Juís 20:1-48

  • Ema Izraél halo funu hasoru ema Benjamim (1-48)

20  Ho ida-neʼe, ema Izraél hotu husi Dan+ toʼo Beer-Seba no husi rai-Gilead,+ sira hotu halibur hamutuk ho hanoin ida deʼit iha Jeová nia oin iha Mizpa.+  Entaun povu nia xefe sira no suku hotu husi Izraél halibur hamutuk no hamriik iha sira-nia fatin iha Maromak nia kongregasaun* nia leet, sira hamutuk tropa naʼin-400.000 neʼebé laʼo ain no kaer surik.+  Ema Benjamim rona katak mane Izraél sira saʼe ona ba Mizpa. Tuirmai mane Izraél sira husu: “Fó-hatene ami, oinsá mak buat aat neʼe akontese?”+  Ho ida-neʼe, mane Levi,+ laʼen ba feto neʼebé ema oho ona, hatán: “Haʼu ho haʼu-nia feen-kiʼik toʼo iha Gibea+ iha rai-Benjamim, hodi toba kalan ida iha neʼebá.  Iha kalan neʼe, ema* iha Gibea hamriik kontra haʼu no haleʼu uma neʼe. Sira hakarak oho haʼu, maibé sira estraga fali haʼu-nia feen-kiʼik, no nia mate.+  Entaun haʼu foti haʼu-nia feen-kiʼik nia mate-isin no koʼa ida-neʼe ba pedasuk no haruka ba área ida-idak husi Izraél nia liman-rohan,+ tanba sira halo ona hahalok neʼebé halo moe no aat tebes iha Izraél.  Agora imi povu Izraél hotu, fó sai toʼok imi-nia hanoin no konsellu+ kona-ba neʼe.”  Tuirmai povu hotu hamriik ho hanoin ida deʼit no dehan: “Ita ida mós sei la fila ba ita-nia fatin ka ita-nia uma.  Agora ita sei halo buat tuirmai neʼe ba ema Gibea: Mai ita dada sorteiu* hodi hili tropa sira no saʼe bá halo funu hasoru sira.+ 10  Ita sei hili mane naʼin-10 husi mane naʼin-100 iha suku Izraél hotu, no mane naʼin-100 husi naʼin-1.000, no naʼin-1.000 husi mane naʼin-10.000 atu halibur ai-han ba tropa sira, hodi nuneʼe sira bele halo funu hasoru Gibea iha rai-Benjamim, tanba hahalok aat tebes neʼebé sira halo ona iha Izraél.” 11  Nuneʼe mane Izraél hotu halibur hamutuk hodi ataka sidade neʼe ho hanoin ida deʼit nuʼudar maluk. 12  Tuirmai suku Izraél sira haruka ema ba suku Benjamim nia ulun-naʼin hotu, hodi dehan: “Tanbasá mak buat aat neʼe akontese iha imi-nia leet? 13  Agora entrega mane aat sira husi Gibea ba ami,+ atu nuneʼe ami bele oho sira no hamoos buat aat husi Izraél.”+ Maibé ema Benjamim lakohi rona ba sira-nia maluk Izraél. 14  Tuirmai ema Benjamim sai husi sira-nia sidade hodi halibur hamutuk iha sidade Gibea atu funu hasoru ema Izraél. 15  Iha loron neʼe, ema Benjamim halibur tropa naʼin-26.000 neʼebé kaer surik husi sira-nia sidade, neʼe la sura ho tropa neʼebé diʼak liu naʼin-700 husi Gibea. 16  Iha tropa sira-neʼe nia leet iha mós tropa naʼin-700 neʼebé diʼak liu no toman atu uza sira-nia liman-karuk. Sira ida-idak bele tuda fatuk ho tali-baku* ba fuuk-lahan ida no kona loos fuuk-lahan neʼe. 17  Mane Izraél hotu, neʼe la inklui ema Benjamim, sira halibur tropa naʼin-400.000 neʼebé kaer surik,+ no sira ida-idak mak funu-naʼin neʼebé iha esperiénsia. 18  Sira hamriik no saʼe ba Betel atu husu matadalan husi Maromak.+ Tuirmai povu Izraél dehan: “Husi ami hotu, sé mak tenke laʼo uluk hodi funu hasoru ema Benjamim?” Jeová hatán: “Judá mak tenke laʼo uluk.” 19  Depois neʼe, ema Izraél hadeer iha dadeer no sira harii tropa nia hela-fatin besik Gibea hodi bele ataka sidade neʼe. 20  Mane Izraél sira sai hodi halo funu hasoru ema Benjamim. Sira forma hodi sai prontu atu funu hasoru ema Benjamim iha Gibea. 21  Entaun ema Benjamim sai husi Gibea no iha loron neʼe sira oho ema Izraél naʼin-22.000. 22  Maibé, Izraél nia tropa sira hatudu aten-brani no dala ida tan sira forma hodi prontu atu halo funu iha fatin neʼebé hanesan iha loron primeiru. 23  Tuirmai ema Izraél bá Betel no tanis iha Jeová nia oin toʼo kalan no husu ba Jeová: “Ami tenke bá fali atu funu hasoru ami-nia maun-alin ema Benjamim ka lae?”+ Ho ida-neʼe, Jeová dehan: “Saʼe bá hodi funu hasoru sira.” 24  Entaun iha loron segundu, ema Izraél hakbesik ba ema Benjamim. 25  Iha loron segundu neʼe, ema Benjamim sai husi Gibea hodi hasoru sira no oho tan ema Izraél naʼin-18.000,+ sira hotu mak tropa neʼebé kaer surik. 26  Ho ida-neʼe, mane Izraél hotu saʼe ba Betel. Sira tanis no tuur iha Jeová nia oin,+ no sira halo jejún+ iha loron neʼe toʼo kalan no hasaʼe sakrifísiu sunu nian+ no sakrifísiu dame nian+ ba Jeová. 27  Iha tempu neʼebá, Maromak loos nia Arka Aliansa nian mak iha Betel, entaun mane Izraél sira husu matadalan husi Jeová.+ 28  Iha tempu neʼebá mós, Eleazar nia oan-mane Fineias,+ Arão nia bei-oan, mak serbí* iha Arka nia oin. Sira husu: “Ami tenke bá fali hodi halo funu hasoru ami-nia maun-alin ema Benjamim, ka ami tenke para ona?”+ Jeová hatán: “Saʼe bá, tanba aban haʼu sei entrega sira ba imi-nia liman.” 29  Entaun ema Izraél haruka tropa sira haleʼu Gibea no subar atu ataka.+ 30  Iha loron terseiru, ema Izraél saʼe bá hodi halo funu hasoru ema Benjamim, no sira funu hasoru Gibea hanesan sira halo ona.+ 31  Bainhira ema Benjamim sira sai hodi funu hasoru tropa neʼe, ema Izraél lohi sira atu dook husi sidade.+ Hanesan ema Benjamim halo ona, sira hahú ataka no oho mane balu iha dalan boot sira, dalan ida saʼe ba Betel no dalan seluk saʼe ba Gibea, sin, sira oho mane Izraél maizumenus naʼin-30 iha rai-luan.+ 32  Entaun ema Benjamim dehan: “Ita manán ona sira hanesan uluk.”+ Maibé ema Izraél dehan: “Ita sei hakiduk no lohi sira dook husi sira-nia sidade hodi bá dalan boot.” 33  Entaun mane Izraél hotu hamriik husi sira-nia fatin no sira forma hodi prontu atu halo funu iha Baal-Tamar nuʼudar ema Izraél seluk neʼebé subar hela besik Gibea halai ba oin hodi ataka. 34  Tuirmai ema Izraél nia tropa naʼin-10.000 neʼebé diʼak liu toʼo iha Gibea nia oin, no funu neʼe mak makaʼas tebes. Maibé ema Benjamim la hatene katak susar besik ona atu kona sira. 35  Jeová manán ema Benjamim+ iha Izraél nia oin, no iha loron neʼe ema Izraél oho mane Benjamim naʼin-25.100, mane hotu neʼe mak kaer surik.+ 36  Iha tempu neʼebá, ema Benjamim hanoin katak sira sei manán ema Izraél tanba ema sira-neʼe hakiduk husi sira,+ maibé ema Izraél hakiduk tanba sira tau fiar ba tropa sira neʼebé subar atu ataka Gibea.+ 37  Tropa sira neʼebé subar halai lalais ba oin hodi ataka Gibea. Tuirmai tropa sira-neʼe halai namkari hodi halakon ema iha sidade tomak ho surik. 38  Ema Izraél hatete ona ba tropa sira neʼebé subar hodi ataka sidade neʼe atu sira halo suar saʼe nuʼudar sinál. 39  Bainhira ema Izraél hakiduk husi funu neʼe, ema Benjamim komesa ataka no oho ema Izraél maizumenus naʼin-30,+ no sira dehan: “Ita manán ona sira hanesan uluk.”+ 40  Maibé suar komesa saʼe husi sidade neʼe nuʼudar sinál. Bainhira ema Benjamim fila oin hodi hateke, sira haree ahi han sidade tomak, ahi neʼe lakan aas toʼo lalehan. 41  Tuirmai ema Izraél fila oin, no ema Benjamim sira sai laran-taridu tanba sira haree susar kona ona sira. 42  Entaun sira hakiduk husi ema Izraél hodi bá rai-fuik, maibé tropa Izraél duni tuir sira; tropa sira neʼebé sai mai husi sidade mós ajuda atu oho ema Benjamim. 43  Sira haleʼu ema Benjamim no la para atu duni tuir sira. Ema Izraél manán sira iha Gibea nia oin kedas iha parte leste. 44  Ikusmai mane Benjamim naʼin-18.000 mate, sira hotu mak funu-naʼin neʼebé kbiit boot.+ 45  Mane Benjamim sira fila no halai ba rai-fuik toʼo Fatuk Boot Rimon,+ no ema Izraél oho sira naʼin-5.000 iha dalan boot sira, no kontinua duni sira toʼo Gidom; no ema Izraél oho tan mane naʼin-2.000. 46  Ema Benjamim hotu neʼebé mate iha loron neʼe hamutuk tropa naʼin-25.000 neʼebé kaer surik,+ sira hotu mak funu-naʼin neʼebé kbiit boot. 47  Maibé mane naʼin-600 halai ba Fatuk Boot Rimon, no sira hela iha Fatuk Boot Rimon ba fulan haat. 48  Mane Izraél sira fila fali hodi halo funu hasoru ema Benjamim no oho sira neʼebé iha sidade laran ho surik, husi ema toʼo animál, katak buat hotu neʼebé moris hela. No sira mós sunu sidade hotu neʼebé sira laʼo liu.

Nota-rodapé

Ka karik “ema rai-naʼin sira”.
Orj., “hamriik”.