Josué 21:1-45

  • Sidade balu ba ema Levi (1-42)

    • Ba Arão nia jerasaun sira (9-19)

    • Ba família Kohat sira seluk (20-26)

    • Ba família Gerson nian (27-33)

    • Ba família Merari nian (34-40)

  • Jeová nia promesa sai loos (43-45)

21  Ulun-naʼin ba umakain sira husi suku Levi hakbesik ba amlulik Eleazar,+ Nun nia oan-mane Josué no ulun-naʼin sira husi Izraél nia suku hotu.  Ulun-naʼin ba umakain sira husi suku Levi koʼalia ho sira iha Silo,+ iha rai-Kanaan, hodi dehan: “Liuhusi Moisés, Jeová haruka atu fó sidade sira ba ami atu hela, hamutuk ho ninia rai-luan sira ba ami-nia animál-hakiak.”+  Entaun hodi halo tuir Jeová nia orden, ema Izraél fó sidade tuirmai neʼe hamutuk ho sira-nia rai-luan ba ema Levi,+ no sira fó neʼe husi sira-nia liman-rohan rasik.+  Família Kohat+ husi suku Levi mak simu rai ulukliu liuhusi dada sorteiu,* no amlulik Arão nia bei-oan sira simu sidade 13 husi suku Judá,+ suku Simeão+ no suku Benjamim.+  Kona-ba ema Kohat sira seluk, sira simu* sidade sanulu husi suku Efraim,+ suku Dan, no suku Manasés nia sorin balu.+  Kona-ba ema Gerson,+ sira simu sidade 13 husi suku Issacar, suku Aser, suku Naftali, no suku Manasés nia sorin balu iha Basan.+  Kona-ba ema Merari+ tuir sira-nia família ida-idak, sira simu sidade 12 husi suku Ruben, suku Gad no suku Zebulão.+  Nuneʼe ema Izraél fó sidade sira-neʼe hamutuk ho sira-nia rai-luan ba ema Levi liuhusi dada sorteiu, hodi halo tuir mandamentu neʼebé Jeová fó sai ona liuhusi Moisés.+  Entaun husi suku Judá no suku Simeão, sira fó sidade sira neʼebé ninia naran temi iha neʼe,+ 10  no sira fó sidade sira-neʼe ba Arão nia oan-mane sira husi família Kohat husi suku Levi, tanba rai primeiru neʼebé hili liuhusi dada sorteiu mak sira-nian. 11  Sira fó Kiriat-Arba+ no ninia rai-luan sira ba família Kohat. Kiriat-Arba, neʼe katak Hebron,+ neʼebé iha área foho nian iha Judá. Arba mak ema Anac sira-nia aman. 12  Maibé sira fó rai-luan no knua sira neʼebé haleʼu sidade neʼe ba Jefuné nia oan-mane Caleb nuʼudar ninian.+ 13  Sira fó sidade protesaun nian ba amlulik Arão nia oan-mane sira, atu nuneʼe ema neʼebé oho ema seluk la ho neon bele halai bá neʼebá,+ sidade neʼe mak Hebron+ hamutuk ho ninia rai-luan sira, no mós Libna+ hamutuk ho ninia rai-luan sira, 14  Jatir+ hamutuk ho ninia rai-luan sira, Estemoa+ hamutuk ho ninia rai-luan sira, 15  Holon+ hamutuk ho ninia rai-luan sira, Debir+ hamutuk ho ninia rai-luan sira, 16  Aim+ hamutuk ho ninia rai-luan sira, Jutá+ hamutuk ho ninia rai-luan sira, no Bet-Semes hamutuk ho ninia rai-luan sira, neʼe hamutuk sidade sia neʼebé foti husi suku rua neʼe. 17  Sira mós simu sidade sira husi suku Benjamim hanesan tuirmai neʼe: Gibeão+ hamutuk ho ninia rai-luan sira, Geba hamutuk ho ninia rai-luan sira,+ 18  Anatot+ hamutuk ho ninia rai-luan sira, no Almon hamutuk ho ninia rai-luan sira, neʼe hamutuk sidade haat. 19  Arão nia bei-oan sira, katak amlulik sira, simu sidade 13 hamutuk ho sira-nia rai-luan sira.+ 20  Ema Kohat nia família sira seluk husi ema Levi simu sidade sira husi suku Efraim liuhusi dada sorteiu. 21  Sira fó sidade protesaun nian ba ema Kohat, atu nuneʼe ema neʼebé oho ema seluk la ho neon bele halai bá neʼebá.+ Sidade neʼe mak Siquém+ hamutuk ho ninia rai-luan sira iha área foho nian iha Efraim, no mós Gezer+ hamutuk ho ninia rai-luan sira, 22  Kibzaim hamutuk ho ninia rai-luan sira, no Bet-Horom+ hamutuk ho ninia rai-luan sira, neʼe hamutuk sidade haat. 23  Sira mós simu sidade sira husi suku Dan hanesan tuirmai neʼe: Elteke hamutuk ho ninia rai-luan sira, Gibeton hamutuk ho ninia rai-luan sira, 24  Aijalon+ hamutuk ho ninia rai-luan sira, Gat-Rimon hamutuk ho ninia rai-luan sira, neʼe hamutuk sidade haat. 25  Sira mós simu sidade sira husi suku Manasés nia sorin balu hanesan tuirmai neʼe: Taanak+ hamutuk ho ninia rai-luan sira no Gat-Rimon hamutuk ho ninia rai-luan sira, neʼe hamutuk sidade rua. 26  Sidade sira hotu hamutuk ho sira-nia rai-luan sira neʼebé ema Kohat nia família sira seluk simu mak hamutuk sidade sanulu. 27  Kona-ba ema Gerson+ husi suku Levi, sira simu sidade husi suku Manasés nia sorin balu nuʼudar sidade protesaun nian, atu nuneʼe ema neʼebé oho ema seluk la ho neon bele halai bá neʼebá. Sidade neʼe mak Golan+ iha Basan, hamutuk ho ninia rai-luan sira, no sira mós simu Beestera hamutuk ho ninia rai-luan sira, neʼe hamutuk sidade rua. 28  Sira mós simu sidade sira husi suku Issacar+ hanesan tuirmai neʼe: Kision hamutuk ho ninia rai-luan sira, Daberat+ hamutuk ho ninia rai-luan sira, 29  Jarmut hamutuk ho ninia rai-luan sira, no En-Ganim hamutuk ho ninia rai-luan sira, neʼe hamutuk sidade haat. 30  Sira mós simu sidade sira husi suku Aser+ hanesan tuirmai neʼe: Misal hamutuk ho ninia rai-luan sira, Abdon hamutuk ho ninia rai-luan sira, 31  Helkat+ hamutuk ho ninia rai-luan sira, no Reob+ hamutuk ho ninia rai-luan sira, neʼe hamutuk sidade haat. 32  Sira mós simu sidade sira husi suku Naftali hanesan tuirmai neʼe: sidade protesaun nian+ atu ema neʼebé oho ema seluk la ho neon bele halai bá neʼebá. Sidade neʼe mak Kedes+ iha Galileia hamutuk ho ninia rai-luan sira, no sira mós simu Hamot-Dor hamutuk ho ninia rai-luan sira, no Kartan hamutuk ho ninia rai-luan sira, neʼe hamutuk sidade tolu. 33  Sidade hotu neʼebé ema Gerson simu tuir sira-nia família ida-idak mak 13 hamutuk ho sira-nia rai-luan sira. 34  Kona-ba ema Merari,+ katak ema Levi neʼebé restu, sira simu sidade husi suku Zebulão+ hanesan tuirmai neʼe: Jokneam+ hamutuk ho ninia rai-luan sira, Kartá hamutuk ho ninia rai-luan sira, 35  Dimna hamutuk ho ninia rai-luan sira, no Nahalal+ hamutuk ho ninia rai-luan sira, neʼe hamutuk sidade haat. 36  Sira mós simu sidade sira husi suku Ruben hanesan tuirmai neʼe: Bezer+ hamutuk ho ninia rai-luan sira, Jahaz hamutuk ho ninia rai-luan sira,+ 37  Kedemot hamutuk ho ninia rai-luan sira, no Mefaat hamutuk ho ninia rai-luan sira, neʼe hamutuk sidade haat. 38  Sira mós simu sidade sira husi suku Gad+ hanesan tuirmai neʼe: sidade protesaun nian atu ema neʼebé oho ema seluk la ho neon bele halai bá neʼebá. Sidade neʼe mak Ramot iha Gilead,+ hamutuk ho ninia rai-luan sira, no sira mós simu Manaim+ hamutuk ho ninia rai-luan sira, 39  Hesbon+ hamutuk ho ninia rai-luan sira, no Jazer+ hamutuk ho ninia rai-luan sira, neʼe hamutuk sidade haat. 40  Sidade hotu neʼebé ema Merari simu tuir sira-nia família ida-idak, katak restu husi Levi nia família, hamutuk sidade 12. 41  Ema Levi nia sidade sira hotu neʼebé iha ema Izraél nia rai mak sidade 48 hamutuk ho sira-nia rai-luan sira.+ 42  Sidade sira-neʼe ida-idak iha ninia rai-luan sira neʼebé haleʼu. 43  Nuneʼe Jeová fó rai hotu neʼe ba ema Izraél, hanesan nia jura ona atu fó ba sira-nia beiʼala,+ no sira foti rai sira-neʼe nuʼudar sira-nian no hela iha neʼebá.+ 44  Liután neʼe, Jeová halo sira moris hakmatek husi sira-nia inimigu hotu neʼebé haleʼu sira, hanesan nia jura ona ba sira-nia beiʼala.+ La iha inimigu ida mak bele kontra hasoru sira.+ Jeová entrega sira-nia inimigu hotu ba sira-nia liman.+ 45  Jeová nia promesa* diʼak hotu neʼebé nia halo ba umakain Izraél sai loos duni, la iha ida mak la sai loos.+

Nota-rodapé

Ka “simu liuhusi dada sorteiu”.
Ka “liafuan”.