Primeiru Timóteo 4:1-16

  • Avizu kona-ba hanorin husi anju aat sira (1-5)

  • Oinsá atu sai Kristu nia atan neʼebé diʼak (6-10)

    • Kompara treinu isin no laran-metin ba Maromak (8)

  • Hanoin didiʼak ó-nia hanorin (11-16)

4  Maibé, Maromak nia liafuan* fó sai ho momoos katak aban bainrua ema balu sei husik hela fiar hodi rona fali ba liafuan la loos neʼebé haree hanesan mai husi Maromak,*+ no mós rona ba hanorin husi anju aat sira,  no sira sei rona ba mane laran-makerek sira neʼebé koʼalia bosok,+ neʼebé sira-nia konxiénsia labele sente tan buat ida hanesan kulit neʼebé hanas ona ho besi.  Sira sei bandu ema atu la kaben+ no haruka ema atu hadook an husi ai-han balu+ neʼebé Maromak mak kria,+ atu nuneʼe ema neʼebé iha fiar no hatene didiʼak lia-loos bele han ho agradese.+  Tanba Maromak nia kriasaun hotu mak diʼak,+ no ema bele han buat hotu+ se nia simu ona ho agradese,  tanba hahán neʼe sai santu ona liuhusi Maromak nia liafuan no liuhusi orasaun neʼebé hatoʼo ona kona-ba hahán neʼe.  Se ó fó konsellu neʼe ba maun-alin sira, ó sei sai Kristu Jesus nia atan neʼebé diʼak, neʼebé sai boot no forte ona liuhusi liafuan fiar nian no hanorin diʼak neʼebé ó halo tuir ona ho loloos.+  Maibé labele simu istória falsu+ neʼebé la hatudu respeitu ba Maromak, hanesan istória sira neʼebé ferik sira konta. Iha parte seluk, treinu ó-nia an ho objetivu atu hatudu laran-metin ba Maromak.*  Tanba treinu ita-nia isin* lori buat diʼak uitoan, maibé hatudu laran-metin ba Maromak* lori diʼak ba buat hotu, tanba ida-neʼe iha promesa ba moris agora no ba moris neʼebé atu mai.+  Ita bele tau fiar no simu liafuan sira-neʼe ho laran tomak. 10  Tan neʼe mak ita serbisu makaʼas no hakaʼas an,+ tanba ita tau ona ita-nia esperansa ba Maromak neʼebé moris, neʼebé sai nuʼudar Salvadór+ ba ema hotu,+ liuliu ba sira neʼebé laran-metin. 11  Kontinua fó sai no hanorin mandamentu sira-neʼe ba sira. 12  Keta husik ema ida la respeitu ó tan deʼit ó sei joven. Maibé sai nuʼudar ezemplu ba ema laran-metin sira liuhusi ó-nia koʼalia, ó-nia hahalok, ó-nia domin, fiar, no hahalok moos. 13  Kontinua hakaʼas an hodi halaʼo ó-nia knaar atu lee iha ema nia oin,+ atu fó konsellu,* no atu hanorin, toʼo tempu neʼebé haʼu bá vizita ó. 14  Keta husik hela prezente neʼebé Maromak fó ona ba ó liuhusi profesia kona-ba ó, bainhira grupu katuas nian tau liman ba ó.+ 15  Hanoin kleʼan* kona-ba buat sira-neʼe, no fó ó-nia an tomak ba buat sira-neʼe, atu nuneʼe ema hotu bele haree ho momoos oinsá ó laʼo ba oin. 16  Kontinua hanoin didiʼak ó-nia an no ó-nia hanorin.+ Kaer metin ba buat sira-neʼe, tanba hodi halo nuneʼe mak ó sei salva ó-nia an rasik no mós ema sira neʼebé rona ó.+

Nota-rodapé

Orj., “espíritu”. Haree “Pneuma” iha Glosáriu.
Orj., “rona fali ba espíritu sira neʼebé lohi”.
Ka “hatudu devosaun ba Maromak”. Haree “Devosaun ba Maromak” iha Glosáriu.
Ka “halo ezersísiu”.
Ka “hatudu devosaun ba Maromak”. Haree “Devosaun ba Maromak” iha Glosáriu.
Ka “fó aten-brani”.
Ka “Medita”.