Juís 5:1-31

  • Débora no Barac kanta knananuk manán nian (1-31)

    • Fitun sira halo funu hasoru Sísera (20)

    • Mota Kison lori lakon inimigu sira (21)

    • Sira neʼebé hadomi Jeová sai hanesan loro-matan (31)

5  Iha loron neʼebá, Débora+ hamutuk ho Abinoam nia oan-mane Barac+ kanta knananuk tuirmai neʼe:+   “Fó hahiʼi ba Jeová!Tanba povu neʼe sai nuʼudar voluntáriu atu bá luta,+No tanba ema Izraél la kesi sira-nia fuuk.*   Rona bá, imi liurai sira! See tilun bá, imi ukun-naʼin sira! Haʼu sei kanta ba Jeová. Haʼu sei kanta knananuk hahiʼi nian* ba Jeová,+ Izraél nia Maromak.+   Oh Jeová, bainhira Ita sai husi Seir,+Bainhira Ita marxa sai husi área Edom nian,Rai-nakdoko, no udan boot tun husi lalehan,Sin, bee suli tun husi kalohan sira.   Foho sai nabeen* ona iha Jeová nia oin,+No Sinai mós sai nabeen iha Jeová,+ Izraél nia Maromak,+ nia oin.   Iha Anat nia oan-mane Samgar nia tempu,+Iha Jael nia tempu,+ dalan boot sira mamuk deʼit,Ema neʼebé laʼo-rai, sira laʼo liuhusi dalan sira seluk.   Ema la hela tan iha Izraél nia knua sira,Sin, la iha tan ema neʼebé hela iha knua sira toʼo haʼu, Débora,+ mosu mai,Toʼo haʼu mai nuʼudar inan ida iha Izraél.+   Sira hili maromak foun sira,+Tan neʼe, funu mosu iha sidade sira-nia portaun.+ La iha eskudu ka diman idaIha ema Izraél naʼin-40.000 nia leet.   Haʼu-nia laran apoia Izraél nia komandante sira+Neʼebé bá hamutuk ho povu nuʼudar voluntáriu.+ Fó hahiʼi ba Jeová! 10  Imi neʼebé saʼe kuda-burru kór-kinur,Imi neʼebé tuur iha tapete neʼebé furak,No imi neʼebé laʼo iha dalan,Hanoin bá! 11  Ema rona lian husi sira neʼebé iha fatin kuru bee nian,Iha neʼebá mak sira konta fali Jeová nia hahalok loos sira,Hahalok loos husi ninia povu Izraél neʼebé hela iha knua sira. Tuirmai Jeová nia povu tun ba sidade sira-nia portaun sira. 12  Hadeer, hadeer bá, oh Débora!+ Hadeer, hadeer bá, kanta knananuk ida!+ Hamriik bá, oh Barac!+ Lori ó-nia ema dadur sira, oh Abinoam nia oan-mane! 13  Tuirmai sira neʼebé restu tun mai hasoru ema-boot sira,Jeová nia povu tun mai hasoru haʼu atu halo funu hasoru asuwaʼin sira. 14  Sira sai mai husi Efraim, sira neʼebé iha rai-tetuk,Oh Benjamim, sira laʼo tuir ó iha ó-nia povu nia leet. Komandante sira tun mai husi Makir,+No sira neʼebé hili ema atu tama tropa* tun mai husi Zebulão. 15  Issacar nia ulun-naʼin sira hamutuk ho Débora,Hanesan ho ema Issacar, nuneʼe mós ho Barac.+ Nia laʼo ain deʼit ba rai-tetuk.+ Kona-ba ema barak husi suku Ruben, sira-nia laran duvida.* 16  Tanbasá mak imi tuur deʼit iha naha* rua nia klaran,Hodi rona ba bibi-atan sira huu sira-nia flauta?+ Kona-ba ema barak husi suku Ruben, sira-nia laran duvida. 17  Gilead hela deʼit iha Mota Jordaun nia sorin seluk,+No tanbasá mak Dan hela deʼit iha ró sira?+ Aser tuur baruk deʼit iha tasi-ibun,No hela nafatin iha ninia ponte-kais sira.+ 18  Zebulão mak povu neʼebé tau sira-nia moris* iha perigu laran* toʼo besik mate,Nuneʼe mós ho Naftali,+ iha foho-oan sira-nia leten.+ 19  Liurai sira mai, sira halo funu;Tuirmai liurai sira husi Kanaan halo funu+Iha Taanak besik mota iha Megido.+ Sira la foti osan-mutin ruma.+ 20  Husi lalehan mak fitun sira halo funu,Husi lalehan mak sira halo funu hasoru Sísera. 21  Mota Kison lori lakon inimigu sira,+Mota Kison mak mota husi tempu antigu. Haʼu sama ema sira neʼebé forte. 22  Tuirmai kuda nia ain halai lalais;Ninia kuda funu nian halai makaʼas.+ 23  Jeová nia anju dehan: ‘Malisan ba Meroz,Sin, malisan ba ema neʼebé hela iha Meroz,Tanba sira la mai atu ajuda Jeová,Sira la ajuda Jeová hamutuk ho asuwaʼin sira.’ 24  Jael+ mak hetan bensaun barak liu fali feto sira seluk,Jael, Heber nia feen,+ ema Keneu,Nia mak hetan bensaun barak liu fali feto sira seluk neʼebé hela iha tenda. 25  Sísera husu bee, maibé nia fó susubeen. Iha manko festa nian neʼebé furak mak nia fó susubeen neʼebé grosu.+ 26  Nia kaer pregu tenda nian iha nia liman,Ninia liman-loos kaer badaen nia martelu. Nia baku pregu ba Sísera, nia harahun Sísera nia ulun,Nia halo rahun no sona borus Sísera nia reen-toos sorin.+ 27  Sísera monu iha feto neʼe nia ain no latan nonook deʼit,Sísera monu iha ninia ain,Iha fatin neʼebé nia monu, iha neʼebá mak nia mate. 28  Feto ida hateke sai husi janela,Sísera nia inan hafuhu husi janela, hodi hanoin:‘Tanbasá mak ninia kuda-karreta demora atu fila fali? Tanbasá mak haʼu la rona lian husi ninia kuda-karreta sira?’+ 29  Feto matenek sira husi ninia palásiu sei hatán ba nia,Sin, nia mós sei fó-hanoin fali ba ninia an: 30  ‘Karik sira fahe hela buat neʼebé sira hadau,Feto ida,* feto naʼin-rua,* ba funu-naʼin ida-idak,Hena kór oioin neʼebé sira foti mak sai Sísera nian, sin, hena kór oioin neʼebé sira hadau,Roupa neʼebé soru ona ho kór oioin, roupa tahan rua neʼebé soru onaAtu tau ba ema neʼebé hadau sasán sira-neʼe nia kakorok.’ 31  Nuneʼe husik Ita-nia inimigu hotu lakon mohu,+ oh Jeová,Maibé halo sira neʼebé hadomi Ita sai hanesan bainhira loro-matan saʼe no fó naroman boot.” No rai neʼe hakmatek* ba tinan 40.+

Nota-rodapé

Karik neʼe atu hatudu katak sira halo juramentu ka dedikasaun ba Maromak.
Ka “halo múzika”.
Ka karik “nakdoko”.
Ka karik “sira neʼebé lori sasán eskriba nian”.
Ka “sira buka-hatene sira-nia laran”.
Neʼe katak naha neʼebé animál lori.
Ka “nega sira-nia moris rasik”.
Orj., “Oan-fatin”.
Orj., “oan-fatin sira”.
Ka “iha dame”.