Provérbios 11:1-31

  • Matenek sei hamutuk ho ema haraik an (2)

  • Ema neʼebé fila kotuk ba Maromak lori ema seluk ba mate (9)

  • ‘Konsellu-naʼin barak sei lori susesu’ (14)

  • Ema laran-luak sei moris diʼak (25)

  • Ema neʼebé tau fiar ba ninia rikusoin sei monu (28)

11  Jeová hakribi dasin neʼebé la loos,*Maibé nia kontente ho dasin-fuan neʼebé loos.+   Bainhira iha hahalok foti an,* tuirmai sei iha mós moe,+Maibé matenek sei hamutuk ho ema neʼebé haraik an.+   Ema laran-loos nia laran-metin* mak buat neʼebé dirije nia,+Maibé ema traidór nia laran-makerek sei halakon nia.+   Rikusoin sei la iha folin iha loron hirus nian,+Maibé hahalok loos mak sei salva ema husi mate.+   Hahalok loos husi ema neʼebé laran-metin* sei halo ninia dalan sai loos,Maibé ema aat sei monu tanba ninia hahalok aat sira.+   Ema laran-moos nia hahalok loos sei salva nia,+Maibé ema traidór nia hakarak aat mak hanesan lasu neʼebé sei halo nia monu.+   Bainhira ema aat mate, ninia esperansa sei lakon mohu;No buat neʼebé nia hein atu hetan husi ninia kbiit mós sei lakon.+   Ema laran-loos hetan salvasaun husi susar,Maibé susar neʼe sei kona fali ema laran-aat.+   Ema neʼebé fila kotuk ba Maromak* sei lori ninia maluk ba mate liuhusi ninia liafuan,Maibé liuhusi koñesimentu mak ema laran-loos hetan salvasaun.+ 10  Ema laran-loos nia hahalok diʼak sei halo sidade ida kontente,No ema sei haklalak ho haksolok bainhira ema laran-aat sira lakon mohu.+ 11  Sidade ida sai metin tanba bensaun ba ema laran-moos,+Maibé ema laran-aat nia ibun bele sobu rahun sidade ida.+ 12  Ema neʼebé beik* hatudu katak nia hakribi ninia maluk,Maibé ema neʼebé hatene tetu didiʼak sei nonook nafatin.+ 13  Ema neʼebé koʼalia aat hodi hafoʼer ema seluk nia naran, nia laʼo bá-mai hodi fó sai ema nia segredu,+Maibé ema neʼebé laran-metin rai didiʼak segredu.* 14  Kuandu la iha matadalan neʼebé matenek, ema sei hetan susar,Maibé se iha konsellu-naʼin barak, ida-neʼe sei lori susesu.*+ 15  Ema neʼebé promete atu selu fali ema oin-foun nia debe sei hetan problema boot,+Maibé ema neʼebé lakohi* kaer liman hodi halo akordu sei hasees an husi problema. 16  Feto neʼebé laran-diʼak* hetan glória,+Maibé mane neʼebé laran-aat hadau rikusoin. 17  Mane neʼebé laran-diʼak* lori buat diʼak ba ninia an rasik,+Maibé ema neʼebé laran-aat lori problema* ba ninia an rasik.+ 18  Ema aat manán kolen neʼebé la iha folin,+Maibé ema neʼebé hatudu hahalok loos simu kolen neʼebé loos.+ 19  Ema neʼebé kaer metin ba hahalok loos ikusmai sei hetan moris,+Maibé ema neʼebé hakarak deʼit atu halo buat neʼebé aat ikusmai sei mate. 20  Jeová hakribi ema neʼebé laran-aat,+Maibé nia kontente ho ema neʼebé moris ho hahalok loos.+ 21  Fiar metin bá katak ema aat sei hetan duni kastigu,+Maibé ema laran-loos nia oan sei la hetan kastigu. 22  Hanesan brinkus osan-mean iha fahi nia inus,Nuneʼe mós ho feto bonita neʼebé la uza kbiit atu tetu didiʼak. 23  Ema laran-loos nia hakarak sei lori nia atu hetan buat diʼak,+Maibé ema laran-aat nia hakarak sei lori nia ba Maromak nia hirus. 24  Ema neʼebé fó ho laran-luak* sempre hetan barak liután;+Maibé ema seluk fali hanetik buat neʼebé nia tenke fó no nia sai kiak.+ 25  Ema* laran-luak sei moris diʼak,*+No ema neʼebé fó kmaan* ba ema seluk, nia rasik mós sei simu kmaan.+ 26  Ema sei fó-malisan ba sira neʼebé lakohi faʼan trigu,*Maibé sira sei gaba ema neʼebé faʼan ida-neʼe. 27  Ema neʼebé badinas atu halo buat neʼebé diʼak, nia sei simu laran-diʼak,+Maibé ema neʼebé buka atu halo buat aat, neʼe sei kona fali nia.+ 28  Ema neʼebé tau fiar ba ninia rikusoin sei monu,+Maibé ema laran-loos sei buras hanesan ai-tahan sira.+ 29  Ema neʼebé lori problema* ba ninia umakain sei simu anin nuʼudar liman-rohan,+No ema beik sei sai atan ba ema neʼebé matenek. 30  Rezultadu husi ema laran-loos nia hahalok mak hanesan ai-hun moris nian,+No sira neʼebé iha matenek, ajuda ema* atu halo buat diʼak.+ 31  Ema laran-loos iha rai sei hetan duni kolen,Nuneʼe mós ema laran-aat no sala-naʼin sei simu duni buat neʼebé sira merese atu simu!+

Nota-rodapé

Ka “neʼebé bosok”.
Haree nota iha Núm 14:44.
Ka “integridade”.
Ka “ema neʼebé moris ho hahalok loos”.
Ka “Ema neʼebé sai apóstata”. Haree “Apostazia” iha Glosáriu.
Orj., “Ema neʼebé la iha laran”.
Ka “taka metin liafuan ruma”.
Ka “salvasaun”.
Orj., “odi atu”.
Ka “bonita”.
Ka “hatudu domin neʼebé laran-metin”.
Ka “moe”.
Orj., “neʼebé kari”.
Orj., “sei sai bokur”.
Orj., “rega bee barak”.
Neʼe mós refere ba sevada.
Ka “moe”.