Segundu Samuel 1:1-27

  • David rona katak Saul mate (1-16)

  • Knananuk ba Saul no Jonatan (17-27)

1  Iha tempu neʼebé Saul mate ona, David manán* ema Amalec, depois neʼe, David fila fali no hela iha Ziklag+ ba loron rua.  Iha loron terseiru, mane ida mai husi Saul nia tropa sira-nia hela-fatin. Nia lees ona ninia roupa no tau rai-rahun iha nia ulun. Bainhira nia hakbesik ba David, nia hakneʼak no hakruʼuk ho oin ba rai.  David husu nia: “Ó mai husi neʼebé?” Nia hatán: “Haʼu halai husi tropa Izraél nia hela-fatin.”  David husu tan nia: “Favór ida, fó-hatene mai haʼu, saida mak akontese?” Nia hatán: “Tropa Izraél sira halai ona husi funu no ema barak mate. Saul no ninia oan-mane Jonatan mós mate.”+  David husu mane joven neʼebé lori lia-menon neʼe: “Oinsá mak ó hatene katak Saul no ninia oan-mane Jonatan mate ona?”  Mane joven neʼe hatán: “Iha tempu neʼebá haʼu iha hela Foho Gilboa,+ no haʼu haree Saul sadere hela ba ninia diman, no kuda-karreta sira no mós tropa neʼebé saʼe kuda toman ona nia.+  Bainhira nia fila oin no haree haʼu, nia bolu haʼu, no haʼu hatán: ‘Haʼu mak neʼe!’  Nia husu: ‘Ó mak sé?’ Haʼu hatán: ‘Haʼu ema Amalec.’+  Tuirmai nia dehan: ‘Favór ida, hakbesik mai no oho haʼu, tanba haʼu sente moras tebes, maibé haʼu seidauk mate.’ 10  Entaun haʼu hakbesik no oho nia,+ tanba haʼu hatene katak lakleur nia sei mate, tanba nia latan ho kanek todan. Tuirmai haʼu foti koroa husi ninia ulun no kelu husi ninia liman, no haʼu lori buat sira-neʼe atu fó ba haʼu-nia naʼi.” 11  Rona tiha neʼe, David kaer ninia roupa rasik no lees, no mane hotu neʼebé hamutuk ho nia mós halo hanesan. 12  Sira tanis ho lelir no halo jejún+ toʼo kalan, sira halo nuneʼe ba Saul no ninia oan-mane Jonatan, ba Jeová nia povu, no ba umakain Izraél+ tanba sira mate ona ho surik. 13  David husu ba mane joven neʼebé lori lia-menon: “Ó mai husi neʼebé?” Nia hatán: “Haʼu mak ema estranjeiru nia oan, ema Amalec.” 14  David hatete ba nia: “Tanbasá mak ó la taʼuk atu foti liman hodi oho ema neʼebé Jeová hili* ona?”+ 15  Ho ida-neʼe, David bolu mane joven ida no dehan: “Hakat mai oin no oho nia.” Entaun mane joven neʼe oho nia.+ 16  David hatete ba nia: “Ó lori todan ba ó-nia sala,* tanba ó rasik loke ó-nia ibun hodi fó sasin hasoru ó-nia an, hodi dehan: ‘Haʼu mak oho ema neʼebé Jeová hili* ona.’”+ 17  Tuirmai David kanta knananuk triste nian* kona-ba Saul no ninia oan-mane Jonatan.+ 18  David hatete katak povu Judá tenke aprende knananuk triste nian neʼebé hanaran “Knananuk Rama”, neʼebé hakerek iha livru Jasar:+ 19  “Oh Izraél nia ema neʼebé kmanek, sira mate no latan iha ó-nia fatin aas* sira.+ Asuwaʼin sira mate ona! 20  Keta konta neʼe iha Gat.+Keta fó sai neʼe iha Askelon nia dalan sira,Se lae, Filístia nia oan-feto sira sei haksolok,Se lae, mane neʼebé la hetan sirkunsizaun* nia oan-feto sira sei haklalak. 21  Oh foho sira iha Gilboa,+Haʼu hein katak mahobeen no udan sei la tun ba imi,No toʼos sira la fó fuan neʼebé bele hasaʼe nuʼudar sakrifísiu* ba Maromak,+Tanba iha neʼebá mak asuwaʼin sira-nia eskudu sai foʼer,No Saul nia eskudu la kose ona ho mina. 22  Uluk Jonatan nia rama+ no Saul nia surikHoban iha inimigu nia raan no sona borus funu-naʼin sira-nia bokur,No sira nafatin hetan susesu.+ 23  Ema hadomi no hafolin Saul ho Jonatan+ durante sira-nia moris tomak,No iha loron neʼebé sira mate mós sira la haketak malu.+ Uluk sira lalais liu fali manu-makikit,+No sira iha kbiit boot liu fali leaun.+ 24  Oh Izraél nia oan-feto sira, lelir ba Saul,Uluk nia fó-hatais imi ho hena mean no buat furak oioin,Nia enfeita imi-nia roupa ho osan-mean. 25  Asuwaʼin sira mate ona iha funu laran! Jonatan mate no latan iha ó-nia fatin aas sira!+ 26  Oh haʼu-nia maun Jonatan, haʼu triste tebes kona-ba ó,Ó mak folin-boot ba haʼu.+ Ó-nia domin ba haʼu kmanek liu fali domin husi feto sira.+ 27  Asuwaʼin sira mate onaNo armas funu nian lakon mohu ona!”

Nota-rodapé

Ka “oho”.
Orj., “fui mina”. Haree “Fui mina” iha Glosáriu.
Orj., “Ó-nia raan mak iha ó-nia ulun leten”.
Orj., “fui mina”. Haree “Fui mina” iha Glosáriu.
Ka “knananuk lelir nian”.
Ka “kontribuisaun santu”.