Segundu Pedro 1:1-21

  • Kumprimentus (1)

  • Sai badinas liután nuʼudar ema neʼebé Maromak hili ona (2-15)

    • Fiar aumenta tan ho hahalok seluk (5-9)

  • Fiar ba profeta sira-nia liafuan sai metin liután (16-21)

1  Haʼu Simão Pedro, Jesus Kristu nia atan no apóstolu, hakerek karta neʼe ba sira neʼebé hetan ona fiar neʼebé folin-boot hanesan ami-nian.* Ita simu fiar neʼe tanba ita-nia Maromak no ita-nia Salvadór Jesus Kristu nia hahalok loos:  Haʼu harohan katak Maromak nia laran-diʼak neʼebé boot no dame sei aumenta liután ba imi liuhusi imi-nia koñesimentu neʼebé loos+ kona-ba Maromak no ita-nia Naʼi Jesus,  tanba Maromak nia kbiit fó ona* buat hotu neʼebé ita presiza atu moris no atu laran-metin ba Maromak,* no ita simu buat sira-neʼe tanba ita iha ona koñesimentu neʼebé loos kona-ba Ida neʼebé bolu ita+ liuhusi ninia glória no hahalok diʼak.  Liuhusi buat sira-neʼe mak nia fó promesa sira neʼebé folin-boot no kmanek tebes ba ita,*+ atu nuneʼe imi bele hola parte iha Maromak nia glória,+ tanba imi sees ona husi buat foʼer iha mundu neʼe, neʼebé mosu tanba hakarak aat.*  Tanba razaun neʼe, imi neʼebé iha ona fiar tenke hakaʼas an ho kbiit tomak+ atu aumenta tan ho hahalok diʼak,+ imi-nia hahalok diʼak aumenta tan ho koñesimentu,+  imi-nia koñesimentu aumenta tan ho hahalok kontrola an, imi-nia kontrola an+ aumenta tan ho hahalok tahan susar,* imi-nia hahalok tahan susar aumenta tan ho hahalok laran-metin ba Maromak,*+  imi-nia laran-metin ba Maromak* aumenta tan ho domin ba maun-alin sira, no imi-nia domin ba maun-alin sira aumenta tan ho hahalok domin ba ema hotu.+  Tanba se imi halo buat sira-neʼe hotu no halo neʼe beibeik,* neʼe sei ajuda imi atu la sai baruk no la sai hanesan ai-hun neʼebé la fó fuan,*+ hodi halo tuir koñesimentu neʼebé loos kona-ba ita-nia Naʼi Jesus Kristu.  Tanba se ema ida la halo buat sira-neʼe, nia mak matan-delek, nia taka matan ba naroman*+ no haluha ona katak Maromak hamoos ona ninia sala neʼebé nia halo+ iha tempu uluk. 10  Tan neʼe maun-alin sira, sai badinas liután atu imi bele fiar katak imi mak ema neʼebé Maromak bolu+ no hili ona, tanba se imi kontinua halo buat sira-neʼe, imi sei la husik imi-nia fiar.*+ 11  Tuir loloos, hodi halo nuneʼe, imi sei simu bensaun boot* atu tama ba ita-nia Naʼi no Salvadór Jesus Kristu nia Ukun* neʼebé iha ba nafatin.+ 12  Tanba razaun neʼe mak haʼu sempre prontu atu fó-hanoin imi kona-ba buat sira-neʼe maski imi hatene no imi metin ona iha lia-loos neʼebé imi simu ona. 13  Maibé durante tempu neʼebé haʼu hela iha tenda* neʼe,+ haʼu hanoin katak diʼak atu haʼu fó-hanoin fali imi,+ 14  tanba haʼu hatene katak lakleur tan tenda neʼe sei hasai tiha husi haʼu, hanesan ita-nia Naʼi Jesus Kristu fó sai ona ba haʼu ho klaru.+ 15  Haʼu sei hakaʼas an nafatin, atu nuneʼe kuandu haʼu bá tiha, imi rasik bele hanoin-hetan* buat sira-neʼe. 16  Uluk kuandu ami fó sai ba imi kona-ba ita-nia Naʼi Jesus Kristu nia kbiit no kona-ba tempu neʼebé nia toʼo ona mai,* ami la koʼalia tuir istória falsu neʼebé ema inventa deʼit, maibé ami haree ninia kmanek ho matan rasik.+ 17  Tanba nia simu respeitu no glória husi Aman Maromak kuandu Maromak glória nian dehan liafuan tuirmai neʼe ba nia: “Neʼe mak haʼu-nia Oan-Mane neʼebé haʼu hadomi, neʼebé halo haʼu-nia laran kontente.”+ 18  Sin, ami rona liafuan sira-neʼe husi lalehan kuandu ami hamutuk ho nia iha foho santu. 19  Tan neʼe, ita-nia fiar ba profeta sira-nia liafuan sai metin liután, no imi halo buat neʼebé diʼak tanba imi hanoin didiʼak kona-ba neʼe. Liafuan sira-neʼe hanesan ahi-oan+ neʼebé fó naroman ba fatin nakukun neʼebé iha imi-nia laran, toʼo rai naroman no fitun dadeer nian mosu.+ 20  Tanba imi hatene ona katak profesia iha Eskritura la mai husi ema ida nia hanoin. 21  Tanba profesia la fó sai husi ema nia hakarak,+ maibé ema koʼalia liafuan husi Maromak tanba espíritu santu book* sira atu fó sai liafuan sira-neʼe.+

Nota-rodapé

Ka “hetan fiar nuʼudar priviléjiu hanesan ho ami-nian”.
Ka “fó ona ba ita no ita la presiza selu”.
Ka “atu hatudu devosaun ba Maromak”. Haree “Devosaun ba Maromak” iha Glosáriu.
Ka “ba ita no ita la presiza selu”.
Ka “tanba kaan”.
Ka “la rende an”.
Ka “ho devosaun ba Maromak”.
Ka “imi-nia devosaun ba Maromak”.
Ka “halo neʼe nakonu iha imi-nia laran”.
Ka “la fó rezultadu”.
Ka karik “nia labele haree ba dook”.
Ka “la monu”.
Ka “buat barak”.
Ka “Reinu; Governu”.
Neʼe katak ninia isin.
Ka “temi”.
Ka “lori; dirije”.