Josué 19:1-51

  • Suku Simeão nia liman-rohan (1-9)

  • Suku Zebulão nia liman-rohan (10-16)

  • Suku Issacar nia liman-rohan (17-23)

  • Suku Aser nia liman-rohan (24-31)

  • Suku Naftali nia liman-rohan (32-39)

  • Suku Dan nia liman-rohan (40-48)

  • Josué nia liman-rohan (49-51)

19  Suku segundu neʼebé simu sira-nia liman-rohan liuhusi dada sorteiu*+ mak suku Simeão+ tuir sira-nia família ida-idak. No sira-nia liman-rohan mak iha suku Judá nia rai laran.+  Simeão nia liman-rohan mak Beer-Seba+ ho Seba, Molada,+  Hazar-Sual,+ Bala, Ezem,+  Eltolad,+ Betul, Horma,  Ziklag,+ Bet-Markabot, Hazar-Susa,  Bet-Lebaot+ no Saruhen, neʼe hamutuk sidade 13 ho sira-nia knua sira;  Aim, Rimon, Eter no Asan,+ neʼe hamutuk sidade haat ho sira-nia knua sira;  no knua hotu neʼebé haleʼu sidade sira-neʼe toʼo Baalat-Beer, neʼe katak Ramá neʼebé iha parte súl. Neʼe mak suku Simeão nia liman-rohan tuir sira-nia família ida-idak.  Simeão nia bei-oan sira-nia liman-rohan foti husi ema Judá nia rai, tanba ema Judá nia liman-rohan mak boot tebes ba sira. Tan neʼe, Simeão nia bei-oan sira simu rai neʼebé iha ema Judá nia liman-rohan nia laran.+ 10  Suku terseiru neʼebé simu sira-nia liman-rohan liuhusi dada sorteiu+ mak Zebulão+ nia bei-oan sira tuir sira-nia família ida-idak, no baliza ba sira-nia rai toʼo iha Sarid. 11  Sira-nia baliza saʼe ba parte oeste toʼo Mareal no kontinua ba Dabeset no tuirmai toʼo mota* iha Jokneam nia oin. 12  No baliza neʼe komesa husi Sarid ba parte leste, toʼo baliza husi Kislot-Tabor bá toʼo Daberat+ no tuirmai saʼe ba Jafia. 13  Husi neʼebá, baliza neʼe kontinua ba parte leste toʼo Gat-Hefer+ no Et-Kazin, no bá toʼo Rimon no kontinua ba Nea. 14  No iha parte norte, baliza neʼe fila ba Hanaton, no remata iha Foho-Leet Ifta-El, 15  no iha Katat, Nahalal, Sinrom,+ Idala no Belein,+ neʼe hamutuk sidade 12 ho sira-nia knua sira. 16  Neʼe mak Zebulão nia bei-oan sira-nia liman-rohan tuir sira-nia família ida-idak.+ Sidade sira-neʼe hamutuk ho sira-nia knua sira mak sira-nian. 17  Suku haat neʼebé simu sira-nia liman-rohan liuhusi dada sorteiu+ mak Issacar+ nia bei-oan sira tuir sira-nia família ida-idak. 18  Sira-nia baliza mak toʼo Jezreel,+ Kesulot, Sunem,+ 19  Hafaraim, Sion, Anaharat, 20  Rabit, Kision, Ebes, 21  Remet, En-Ganim,+ En-Hada no Bet-Pazez. 22  No baliza neʼe toʼo Tabor,+ Sahazuma no Bet-Semes, no remata iha Mota Jordaun, neʼe hamutuk sidade 16 ho sira-nia knua sira. 23  Neʼe mak suku Issacar nia liman-rohan tuir sira-nia família ida-idak.+ Sidade sira-neʼe hamutuk ho sira-nia knua sira mak sira-nian. 24  Suku lima neʼebé simu sira-nia liman-rohan liuhusi dada sorteiu+ mak suku Aser+ tuir sira-nia família ida-idak. 25  No sira-nia baliza mak Helkat,+ Hali, Beten, Aksaf, 26  Alamelec, Amad no Misal. No baliza neʼe bá toʼo parte oeste toʼo Karmel+ no Sior-Libnat, 27  no baliza neʼe fila fali ba parte leste toʼo Bet-Dagon no toʼo Zebulão no Foho-Leet Ifta-El iha parte norte, no bá toʼo Bet-Emek no Neiel. Baliza neʼe kontinua toʼo Kabul iha sorin karuk, 28  no toʼo Ebron, Reob, Hamon, Kana no toʼo sidade Sidon neʼebé boot.+ 29  No baliza neʼe fila fali toʼo Ramá no bá toʼo sidade Tiro neʼebé iha moru aas.+ Tuirmai baliza neʼe fila toʼo Hosa, no remata iha tasi iha área Akzib, 30  Umá, Afek+ no Reob,+ neʼe hamutuk sidade 22 ho sira-nia knua sira. 31  Neʼe mak suku Aser nia liman-rohan tuir sira-nia família ida-idak.+ Sidade sira-neʼe hamutuk ho sira-nia knua sira mak sira-nian. 32  Suku neen neʼebé simu sira-nia liman-rohan liuhusi dada sorteiu+ mak Naftali nia bei-oan sira tuir sira-nia família ida-idak. 33  Sira-nia baliza komesa iha Helef, husi ai-hun boot iha Zaananim,+ Adami-Nekeb no Jabneel, bá toʼo Lakum, no remata iha Mota Jordaun. 34  Baliza neʼe fila fali ba parte oeste toʼo Aznot-Tabor no kontinua husi neʼebá toʼo Hukok no toʼo Zebulão iha parte súl no toʼo Aser iha parte oeste no toʼo Judá iha Mota Jordaun iha parte leste. 35  No sira-nia sidade neʼebé iha moru aas mak: Zidim, Zer, Hamat,+ Rakat, Kineret, 36  Adama, Ramá, Hazor,+ 37  Kedes,+ Edrei, En-Hazor, 38  Iron, Migdal-El, Horem, Bet-Anat no Bet-Semes,+ neʼe hamutuk sidade 19 ho sira-nia knua sira. 39  Neʼe mak suku Naftali nia liman-rohan tuir sira-nia família ida-idak.+ Sidade sira-neʼe hamutuk ho sira-nia knua sira mak sira-nian. 40  Suku hitu neʼebé simu sira-nia liman-rohan liuhusi dada sorteiu+ mak suku Dan+ tuir sira-nia família ida-idak. 41  No baliza ba sira-nia liman-rohan mak Zora,+ Estaol, Ir-Semes, 42  Saalabin,+ Aijalon,+ Itla, 43  Elon, Timna,+ Ekron,+ 44  Elteke, Gibeton,+ Baalat, 45  Jeud, Bene-Berak, Gat-Rimon,+ 46  Me-Jarkon no Rakon, baliza neʼe hateke ba Jope.+ 47  Maibé suku Dan nia área mak kloot demais ba sira.+ Entaun sira saʼe bá hodi halo funu hasoru Lesem+ no manán sidade neʼe no oho ema iha sidade neʼe ho surik. Tuirmai sira foti sidade neʼe no hela iha neʼebá, no sira troka Lesem nia naran ba Dan, hodi tuir sira-nia beiʼala Dan nia naran.+ 48  Neʼe mak suku Dan nia liman-rohan tuir sira-nia família ida-idak. Sidade sira-neʼe hamutuk ho sira-nia knua sira mak sira-nian. 49  Ho ida-neʼe, sira remata ona fahe rai neʼe nia área sira nuʼudar liman-rohan. Tuirmai ema Izraél fó liman-rohan iha sira-nia leet ba Nun nia oan-mane Josué. 50  Hodi halo tuir Jeová nia orden, sira fó ba nia sidade neʼebé nia husu, neʼe mak Timnat-Sera,+ iha área foho nian iha Efraim, no nia harii fali sidade neʼe no hela iha laran. 51  Neʼe mak liman-rohan neʼebé amlulik Eleazar, hamutuk ho Nun nia oan-mane Josué, no ulun-naʼin sira husi suku Izraél, fahe+ liuhusi dada sorteiu iha Silo+ iha Jeová nia oin, iha odamatan ba tenda reuniaun nian.+ Ho ida-neʼe, sira remata fahe rai neʼe.

Nota-rodapé

Ka “uádi”. Haree Glosáriu.