebé lakohi simu dixiplina sei sai kiak no hetan moe boot,Maibé ema neʼebé simu korrije sei hetan glória.+ 19  Hakarak neʼebé kumpre ona mak buat midar ba ema,+Maibé ema beik lakohi atu husik hela ninia hahalok aat.+ 20  Ema neʼebé laʼo hamutuk ho ema matenek sei sai matenek,+Maibé ema neʼebé ransu ho ema beik sei hetan problema boot.+ 21  Susar sei duni tuir ema neʼebé halo sala,+Maibé ema neʼebé iha hahalok loos sei simu kolen barak tebes.+ 22  Ema diʼak sei husik hela liman-rohan ba ninia bei-oan sira,Maibé ema sala-naʼin nia rikusoin sei rai hela ba ema laran-loos.+ 23  Ema kiak nia toʼos neʼebé fila tiha ona sei fó ai-han barak,Maibé neʼe* bele lakon mohu bainhira la iha justisa. 24  Ema neʼebé la uza rota* odi ninia oan,+Maibé ema neʼebé hadomi ninia oan lalais* atu fó dixiplina.+ 25  Ema laran-loos sei han toʼo bosu,+Maibé ema laran-aat nia kabun sei mamuk deʼit.+

Nota-rodapé

Orj., “Oan-mane”.
Ka “hanorin; treinu”.
Ka “korrije”.
Orj., “Buat neʼebé sai husi ema nia ibun”.
Ka “kontrola buat neʼebé nia koʼalia”.
Orj., “sei sai bokur”.
Orj., “nunka rona liafuan siʼak”.
Orj., “kontente”.
Haree nota iha Núm 14:44.
Ka “neʼebé husu sujestaun ba malu”.
Karik rikusoin neʼebé hetan liuhusi bosok.
Orj., “halibur ho liman”.
Ka “liafuan”.
Ka “lei”.
Ka “komprende didiʼak”.
Ka “nia”.
Ka “la fó dixiplina; kastigu”.
Ka “badinas”.