Juís 10:1-18

  • Juís Tola no Jair (1-5)

  • Ema Izraél husik Jeová, depois arrepende an (6-16)

  • Ema Ammon ameasa ema Izraél (17, 18)

10  Depois Abimelec nia tempu, mane ida husi Issacar naran Tola mak salva Izraél.+ Tola mak Puá nia oan-mane, Dodo nia bei-oan. Nia hela iha Samir, iha Efraim nia área foho nian.  Nia sai juís iha Izraél ba tinan 23. Tuirmai nia mate no ema hakoi nia iha Samir.  Depois nia, Jair, ema Gilead, mak sai juís iha Izraél ba tinan 22.  Nia iha oan-mane naʼin-30 neʼebé saʼe kuda-burru 30, no sira iha sidade 30, neʼebé toʼo ohin loron ema bolu nuʼudar Havot-Jair;+ sidade sira-neʼe iha rai-Gilead.  Depois neʼe, Jair mate no ema hakoi nia iha Kamon.  Dala ida tan ema Izraél halo buat neʼebé aat tuir Jeová nia haree,+ no sira komesa serbí Baal sira,+ estátua Astoret, maromak sira husi Aram,* maromak sira husi Sidon, maromak sira husi Moab,+ ema Ammon nia maromak sira+ no ema Filístia nia maromak sira.+ Sira husik tiha Jeová no la serbí tan nia.  Tuirmai Jeová sai hirus tebes hasoru ema Izraél, no nia faʼan sira ba ema Filístia no ema Ammon nia liman.+  Entaun sira halakon no hanehan makaʼas ema Izraél iha tinan neʼe, sin, ba tinan 18 sira hanehan ema Izraél hotu iha Mota Jordaun nia sorin, iha rai neʼebé uluk nuʼudar ema Amoreu nian iha Gilead.  No ema Ammon mós hakur Mota Jordaun hodi halo funu hasoru suku Judá, suku Benjamim no suku Efraim, no ida-neʼe halo ema Izraél neon-susar tebes. 10  Entaun, ema Izraél husu ajuda ba Jeová,+ hodi dehan: “Ami halo ona sala hasoru Ita tanba ami husik ona ami-nia Maromak no serbí fali Baal sira.”+ 11  Maibé Jeová hatete ba ema Izraél: “Haʼu mak salva imi husi rai-Ejitu,+ husi ema Amoreu,+ ema Ammon, ema Filístia,+ 12  ema Sidon, ema Amalec no ema Midian bainhira sira hanehan imi, loos ka lae? Kuandu imi husu haʼu, haʼu salva imi husi sira-nia liman. 13  Maibé imi husik tiha haʼu no serbí fali maromak sira seluk.+ Tan neʼe mak haʼu sei la salva tan imi.+ 14  Laʼo ba maromak sira neʼebé imi hili ona no husu ajuda ba sira.+ Husik sira salva imi iha tempu susar.”+ 15  Maibé ema Izraél hatete ba Jeová: “Ami halo ona sala. Halo ba ami tuir Ita-nia hakarak. Maibé favór ida, salva ami iha loron neʼe.” 16  No sira hasai tiha maromak falsu* husi sira-nia leet no serbí Jeová,+ entaun nia labele tahan ona atu haree ema Izraél terus.+ 17  Liutiha tempu balu, tropa Ammon sira+ bolu malu hamutuk, no sira harii tropa nia hela-fatin iha Gilead. Entaun ema Izraél mós halibur hamutuk no sai prontu atu funu iha Mizpa. 18  Povu no ulun-naʼin sira iha Gilead koʼalia ba malu dehan: “Sé mak sei dirije ita atu funu hasoru ema Ammon?+ Husik nia sai nuʼudar xefe ba ema Gilead tomak.”

Nota-rodapé

Ka “Síria”.
Ka “maromak husi rai seluk”.