Éfeso 1:1-23

  • Kumprimentus (1, 2)

  • Bensaun husi Maromak (3-7)

  • Halibur buat hotu hamutuk iha Kristu (8-14)

    • “Organiza buat hotu iha tempu neʼebé deside tiha ona” (10)

    • Tau sinál liuhusi espíritu santu nuʼudar “garantia” (13, 14)

  • Paulo agradese tanba ema Éfeso nia fiar (15-23)

1  Haʼu Paulo, neʼebé sai Kristu Jesus nia apóstolu ida liuhusi Maromak nia hakarak, haʼu hakerek karta neʼe ba ema santu* sira iha Éfeso+ neʼebé laran-metin no ida deʼit ho Kristu Jesus:  Haʼu harohan katak ita-nia Aman Maromak no Naʼi Jesus Kristu sei hatudu laran-diʼak neʼebé boot ba imi no haraik dame ba imi.  Fó hahiʼi ba ita-nia Naʼi Jesus Kristu nia Maromak no Aman, tanba Maromak haraik ona bensaun hotu ba ita iha lalehan liuhusi ninia espíritu tanba ita ida deʼit ho Kristu.+  Tanba nia hili ona ita atu sai ida deʼit ho nia* antes mundu hahú,* atu nuneʼe ita bele hatudu domin, no sai santu no sala-laek+ iha ninia oin.  Tanba nia deside nanis ona+ atu hakiak ita nuʼudar ninia oan rasik+ liuhusi Jesus Kristu, tuir buat neʼebé halo nia kontente no tuir ninia hakarak,+  atu nuneʼe ema bele fó hahiʼi ba Maromak tanba nia hatudu laran-diʼak neʼebé boot+ ba ita liuhusi ninia Oan-Mane neʼebé nia hadomi.+  Liuhusi ninia Oan-Mane nia raan neʼebé sosa fali ita,+ ita sai livre ona, neʼe katak ita-nia sala sira hetan perdua,+ tanba Maromak nia laran-diʼak neʼebé boot.  Maromak fó ba ita ninia laran-diʼak neʼebé boot hamutuk ho matenek no kbiit atu komprende*  bainhira nia fó sai ba ita segredu santu+ kona-ba ninia hakarak. Segredu santu neʼe tuir buat neʼebé halo nia kontente no nia rasik deside ona atu 10  organiza* buat hotu iha tempu neʼebé deside tiha ona nia rohan, atu halibur buat hotu hamutuk iha Kristu, inklui buat sira iha lalehan no iha rai.+ Sin, buat hotu halibur iha Kristu. 11  Ami ida deʼit ho nia no ami sei simu liman-rohan,+ tanba Maromak hili nanis ona ami tuir ninia hakarak. Nia kumpre buat hotu hanesan nia deside ona tuir ninia hakarak, 12  atu nuneʼe nia bele hetan hahiʼi no glória liuhusi ami, no ami mak ema primeiru neʼebé tau esperansa iha Kristu. 13  Maibé imi mós tau esperansa ba nia bainhira imi rona tiha liafuan lia-loos nian, liafuan diʼak kona-ba imi-nia salvasaun. Bainhira imi fiar ona, Maromak tau sinál*+ ba imi liuhusi espíritu santu neʼebé nia promete ona no nia halo ida-neʼe liuhusi Kristu. 14  Espíritu neʼe mak hanesan garantia* katak ita sei simu liman-rohan.+ Maromak halo nuneʼe tanba hakarak atu halo livre ninia povu+ liuhusi Jesus nia sakrifísiu nia folin,+ no nia sei hetan glória no hahiʼi. 15  Tan razaun neʼe, bainhira haʼu rona tiha kona-ba imi-nia fiar ba Naʼi Jesus no imi hatudu domin ba ema santu hotu, haʼu mós 16  la para atu fó agradese kona-ba imi. Haʼu nafatin temi imi iha haʼu-nia orasaun, 17  atu nuneʼe ita-nia Naʼi Jesus Kristu nia Maromak, Aman glória nian, bele fó imi espíritu* matenek no komprende buat sira neʼebé nia hatudu hodi hetan koñesimentu loloos kona-ba nia.+ 18  Nia fó naroman ba imi-nia laran,* atu nuneʼe imi bele hatene kona-ba esperansa neʼebé nia bolu imi atu simu, glória folin-boot neʼebé nia rai hela hodi fó ba ema santu sira nuʼudar liman-rohan,+ 19  no mós hatene kona-ba kbiit boot tebes neʼebé nia hatudu ba ita neʼebé fiar-naʼin.+ Nia hatudu sai ho klaru ninia kbiit boot neʼe liuhusi dalan neʼebé nia uza ninia forsa. 20  Nia hatudu kbiit neʼe bainhira nia fó moris-hiʼas ba Kristu husi mate no husik Kristu tuur iha ninia liman sorin loos+ iha lalehan, 21  hodi sai aas liu fali governu hotu, ukun-naʼin hotu, podér hotu, naʼi hotu, no naran hotu,+ laʼós deʼit iha tempu* agora, maibé mós iha tempu neʼebé atu mai. 22  Maromak mós tau ona buat hotu iha Kristu nia ain okos,+ no halo nia sai nuʼudar ulun ba buat hotu iha kongregasaun,*+ 23  neʼebé mak ninia isin-lolon,+ no sai nakonu liuhusi nia, no nia mak halo kompletu buat hotu.

Nota-rodapé

Neʼe katak Kristu.
Neʼe refere ba tempu neʼebé Adão no Eva nia oan sira moris.
Ka “hanoin neʼebé loos”.
Ka “tau matan; dirije”.
Orj., “selus”. Haree Glosáriu.
Ka “hanesan osan balu neʼebé selu ona nuʼudar garantia”.
Orj., “laran nia matan”.
Ka “sistema”.