Juís 18:1-31

  • Suku Dan buka rai (1-31)

    • Ema foti Miqueias nia estátua sira no kaer ninia amlulik (14-20)

    • Ema Dan manán Laís no hanaran sidade neʼe Dan (27-29)

    • Ema adora estátua iha Dan (30, 31)

18  Iha tempu neʼebá, la iha liurai ida iha Izraél.+ No iha tempu neʼebá mós suku Dan+ buka hela rai* atu hela bá, tanba sira seidauk simu liman-rohan iha Izraél nia suku sira-nia leet.+  Suku Dan haruka mane naʼin-lima husi sira-nia umakain, neʼebé iha matenek husi Zora no Estaol,+ atu hafuhu no buka-hatene kona-ba rai neʼe. Sira dehan ba mane naʼin-lima neʼe: “Bá buka-hatene rai neʼe.” Bainhira sira toʼo iha Efraim nia área foho nian, sira hela kalan ida iha Miqueias nia uma.+  Nuʼudar sira besik Miqueias nia uma, sira rekoñese mane joven Levi neʼe nia lian,* entaun sira hakbesik ba nia no husu: “Sé mak lori ó mai iha neʼe? Ó halo saida iha fatin neʼe? Tanbasá mak ó hela iha neʼe?”  Nia fó-hatene sira buat neʼebé Miqueias halo, hodi dehan: “Nia selu haʼu atu sai nuʼudar amlulik ida ba nia.”+  Tuirmai sira dehan ba nia: “Favór ida, husu ba Maromak se ami-nia viajen neʼe sei hetan susesu ka lae.”  Amlulik neʼe hatete ba sira: “Laʼo bá ho dame. Jeová hamutuk ho imi iha imi-nia viajen.”  Entaun mane naʼin-lima neʼe bá no toʼo iha Laís.+ Sira haree povu iha fatin neʼe moris la sadere ba ema seluk, hanesan ema Sidon. Sira moris hakmatek no la deskonfia buat ida,+ no la iha ema neʼebé ataka sira hodi hanehan sira. Sira hela dook husi ema Sidon, no sira la iha relasaun ho ema seluk.  Bainhira mane naʼin-lima neʼe fila fali ba sira-nia maun-alin sira iha Zora no Estaol,+ sira-nia maun-alin sira husu: “Imi-nia viajen diʼak ka lae?”  Sira hatán: “Mai ita bá halo funu hasoru sira, tanba ami haree sira-nia rai mak diʼak tebes. Tanbasá mak imi dada an? Keta demora atu bá hodi foti rai neʼe. 10  Bainhira imi toʼo iha neʼebá, imi sei haree povu sira la deskonfia buat ida,+ no sira-nia rai luan tebes. Maromak entrega ona rai neʼe ba ita-nia liman, rai neʼebé la falta buat ida.”+ 11  Tuirmai mane naʼin-600 husi Dan nia umakain neʼebé kaer armas funu nian, sai husi Zora no Estaol atu halo funu.+ 12  Sira saʼe bá no harii tropa nia hela-fatin iha Kiriat-Jearim+ iha Judá. Tan neʼe mak fatin neʼe, neʼebé iha Kiriat-Jearim nia sorin parte oeste, ema bolu nuʼudar Mahane-Dan*+ toʼo ohin loron. 13  Sira sai husi fatin neʼe hodi toʼo iha Efraim nia área foho nian no toʼo iha Miqueias nia uma.+ 14  Tuirmai mane naʼin-lima neʼebé uluk hafuhu rai-Laís+ hatete ba sira-nia maun-alin sira: “Imi hatene ka lae katak iha uma sira-neʼe iha efod* ida, estátua terafín sira,* estátua ida neʼebé bahat, no estátua ida husi besi?+ Entaun hanoin toʼok kona-ba saida mak imi tenke halo.” 15  Nuneʼe sira para iha neʼebá no mane naʼin-lima neʼe tama ba mane joven Levi nia uma+ neʼebé besik Miqueias nia uma no husu nia se nia diʼak ka lae. 16  Iha tempu neʼe, tropa Dan sira naʼin-600+ hamriik hela iha portaun. 17  No mane naʼin-lima neʼebé uluk bá hafuhu rai neʼe+ tama ba uma laran hodi foti estátua neʼebé bahat, efod,+ estátua terafín sira*+ no estátua husi besi.+ Iha tempu neʼe, amlulik neʼe+ hamriik hela iha portaun hamutuk ho tropa naʼin-600 neʼebé kaer hela surik. 18  Mane naʼin-lima neʼe tama ba Miqueias nia uma no foti estátua neʼebé bahat, efod, estátua terafín sira,* no estátua husi besi. Amlulik husu ba sira: “Imi halo saida?” 19  Maibé sira hatete ba nia: “Nonook tiha. Taka ó-nia ibun, mai ho ami hodi sai nuʼudar aman* no amlulik ida ba ami. Ida-neʼebé mak diʼak liu? Ó sai amlulik ba mane ida deʼit nia umakain+ ka sai amlulik ba suku ida no família iha Izraél?”+ 20  Entaun amlulik neʼe hakarak tuir sira, no nia foti efod, estátua terafín sira* no estátua,+ no bá hamutuk ho ema sira-neʼe. 21  Tuirmai sira fila hodi kontinua sira-nia viajen, no sira husik labarik sira, animál sira, no buat neʼebé folin-boot mak laʼo uluk iha sira-nia oin. 22  Bainhira sira laʼo dook uitoan ona husi Miqueias nia uma, mane sira neʼebé hela besik Miqueias nia uma halibur hamutuk hodi duni tuir no toman ema Dan sira. 23  Bainhira sira hakilar ba ema Dan, sira fila oin kedas no hatete ba Miqueias: “Ó hakarak saida? Tanbasá mak imi halibur hamutuk?” 24  Nia hatán: “Imi foti ona haʼu-nia maromak sira neʼebé haʼu halo, no imi mós lori amlulik neʼe. Saida tan mak haʼu sei iha? Entaun, tanbasá mak imi husu haʼu: ‘Ó hakarak saida?’” 25  Ema Dan hatán fali: “Keta hakilar ami. Se lae, mane neʼebé hirus bele ataka ó, no ó sei lakon ó-nia moris* no mós ó-nia umakain nia moris.”* 26  Entaun ema Dan kontinua sira-nia viajen; no Miqueias fila fali ba ninia uma tanba nia haree katak sira forte liu nia. 27  Depois neʼe, sira lori sasán neʼebé Miqueias halo ona, no lori mós amlulik neʼe, no sira bá toʼo Laís,+ no ataka povu Laís neʼebé hakmatek no la deskonfia buat ida.+ Sira oho ema sira-neʼe ho surik no sunu tiha sira-nia sidade. 28  La iha ema ida atu salva sidade neʼe, tanba neʼe dook husi Sidon no sira la iha relasaun ho ema seluk no sira-nia sidade mak iha rai-tetuk iha Bet-Reob.+ Tuirmai ema Dan harii fali sidade neʼe no hela iha neʼebá. 29  No mós sira hanaran sidade neʼe Dan+ hodi tuir sira-nia aman Dan nia naran. Dan mak Izraél nia oan-mane.+ Maibé uluk sidade neʼe nia naran mak Laís.+ 30  Iha neʼebá mak ema Dan tau estátua,+ no Jonatan hamutuk ho ninia oan-mane sira sai nuʼudar amlulik ba suku Dan toʼo loron neʼebé povu iha rai neʼe sai nuʼudar dadur. Jonatan+ mak Gerson+ nia oan-mane no Moisés nia bei-oan. 31  No estátua neʼebé Miqueias mak halo, kontinua iha neʼebá durante tempu hotu neʼebé Maromak loos nia uma iha Silo.+

Nota-rodapé

Orj., “liman-rohan”.
Ka “logat”.
Naran neʼe katak “Dan nia hela-fatin”.
Ka “família nia maromak sira”. Haree “Terafín” iha Glosáriu.
Ka “família nia maromak sira”.
Ka “família nia maromak sira”.
Ka “konsellu-naʼin”.
Ka “família nia maromak sira”.