Segundu Tesalónika 3:1-18

  • Kontinua atu harohan (1-5)

  • Avizu kona-ba ema neʼebé la laʼo tuir dalan loos (6-15)

  • Kumprimentus ikus (16-18)

3  Ikusliu, maun-alin sira, kontinua atu harohan kona-ba ami,+ atu nuneʼe Jeová* nia liafuan nafatin habelar ho lalais+ no ema simu ho respeitu hanesan iha imi-nia leet,  no mós harohan atu Maromak salva ami husi ema aat sira,+ tanba laʼós ema hotu iha fiar.+  Maibé Naʼi mak laran-metin, no nia sei hametin imi no proteje imi husi aat-naʼin.*  Liután neʼe, ami fiar metin iha Naʼi kona-ba imi, katak imi halo daudaun no sei kontinua halo buat neʼebé ami hatete.  Ami hein katak Naʼi sei kontinua dirije imi-nia laran ho susesu, atu nuneʼe imi hadomi Maromak+ no tahan susar+ tanba Kristu.  Maun-alin sira, agora ami fó mandamentu ba imi hodi ita-nia Naʼi Jesus Kristu nia naran atu imi hasees an husi maun-alin hotu neʼebé la laʼo tuir dalan neʼebé loos+ no la tuir hanorin neʼebé imi* simu husi ami.+  Tanba imi rasik hatene kona-ba oinsá imi tenke halo tuir ami-nia ezemplu,+ tanba iha imi-nia leet ami halaʼo ami-nia moris ho loloos  no ami mós la han ema nia hahán hodi la selu.+ Maibé ami hakaʼas an makaʼas loron no kalan, hodi halo serbisu atu ami la hatodan imi ida.+  Neʼe laʼós katak ami la iha direitu atu simu buat ruma husi imi,+ maibé ami halo nuneʼe atu bele sai nuʼudar ezemplu ba imi atu halo tuir.+ 10  Tuir loloos, kuandu ami hamutuk ho imi, ami fó ona ukun-fuan tuirmai neʼe ba imi: “Se ema ida lakohi serbisu, keta fó hahán ba nia atu han.”+ 11  Tanba ami rona katak iha imi-nia leet iha ema balu neʼebé la laʼo tuir dalan neʼebé loos,+ sira la halo serbisu ida maibé mete iha problema neʼebé laʼós sira-nian.+ 12  Ami fó orden ba ema sira hanesan neʼe, no fó konsellu ba sira hodi Naʼi Jesus Kristu nia naran katak sira tenke halo serbisu ho hakmatek no han ai-han husi sira-nia serbisu rasik.+ 13  Kona-ba imi, maun-alin sira, keta rende an atu halo buat neʼebé diʼak. 14  Maibé se ema ida lakohi halo tuir ami-nia liafuan liuhusi karta neʼe, tau marka ba ema neʼe, no keta ransu tan ho nia,+ atu nuneʼe nia sai moe. 15  Maski nuneʼe, keta haree nia nuʼudar inimigu, maibé kontinua fó konsellu ba nia+ nuʼudar maun-alin ida. 16  Haʼu hein katak Naʼi dame nian bele fó dame nafatin ba imi iha dalan hotu.+ Naʼi hamutuk ho imi hotu. 17  Haʼu Paulo, haʼu hakerek kumprimentus neʼe ho haʼu-nia liman rasik,+ neʼe mak sinál iha haʼu-nia karta hotu, no ida-neʼe mak dalan neʼebé haʼu hakerek. 18  Haʼu hein katak ita-nia Naʼi Jesus Kristu nia laran-diʼak neʼebé boot hamutuk ho imi hotu.

Nota-rodapé

Haree Ap. A5.
Neʼe katak Satanás.
Ka karik “sira”.