Primeiru Timóteo 1:1-20

  • Kumprimentus (1, 2)

  • Avizu kona-ba mestre falsu sira (3-11)

  • Naʼi hatudu laran-diʼak neʼebé boot ba Paulo (12-16)

  • Liurai rohan-laek (17)

  • “Luta ho objetivu neʼebé diʼak” (18-20)

1  Haʼu Paulo, Kristu Jesus nia apóstolu tanba mandamentu husi Maromak neʼebé ita-nia Salvadór no Kristu Jesus neʼebé hun ba ita-nia esperansa,+  haruka karta neʼe ba haʼu-nia maluk fiar-naʼin Timóteo,*+ neʼebé hanesan haʼu-nia oan rasik:+ Haʼu harohan katak Aman Maromak no ita-nia Naʼi Kristu Jesus sei haraik laran-diʼak neʼebé boot, laran-sadiʼa, no dame ba ó.  Hanesan uluk haʼu husu ó atu hela iha Éfeso bainhira haʼu atu bá Masedónia, agora haʼu mós husu ó atu hela iha neʼebá, atu nuneʼe ó bele fó konsellu makaʼas ba ema balu atu labele hanorin doutrina neʼebé oin-seluk,  no mós labele see tilun ba istória falsu+ ka ba lista kona-ba beiʼala sira-nia naran. Buat sira-neʼe la iha folin+ tanba halo ema siʼik deʼit no neʼe laʼós parte ba buat neʼebé Maromak fó atu hametin ita-nia fiar.  Tuir loloos, objetivu husi hanorin* neʼe mak atu hatudu domin+ ho laran neʼebé moos no ho konxiénsia neʼebé diʼak no ho fiar+ neʼebé la laran-makerek.  Tanba ema balu laʼo sees ona husi buat sira-neʼe, sira envolve an hodi koʼalia liafuan sira neʼebé la iha folin.+  Sira hakarak sai nuʼudar mestre+ ukun-fuan nian, maibé sira la komprende buat neʼebé sira koʼalia ka buat neʼebé sira hanorin ho fiar an.  Ita hatene katak Ukun-Fuan lori buat diʼak se ema aplika neʼe ho loloos  no ita hatene katak ukun-fuan neʼebé halo ona, neʼe laʼós ba ema laran-loos, maibé ba sira neʼebé la halo tuir ukun-fuan+ no kontradór, ema aat no sala-naʼin, ema neʼebé la hatudu laran-metin* no la respeitu buat santu, ema neʼebé oho inan no aman, no ohodór sira, 10  ema neʼebé halo sala seksuál,* mane neʼebé halo relasaun seksuál ho mane seluk,* sira neʼebé naʼok ema, bosok-teen, jura falsu,* no buat naran deʼit neʼebé kontra hanorin neʼebé loos.*+ 11  Hanorin neʼe mai husi Maromak neʼebé kontente, no tuir liafuan diʼak kmanek neʼebé nia fó ona mai haʼu.+ 12  Haʼu fó agradese ba ita-nia Naʼi Kristu Jesus, neʼebé fó kbiit mai haʼu, tanba nia haree haʼu nuʼudar ema neʼebé laran-metin hodi fó knaar mai haʼu atu halo ninia serbisu,+ 13  maski uluk haʼu koʼalia aat Maromak no fó-terus ba ninia povu no haʼu foti an.+ Maibé uluk haʼu halo buat sira-neʼe tanba la hatene no la iha fiar, tan neʼe nia hatudu laran-sadiʼa ba haʼu. 14  Maibé ita-nia Naʼi nia laran-diʼak neʼebé boot sai barak liután hamutuk ho fiar no domin neʼebé iha Kristu Jesus. 15  Liafuan tuirmai neʼe mak loos no ita bele fiar duni: Kristu Jesus mai iha mundu atu salva sala-naʼin sira.+ Husi sira hotu haʼu mak sala-naʼin neʼebé aat liu.+ 16  Maski nuneʼe, nia hatudu laran-sadiʼa mai haʼu atu nuneʼe liuhusi haʼu, sala-naʼin neʼebé aat liu, Kristu Jesus bele hatudu ninia pasiénsia boot hodi halo haʼu sai nuʼudar ezemplu ba ema neʼebé sei tau fiar ba nia hodi hetan moris rohan-laek.+ 17  Kona-ba Liurai rohan-laek,*+ neʼebé la mate,+ neʼebé ema labele haree,+ no nuʼudar Maromak mesak deʼit,+ nia merese simu hahiʼi no glória tinan ba tinan nafatin. Amen. 18  Haʼu fó matadalan* neʼe ba ó, haʼu-nia oan, Timóteo, matadalan neʼe tuir profesia neʼebé fó sai nanis ona kona-ba ó. Liafuan sira-neʼe sei ajuda ó atu kontinua luta ho objetivu neʼebé diʼak,+ 19  kaer metin ba fiar no iha konxiénsia neʼebé diʼak.+ Ema balu husik ona sira-nia konxiénsia, tan neʼe sira-nia fiar rahun hanesan ró neʼebé rahun. 20  Ema sira-neʼe balu mak Himeneu+ no Alexandre, no haʼu entrega ona sira ba Satanás,+ atu nuneʼe, liuhusi dixiplina, sira bele aprende atu la koʼalia aat Maromak.

Nota-rodapé

Naran neʼe katak “Ema neʼebé respeitu Maromak”.
Ka “mandamentu”.
Ka “la iha domin neʼebé laran-metin”.
Orj., “mane neʼebé toba ho mane”.
Ka “fó sasin falsu”.
Ka “neʼebé diʼak; neʼebé fó benefísiu”.
Orj., “Liurai ba tempu hotu”.
Ka “mandamentu”.