Primeiru Korinto 6:1-20

  • Ema Kristaun neʼebé lori maluk Kristaun ba tribunál (1-8)

  • Ema neʼebé sei la simu Maromak nia Ukun (9-11)

  • Uza isin-lolon hodi fó hahiʼi ba Maromak (12-20)

    • “Hasees an husi sala seksuál!” (18)

6  Se imi haksesuk malu,+ tanbasá mak imi lori imi-nia maun-alin ba ema fiar-laek sira iha tribunál duké lori ba ema santu* sira?  Imi hatene ka lae katak ema santu sira sei tesi-lia ba mundu?+ No se imi mak sei tesi-lia ba mundu, entaun imi iha matenek atu tesi-lia ba buat kiʼik, loos ka lae?  Imi hatene ka lae katak ita sei tesi-lia ba anju sira?+ Entaun, tanbasá mak ita labele tesi-lia kona-ba problema sira iha moris ohin loron neʼe?  Se imi iha problema ruma neʼebé presiza rezolve,+ tanbasá mak imi hili fali sira neʼebé kongregasaun la simu atu sai nuʼudar juís ba imi?  Haʼu koʼalia nuneʼe atu halo imi moe. Iha imi-nia leet iha ema matenek neʼebé bele tesi-lia ba imi, loos ka lae?  Tanbasá mak imi lori fali imi-nia maun-alin ba tribunál no ema fiar-laek sira mak tesi-lia?  Tuir loloos, kuandu imi lori imi-nia maun-alin ba tribunál, neʼe katak imi lakon ona. Tanbasá mak imi lakohi tahan deʼit buat neʼebé la tuir justisa?+ Tanbasá mak imi la tahan deʼit kuandu ema hamatak imi?  Duké halo nuneʼe, imi halo sala no lohi hodi hamatak ema seluk, no imi halo neʼe ba imi-nia maun-alin rasik.  Imi la hatene ka? Ema aat sei la simu Maromak nia Ukun* nuʼudar liman-rohan.+ Keta lohi imi-nia an.* Ema neʼebé halo sala seksuál,*+ adora estátua,*+ halo adultériu,*+ mane neʼebé fó an ba mane seluk atu halo hahalok omoseksuál,+ no mane neʼebé halo hahalok omoseksuál,*+ 10  naʼok-teen, kaan-teen,+ lanu-teen,+ ema neʼebé gosta koʼalia liafuan kroʼat,* ka ema neʼebé hamatak ema seluk, sira sei la simu Maromak nia Ukun nuʼudar liman-rohan.+ 11  Uluk imi balu mós halo hanesan neʼe. Maibé agora Maromak fase moos* ona imi,+ halo santu* ona imi,+ no Maromak haree ona imi nuʼudar ema laran-loos+ hodi Naʼi Jesus Kristu nia naran no hodi ita-nia Maromak nia espíritu. 12  Ba haʼu, buat hotu bele deʼit, maibé laʼós buat hotu lori diʼak.+ Maski buat hotu bele deʼit ba haʼu, maibé haʼu sei la husik buat ida atu kontrola haʼu. 13  Ai-han mak ba kabun, no kabun mak ba ai-han, maibé Maromak sei halakon ai-han no kabun.+ Isin-lolon laʼós ba sala seksuál,* maibé ba Naʼi,+ no Naʼi mak ba isin-lolon. 14  Maibé Maromak mak fó moris-hiʼas ba Naʼi+ no nia mós sei fó moris-hiʼas ba ita husi mate+ liuhusi ninia kbiit.+ 15  Imi hatene ka lae katak imi-nia isin-lolon mak parte husi Kristu?+ Entaun haʼu bele foti parte husi Kristu nia isin-lolon no tutan fali ba feto-aat* nia isin ka lae? Lae duni! 16  Imi hatene ka lae katak ema neʼebé halo relasaun seksuál ho feto-aat, sira sai isin ida deʼit? Tanba Maromak dehan: “Sira naʼin-rua sei sai isin ida deʼit.”+ 17  Maibé ema neʼebé hamutuk ho Naʼi iha hanoin* ida deʼit ho nia.+ 18  Hasees an* husi sala seksuál!*+ Kuandu ema halo sala sira seluk, sala neʼe ketak husi ninia isin, maibé ema neʼebé halo sala seksuál, nia halo sala kontra ninia isin rasik.+ 19  Imi la hatene ka? Imi-nia isin-lolon mak templu+ ba espíritu santu neʼebé iha imi-nia laran, neʼebé imi simu ona husi Maromak.+ No mós, imi-nia isin-lolon laʼós imi-nian rasik,+ 20  tanba Maromak sosa ona imi ho folin karun.+ Entaun, uza imi-nia isin-lolon+ hodi fó hahiʼi ba Maromak.+

Nota-rodapé

Ka “Reinu; Governu”.
Ka karik “Keta husik ema seluk lohi imi”.
Ka “ídolu”. Haree Glosáriu.
Ka “mane neʼebé halo relasaun seksuál ho mane”. Orj., “mane neʼebé toba ho mane”.
Ka “tolok-teen; insulta makaʼas”.
Lian Gregu, porneia. Haree Glosáriu.
Ka “prostituta”.
Orj., “Halai sees”.
Lian Gregu, porneia. Haree Glosáriu.