Josué 13:1-33

  • Rai neʼebé seidauk manán (1-7)

  • Fahe rai iha Mota Jordaun nia sorin parte leste (8-14)

  • Suku Ruben nia liman-rohan (15-23)

  • Suku Gad nia liman-rohan (24-28)

  • Suku Manasés nia liman-rohan iha parte leste (29-32)

  • Jeová mak suku Levi nia liman-rohan (33)

13  Josué sai katuas no tinan boot ona.+ Entaun Jeová dehan ba nia: “Ó sai katuas no tinan boot ona; maibé sei iha rai barak neʼebé imi seidauk foti nuʼudar imi-nian.*  Rai sira neʼebé imi seidauk foti+ mak tuirmai neʼe: ema Filístia no ema Gesur nia rai tomak+  (rai neʼe husi mota neʼebé liga ho Mota Nilo* neʼebé iha rai-Ejitu nia sorin parte leste* toʼo fronteira Ekron nian iha parte norte, neʼebé uluk sira bolu nuʼudar ema Kanaan nia rai)+ no neʼe inklui mós rai husi ema Filístia nia naʼi-ulun naʼin-lima,+ katak naʼi-ulun ba ema Gaza, ema Asdod,+ ema Askelon,+ ema Gat+ no ema Ekron;+ no mós ema Avim+ nia rai  neʼebé iha parte súl; ema Kanaan nia rai tomak; Meara, neʼebé nuʼudar ema Sidon nia rai,+ toʼo Afek, no toʼo fronteira husi ema Amoreu nia rai;  ema Gebal+ nia rai no rai-Líbanu tomak iha sorin parte leste, husi Baal-Gad neʼebé iha Foho Hermon nia hun toʼo Lebo-Hamat;*+  ema hotu neʼebé hela iha área foho nian husi Líbanu+ toʼo Misrefot-Maim;+ no ema Sidon hotu.+ Haʼu sei hasai sira husi ema Izraél nia oin.+ Ó tenke fahe deʼit rai neʼe ba ema Izraél nuʼudar liman-rohan, hodi tuir haʼu-nia mandamentu ba ó.+  Agora ó tenke fahe rai neʼe nuʼudar liman-rohan ba suku sia no mós ba suku Manasés nia sorin balu.”+  Kona-ba suku Manasés nia sorin balu seluk, suku Ruben no suku Gad, sira simu ona sira-nia liman-rohan neʼebé Moisés fó ba sira iha Mota Jordaun nia sorin parte leste, hodi tuir liman-rohan neʼebé Jeová nia atan Moisés fahe ona ba sira:+  husi Aroer,+ neʼebé iha Foho-Leet* Arnon+ nia ninin, no mós sidade neʼebé iha foho-leet neʼe nia klaran, no rai-tetuk hotu iha fatin aas husi Medeba toʼo Dibon; 10  no sidade hotu husi Liurai Sihon, ema Amoreu, neʼebé uluk ukun iha Hesbon, toʼo fronteira husi ema Ammon nia rai;+ 11  no mós Gilead no área husi ema Gesur no ema Maakat+ no Foho Hermon tomak no Basan+ tomak toʼo Saleka;+ 12  no rai hotu neʼebé uluk Og husi Basan mak ukun. Og ukun husi Astarot no Edrei. Moisés manán no duni sai sira.+ Og mak ema Refaim restu.+ 13  Maibé ema Izraél la duni sai+ ema Gesur no ema Maakat, nuneʼe ema Gesur no ema Maakat sei hela iha ema Izraél nia leet toʼo ohin loron. 14  Só suku Levi deʼit mak Moisés la fó rai nuʼudar liman-rohan.+ Tanba parte husi sakrifísiu sira neʼebé sunu iha ahi atu hasaʼe ba Jeová, Izraél nia Maromak, mak sai nuʼudar sira-nia liman-rohan,+ hanesan Maromak promete ona ba sira.+ 15  Tuirmai Moisés fó liman-rohan ba suku Ruben tuir sira-nia família ida-idak. 16  Sira-nia rai hahú husi Aroer, neʼebé iha Foho-Leet* Arnon nia ninin, no sidade neʼebé iha foho-leet neʼe nia klaran, no rai-tetuk hotu iha fatin aas besik Medeba; 17  Hesbon no ninia sidade hotu+ iha rai-tetuk iha fatin aas, Dibon, Bamot-Baal, Bet-Baal-Meon,+ 18  Jahaz,+ Kedemot,+ Mefaat,+ 19  Kiriataim, Sibma+ no Zeret-Sahar neʼebé iha foho leten, neʼebé tun ba rai-tetuk, 20  no Bet-Peor, foho-lolon Pisga,+ Bet-Jesimot,+ 21  sidade hotu neʼebé iha rai-tetuk iha fatin aas, no rai hotu husi Liurai Sihon, ema Amoreu, neʼebé uluk ukun iha Hesbon.+ Moisés manán nia+ no manán ema Midian nia xefe sira, neʼebé naran Evi, Rekem, Zur, Hur no Reba.+ Xefe* sira-neʼe hakruʼuk ba Liurai Sihon no hela iha neʼebá. 22  Ema Izraél mós oho Beor nia oan-mane Balám+ neʼebé siʼikdór.+ Sira oho nia ho surik hamutuk ho ema Midian sira seluk. 23  Baliza ba suku Ruben nia rai mak Mota Jordaun; no área neʼe hamutuk ho ninia sidade no knua sira mak ema Ruben nia liman-rohan tuir sira-nia família ida-idak. 24  Liután neʼe, Moisés fó liman-rohan ba suku Gad tuir sira-nia família ida-idak. 25  Sira-nia rai inklui Jazer+ no sidade hotu iha Gilead no ema Ammon+ nia rai sorin balu toʼo Aroer, neʼebé iha Rabá nia oin;+ 26  no husi Hesbon+ toʼo Ramat-Mizpe no Betonim, no husi Manaim+ toʼo baliza Debir nian; 27  no iha rai-tetuk neʼe, iha Bet-Haran, Bet-Nimra,+ Sukot+ no Zafon, rai sira neʼebé uluk Liurai Sihon husi Hesbon mak ukun.+ Entaun sira-nia área mak rai tomak iha Mota Jordaun nia sorin parte leste toʼo Tasi Kineret.*+ 28  Rai sira-neʼe hamutuk ho sira-nia sidade no knua sira mak ema Gad nia liman-rohan tuir sira-nia família ida-idak. 29  Liután neʼe, Moisés fó liman-rohan ba suku Manasés nia sorin balu tuir sira-nia família ida-idak.+ 30  Sira-nia rai mak husi Manaim,+ inklui mós área Basan tomak, no rai hotu neʼebé uluk Liurai Og husi Basan mak ukun, no suku kiʼik hotu husi Jair+ iha Basan, hamutuk sidade 60. 31  No Gilead nia sorin balu, no Astarot no Edrei,+ sidade sira neʼebé uluk Liurai Og husi Basan mak ukun, área sira-neʼe entrega ba Makir nia oan-mane+ balu tuir sira-nia família ida-idak; Makir mak Manasés nia oan-mane. 32  Rai sira-neʼe mak liman-rohan neʼebé Moisés fó ba sira iha rai-tetuk maran Moab nian iha Mota Jordaun nia sorin parte leste, besik Jerikó.+ 33  Maibé Moisés la fó liman-rohan+ ba suku Levi. Jeová, Izraél nia Maromak, mak sira-nia liman-rohan, hanesan nia promete ona ba sira.+

Nota-rodapé

Ka “seidauk manán”.
Ka “rai neʼe husi Sior”.
Orj., “iha Ejitu nia oin”.
Ka “fatin atu tama ba Hamat”.
Ka “Uádi”. Haree Glosáriu.
Ka “Uádi”. Haree Glosáriu.
Neʼe katak liurai sira.
Neʼe katak bee-lihun Genesaré, ka Tasi Galileia.