Segundu Korinto 1:1-24

  • Kumprimentus (1, 2)

  • Maromak fó kmaan ba ita iha susar hotu (3-11)

  • Paulo troka ninia planu kona-ba viajen (12-24)

1  Haʼu Paulo, Kristu Jesus nia apóstolu liuhusi Maromak nia hakarak, hamutuk ho ita-nia alin Timóteo,+ haruka karta neʼe ba Maromak nia kongregasaun* iha Korinto, inklui mós ema santu* sira hotu neʼebé hela iha Akaia tomak:+  Haʼu harohan katak ita-nia Aman Maromak no Naʼi Jesus Kristu sei hatudu laran-diʼak neʼebé boot ba imi no haraik dame ba imi.  Fó hahiʼi ba ita-nia Naʼi Jesus Kristu nia Maromak no Aman,+ Aman neʼebé laran-sadiʼa+ no Maromak neʼebé fó kmaan ba ema iha situasaun hotu.+  Nia fó kmaan* ba ita iha ita-nia susar* hotu,+ atu nuneʼe ita bele fó kmaan ba ema seluk+ iha sira-nia susar* hotu ho kmaan neʼebé ita simu ona husi Maromak.+  Tanba ita hetan susar barak nuʼudar Kristu nia dixípulu,+ entaun ita mós simu kmaan barak liuhusi Kristu.  Se ami hetan susar,* neʼe atu imi hetan kmaan no salvasaun; no se ami hetan kmaan, neʼe atu imi mós bele hetan kmaan neʼebé bele ajuda imi atu tahan terus neʼebé ami mós hasoru.  Ami-nia esperansa ba imi la namlele, tanba ami hatene katak imi mós hetan susar hanesan ami, entaun imi mós sei hetan kmaan hanesan ami.+  Tanba maun-alin sira, ami hakarak atu imi hatene kona-ba terus neʼebé ami hasoru iha provínsia Ázia.+ Ami hasoru susar neʼebé boot liu fali ami-nia kbiit, toʼo ami mós la hatene se ami sei moris ka lae.+  Tuir loloos, ami sente duni katak ami simu ona kastigu-mate. Ida-neʼe akontese atu ami la tau fiar deʼit ba ami-nia an, maibé ba Maromak+ neʼebé fó moris-hiʼas ba ema mate sira. 10  Nia salva ona ami husi perigu mate no nia sei salva tan ami, no ami tau esperansa ba nia katak nia mós sei kontinua atu salva ami.+ 11  Imi mós bele ajuda ami hodi harohan ba ami,+ tanba Maromak sei hatán ema barak nia orasaun, atu nuneʼe, ema barak sei fó agradese tanba buat neʼebé ami simu.+ 12  Tanba buat neʼebé halo ami orgullu mak neʼe: ami-nia konxiénsia fó sasin katak iha mundu neʼe, no liuliu iha imi-nia leet, ami hatudu ona hahalok santu no laran-moos neʼebé mai husi Maromak, laʼós ho matenek mundu neʼe nian+ maibé ho Maromak nia laran-diʼak neʼebé boot. 13  Tanba ami hakerek ba imi laʼós kona-ba buat seluk maibé kona-ba buat neʼebé imi bele lee* no komprende, no haʼu hein katak imi sei kontinua komprende buat sira-neʼe toʼo kompletu.* 14  Hanesan imi mós komprende katak imi bele gaba an tanba ami, nuneʼe mós ami sei gaba an tanba imi iha ita-nia Naʼi Jesus nia loron. 15  Entaun ho konfiansa hanesan neʼe mak uluk haʼu hakarak atu bá vizita imi hodi nuneʼe imi bele iha oportunidade segundu atu sente haksolok.* 16  Tanba haʼu hakarak atu vizita imi kuandu haʼu atu bá Masedónia no mós vizita imi kuandu haʼu fila husi Masedónia, depois neʼe, imi bele lori haʼu toʼo dalan klaran bainhira haʼu bá Judeia.+ 17  Maibé bainhira haʼu halo desizaun neʼe, haʼu la haree ida-neʼe nuʼudar buat baibain deʼit, loos ka lae? Ka haʼu hanoin an deʼit kuandu haʼu halo planu neʼe, atu nuneʼe haʼu dehan “sin, sin” no tuirmai “lae, lae”? 18  Maibé imi bele tau fiar ba Maromak katak buat neʼebé ami dehan ba imi mak loos. Ami la dehan uluk “sin” no tuirmai “lae”. 19  Tanba Maromak nia Oan-Mane, Jesus Kristu, neʼebé haʼu, Silvano* no Timóteo+ haklaken iha imi-nia leet, laʼós sai nuʼudar “sin” no tuirmai “lae”, maibé “sin” mak “sin” iha ninia situasaun. 20  Tanba maski Maromak nia promesa sira mak barak tebes, maibé sira hotu sai loos* ona liuhusi nia.+ Tan neʼe mós liuhusi nia mak ita dehan “Amen” ba Maromak,+ no neʼe fó glória ba nia liuhusi ita. 21  Maibé Maromak fó ona garantia katak imi no ami mak Kristu nian, no Maromak mak hili* ona ita.+ 22  Nia mós tau ona ninia sinál* ba ita.+ Sinál neʼe mak Maromak nia espíritu neʼebé iha ita-nia laran, no neʼe mak nuʼudar garantia* kona-ba buat neʼebé atu mai.+ 23  Agora haʼu jura hodi haʼu-nia moris no iha Maromak nia oin, katak haʼu seidauk bá Korinto tanba haʼu lakohi halo imi triste liután. 24  Neʼe laʼós katak ami mak domina imi-nia fiar,+ maibé ami mak maluk serbisu-naʼin ba imi-nia ksolok, tanba liuhusi imi-nia fiar mak imi hamriik.

Nota-rodapé

Ka “fó aten-brani”.
Ka “terus”.
Ka “terus”.
Ka “terus”.
Ka karik “buat neʼebé imi hatene didiʼak ona”.
Orj., “toʼo rohan”.
Ka karik “hodi nuneʼe imi bele hetan buat diʼak ba dala segundu”.
Ninia naran seluk mak Silas.
Orj., “sin”.
Orj., “fui mina”. Haree “Fui mina” iha Glosáriu.
Orj., “selus”. Haree Glosáriu.
Ka “neʼe mak hanesan osan balu neʼebé selu ona nuʼudar garantia”.