Josué 15:1-63

  • Suku Judá nia liman-rohan (1-12)

  • Caleb nia oan-feto simu rai nuʼudar ninian (13-19)

  • Sidade sira iha suku Judá (20-63)

15  Rai neʼebé suku Judá simu*+ tuir sira-nia família ida-idak mak hahú husi rai-Edom+ nia fronteira, iha rai-fuik Zin, toʼo área Negeb nia sorin parte súl.  Sira-nia baliza iha parte súl komesa husi Tasi Masin*+ nia rohan, neʼe katak husi tasi neʼe nia ninin iha parte súl.  No baliza neʼe kontinua ba dalan neʼebé saʼe ba Akrabim+ nia sorin parte súl, liuhusi Zin, saʼe husi Kades-Barnea+ nia sorin parte súl toʼo Hezron, saʼe ba Adar, no fila ba Karka.  Tuirmai baliza neʼe liuhusi Azmon+ toʼo Uádi* Ejitu,+ no ninia rohan mak iha Tasi Boot.* Neʼe mak sira-nia baliza iha parte súl.  Sira-nia baliza iha parte leste mak Tasi Masin* saʼe toʼo Mota Jordaun nia rohan, no baliza iha parte norte komesa husi tasi neʼe nia ninin, iha Mota Jordaun nia rohan.+  Baliza saʼe ba Bet-Hogla+ no liuhusi Bet-Araba+ nia sorin parte norte, no baliza neʼe saʼe ba fatuk Bohan nian.+ Bohan mak Ruben nia oan-mane.  Baliza neʼe saʼe toʼo Debir iha Rai-Tetuk Akor+ no fila ba norte ba Gilgal,+ neʼebé besik dalan atu saʼe ba Adumim, neʼe katak iha mota* neʼe nia parte súl, no baliza neʼe liuhusi bee-matan En-Semes+ nian no remata iha En-Rogel.+  Sira-nia baliza neʼe saʼe ba Foho-Leet Hinom*+ toʼo foho-lolon ema Jebus+ nian iha parte súl, neʼe katak Jeruzalein,+ no baliza neʼe saʼe toʼo foho leten iha sorin parte oeste neʼebé hateke ba Foho-Leet Hinom, foho neʼe mak iha Rai-Tetuk Refaim nia rohan iha sorin parte norte.  No baliza neʼe kontinua husi foho leten toʼo bee-matan Neftoa,+ no toʼo sidade sira iha Foho Efron; no baliza neʼe kontinua toʼo Baala, neʼe katak Kiriat-Jearim.+ 10  Baliza neʼe fila husi Baala ba parte oeste toʼo Foho Seir no liu foho-lolon husi Foho Jearim iha sorin parte norte, neʼe katak Kesalon, no baliza neʼe tun toʼo Bet-Semes+ no liu toʼo Timna.+ 11  No baliza neʼe kontinua toʼo foho-lolon Ekron+ iha sorin parte norte, no baliza neʼe toʼo Sikeron no liu toʼo Foho Baala no kontinua toʼo Jabneel, no baliza neʼe remata iha tasi. 12  Baliza iha parte oeste mak Tasi Boot*+ no tasi ninin sira. Neʼe mak suku Judá nia baliza tuir sira-nia família ida-idak. 13  Josué fó liman-rohan ba Jefuné nia oan-mane Caleb,+ hamutuk ho Judá nia jerasaun hodi halo tuir Jeová nia orden ba Josué, no rai neʼe mak Kiriat-Arba, neʼe katak Hebron.+ Arba mak ema Anac sira-nia aman. 14  Entaun Caleb duni sai Anac nia oan-mane naʼin-tolu:+ Sesai, Ahiman no Talmai;+ sira mak ema Anac. 15  Tuirmai nia sai husi fatin neʼe hodi halo funu hasoru ema Debir.+ Uluk Debir nia naran mak Kiriat-Sefer. 16  Depois neʼe, Caleb dehan: “Mane neʼebé ataka Kiriat-Sefer no manán sidade neʼe, haʼu sei fó haʼu-nia oan-feto Aksa ba nia atu sai ninia feen.” 17  No Kenaz+ nia oan-mane Otniel+ mak manán sidade neʼe. Kenaz mak Caleb nia alin-mane. Entaun Caleb fó ninia oan-feto Aksa+ ba Otniel atu sai ninia feen. 18  Bainhira Aksa fila daudaun ba uma, nia obriga ninia laʼen atu husu ninia aman Caleb atu fó toʼos ida. Tuirmai Aksa tun husi ninia kuda-burru.* Caleb husu nia: “Ó hakarak saida?”+ 19  Aksa hatán: “Favór ida, fó bensaun ba haʼu, tanba Ita fó ona rai ida iha parte súl;* entaun fó mós Gulot-Maim.”* Ho ida-neʼe, Caleb fó Gulot Leten no Gulot Kraik ba nia. 20  Tuirmai neʼe mak suku Judá nia liman-rohan tuir sira-nia família ida-idak. 21  Sidade sira neʼebé iha suku Judá nia rai ninin besik rai-Edom nia fronteira+ iha sorin parte súl mak tuirmai neʼe: Kabzeel, Eder, Jagur, 22  Kina, Dimona, Adada, 23  Kedes, Hazor, Itnan, 24  Zif, Telem, Bealot, 25  Hazor-Hadata, Keriot-Hezron, neʼe katak Hazor, 26  Amam, Sema, Molada,+ 27  Hazar-Gada, Hesmon, Bet-Pelet,+ 28  Hazar-Sual, Beer-Seba,+ Beziotia, 29  Baala, Iim, Ezem, 30  Eltolad, Kesil, Horma,+ 31  Ziklag,+ Madmana, Sansana, 32  Lebaot, Silhim, Aim no Rimon,+ neʼe hamutuk sidade 29 ho sira-nia knua sira. 33  Sidade sira iha área Sefela+ mak: Estaol, Zora,+ Asna, 34  Zanoa, En-Ganim, Tapua, Enam, 35  Jarmut, Adulam,+ Soko, Azeka,+ 36  Saraim,+ Aditaim, no Gedera ho Gederotaim,* neʼe hamutuk sidade 14 ho sira-nia knua sira. 37  No mós Zenan, Hadasa, Migdal-Gad, 38  Dilean, Mizpe, Joktel, 39  Lakis,+ Bozkat, Eglon, 40  Kabon, Lamam, Kitlis, 41  Gederot, Bet-Dagon, Naamá no Makedá,+ neʼe hamutuk sidade 16 ho sira-nia knua sira. 42  No Libna,+ Eter, Asan,+ 43  Ifta, Asna, Nezib, 44  Keila, Akzib no Maresa, neʼe hamutuk sidade sia ho sira-nia knua sira. 45  No mós Ekron no ninia sidade kiʼik sira* no ninia knua sira; 46  husi Ekron toʼo parte oeste, fatin hotu iha Asdod nia sorin no sira-nia knua sira. 47  Asdod+ no ninia sidade kiʼik sira* no ninia knua sira; Gaza+ no ninia sidade kiʼik sira no ninia knua sira, tun toʼo Uádi* Ejitu, Tasi Boot,* no área sira neʼebé besik tasi.+ 48  No sidade sira iha área foho nian mak: Samir, Jatir,+ Soko, 49  Dana, Kiriat-Sana, neʼe katak Debir, 50  Anab, Estemo,+ Anim, 51  Gosen,+ Holon no Gilo,+ neʼe hamutuk sidade 11 ho sira-nia knua sira. 52  Arab, Duma, Esan, 53  Janim, Bet-Tapua, Afeka, 54  Humta, Kiriat-Arba, neʼe katak Hebron,+ no Zior, neʼe hamutuk sidade sia ho sira-nia knua sira. 55  Maon,+ Karmel, Zif,+ Jutá, 56  Jezreel, Jokdeam, Zanoa, 57  Kain, Gibea no Timna,+ neʼe hamutuk sidade sanulu ho sira-nia knua sira. 58  Halhul, Bet-Zur, Gedor, 59  Maarat, Bet-Anot no Eltekon, neʼe hamutuk sidade neen ho sira-nia knua sira. 60  Kiriat-Baal, neʼe katak Kiriat-Jearim,+ no Rabá, neʼe hamutuk sidade rua ho sira-nia knua sira. 61  Sidade sira iha rai-fuik mak: Bet-Araba,+ Midin, Sekaka, 62  Nibsan, Sidade Masin nian no En-Gedi,+ neʼe hamutuk sidade neen ho sira-nia knua sira. 63  Kona-ba ema Jebus+ neʼebé hela iha Jeruzalein,+ ema Judá labele duni sai sira,+ tan neʼe mak ema Jebus kontinua hela ho povu Judá iha Jeruzalein toʼo ohin loron.

Nota-rodapé

Ka “simu liuhusi dada sorteiu”.
Neʼe katak Tasi Mate.
Neʼe katak Tasi Mediterráneu.
Neʼe katak Tasi Mate.
Ka “uádi”. Haree Glosáriu.
Orj., “Foho-Leet Hinom nia Oan-Mane”.
Neʼe katak Tasi Mediterráneu.
Ka karik “nia basa liman kuandu iha kuda-burru leten hela”.
Ka “área Negeb”.
Naran neʼe katak “Basia bee nian”.
Ka karik “Gedera no ninia bibi-luhan sira”.
Ka “sidade kiʼik sira neʼebé haleʼu”.
Ka “sidade kiʼik sira neʼebé haleʼu”.
Neʼe katak Tasi Mediterráneu.