Números 24:1-25

  • Balám nia lia-dadolin terseiru (1-11)

  • Balám nia lia-dadolin númeru haat (12-25)

24  Bainhira Balám haree katak Jeová nia hakarak mak atu fó bensaun ba ema Izraél, Balám la bá tan hodi buka sinál atu fó sai buat aat kontra ema Izraél,+ maibé nia fila nia oin ba rai-fuik.  Bainhira Balám foti nia matan no haree ema Izraél nia hela-fatin tuir sira-nia suku,+ Maromak nia espíritu tun ba nia.+  Depois neʼe, nia hatoʼo lia-dadolin tuirmai neʼe, hodi dehan:+ “Neʼe mak Beor nia oan-mane Balám nia liafuan,Liafuan husi mane ida neʼebé ninia matan loke ona,   Liafuan husi mane neʼebé rona Maromak nia liafuan,Mane neʼebé haree ona vizaun ida husi Ida neʼebé Kbiit Boot Liu Hotu,Mane neʼebé hakruʼuk ho oin ba rai ho matan nakloke:+   Oh Jacob, ó-nia tenda sira mak furak tebes,Oh Izraél, ó-nia hela-fatin mak furak!+   Sira-nia hela-fatin luan loos, hanesan rai-tetuk* sira,+Hanesan jardín sira besik mota,Hanesan ai-aloés neʼebé Jeová mak kuda,Hanesan ai-sedru neʼebé besik bee.   Bee kontinua suli uitoan-uitoan husi ninia kanaban rua neʼebé halo husi animál kulit,No ninia fini* sira kuda besik bee barak.+ Ninia liurai+ mós sei boot liu fali Agag,+Ninia ukun sei sai boot liu.+   Maromak lori nia sai husi rai-Ejitu,Ba sira, nia hanesan karau-aman fuik nia dikur. Nia sei tolan nasaun sira neʼebé hanehan nia,+No nia sei nata sira-nia ruin, no nia sei harahun sira ho ninia rama-oan.   Nia toba ona, no nia latan hanesan leaun ida,No hanesan leaun, sé mak brani fanu nia? Sira neʼebé fó bensaun ba ó sei hetan bensaun,No sira neʼebé fó-malisan ba ó sei hetan malisan.”+ 10  Tuirmai Balak sai hirus tebes ho Balám. Balak ho hirus basa liman no dehan ba Balám: “Haʼu bolu ó hodi fó-malisan ba haʼu-nia inimigu,+ maibé agora ó fó fali bensaun ba sira ba dala tolu ona. 11  Agora fila kedas ba uma. Haʼu hanoin atu fó kolen boot ba ó,+ maibé Jeová hanetik ona ó-nia kolen neʼe.” 12  Balám hatán ba Balak: “Haʼu koʼalia ona ba ema neʼebé ó haruka ba haʼu, hodi dehan: 13  ‘Maski Balak entrega ninia uma tomak nakonu ho osan-mutin no osan-mean ba haʼu, haʼu labele halo buat ida hodi kontra fali orden neʼebé Jeová fó ba haʼu maski diʼak ka aat. Haʼu sei koʼalia deʼit buat neʼebé Jeová hatete ba haʼu.’+ 14  Agora haʼu atu fila fali ba haʼu-nia povu. Entaun mai no husik haʼu fó sai ba ó buat neʼebé povu neʼe sei halo ba ó-nia povu iha futuru.”* 15  Ho ida-neʼe, nia hatoʼo lia-dadolin tuirmai neʼe, hodi dehan:+ “Neʼe mak Beor nia oan-mane Balám nia liafuan,Liafuan husi mane ida neʼebé ninia matan loke ona,+ 16  Liafuan husi mane neʼebé rona Maromak nia liafuan,Mane neʼebé hetan ona koñesimentu husi Ida neʼebé Aas Liu Hotu,Mane neʼebé haree ona vizaun ida husi Ida neʼebé Kbiit Boot Liu Hotu,Bainhira hakruʼuk ho oin ba rai ho matan nakloke: 17  Haʼu sei haree nia, maibé laʼós agora,Haʼu sei hateke ba nia, maibé laʼós iha tempu besik. Fitun ida+ sei mosu husi Jacob,Liurai nia ai-tonka+ ida sei mosu husi Izraél.+ Nia sei harahun duni Moab nia reen-toos+No harahun funu-naʼin hotu neʼebé siʼak-teen nia ulun-ruin. 18  Edom sei sai ninian,+Sin, Seir+ sei sai ninia inimigu nian,+Maibé Izraél hatudu ninia aten-brani. 19  Mane ida husi Jacob sei bá hodi domina,+No nia sei halakon ema neʼebé moris hela iha sidade neʼe.” 20  Bainhira nia haree Amalec, nia kontinua hatoʼo ninia lia-dadolin, hodi dehan: “Husi nasaun sira seluk, Amalec mak nasaun neʼebé primeiru,*+Maibé ikusmai nia sei lakon.”+ 21  Bainhira nia haree ema Keneu,+ nia kontinua hatoʼo ninia lia-dadolin, hodi dehan: “Ó-nia hela-fatin mak seguru hanesan manu nia knuuk iha fatuk boot lolon. 22  Maibé ema ida sei sunu tiha ema Keneu.* Bainhira loos mak Asíria sei lori sira nuʼudar dadur?” 23  Nia kontinua ninia lia-dadolin, hodi dehan: “Susar boot! Sé mak sei moris kuandu Maromak halo ida-neʼe? 24  Ró sira sei mai husi tasi-ibun Kitim,+Sira sei fó-terus ba Asíria,+No sira sei fó-terus ba Eber. Maibé nia mós sei lakon hotu.” 25  Tuirmai Balám+ hamriik no fila fali ba ninia rai. Balak mós fila fali ba ninia rai.

Nota-rodapé

Ka “uádi”. Haree Glosáriu.
Ka “jerasaun”.
Ka “iha loron sira-neʼe nia rohan”.
Neʼe katak sira mak nasaun primeiru neʼebé ataka ema Izraél bainhira sira sai husi rai-Ejitu.
Orj., “Kain”.