Josué 20:1-9

  • Sidade protesaun nian (1-9)

20  Tuirmai Jeová dehan ba Josué:  “Hatete ba ema Izraél: ‘Hili sidade protesaun nian+ sira ba imi-nia an rasik hodi tuir buat neʼebé haʼu fó sai ona ba imi liuhusi Moisés,  atu nuneʼe ema neʼebé oho ema* seluk la ho neon bele halai bá neʼebá. Sidade sira-neʼe sei sai nuʼudar fatin protesaun nian hodi ema bele proteje an husi ema mate neʼe nia família.*+  Nia tenke halai ba sidade sira-neʼe ida,+ no hamriik iha sidade neʼe nia portaun+ no fó sai ninia kazu ba katuas sira husi sidade neʼe. Tuirmai sira tenke simu nia iha sidade neʼe no fó fatin ida ba nia no nia sei hela ho sira.  Se família husi ema neʼebé mate ona* duni tuir ema neʼe, katuas sira labele entrega ema neʼe ba ninia liman, tanba ema neʼe oho ninia maluk la ho neon no uluk nia la odi ninia maluk neʼe.+  Ema neʼe tenke hela iha sidade neʼe toʼo nia hetan tesi-lia iha povu nia oin+ no kontinua hela iha neʼebá toʼo amlulik boot mate,+ katak amlulik boot neʼebé halaʼo knaar iha tempu neʼebá. Tuirmai ema neʼe bele fila fali ba ninia sidade rasik, no fila ba ninia uma.’”+  Nuneʼe sira haketak* sidade Kedes+ iha Galileia iha área foho nian iha Naftali, Siquém+ iha área foho nian iha Efraim, no Kiriat-Arba,+ neʼe katak Hebron, iha área foho nian iha Judá.  Iha área Mota Jordaun nian, katak Jerikó nia sorin parte leste, sira haketak Bezer+ iha rai-fuik neʼebé iha rai-tetuk iha fatin aas, sira haketak sidade neʼe husi suku Ruben, no sira mós haketak Ramot+ iha Gilead husi suku Gad, no Golan+ iha Basan husi suku Manasés.+  Neʼe mak sidade sira neʼebé hili ona ba ema Izraél hotu no mós ba ema estranjeiru neʼebé iha sira-nia leet, atu nuneʼe ema neʼebé oho ema* seluk la ho neon bele halai bá neʼebá+ hodi ema mate neʼe nia família* labele oho nia antes nia hetan tesi-lia iha povu nia oin.+

Nota-rodapé

Ka “husi ida neʼebé iha direitu atu selu fali raan neʼe”.
Ka “Se ida neʼebé iha direitu atu selu fali raan neʼe”.
Ka “halo santu”.
Ka “hodi ida neʼebé iha direitu atu selu fali raan neʼe”.