Lucas 3:1-38

3  Kuandu Liurai* Tibério nia ukun atu tama ba tinan sanulu-resin-lima, no Pónsio Pilatos mak governadór Judeia nian, no Herodes mak ukun-naʼin ba área Galileia, no mós ninia maun Filipe mak ukun-naʼin iha Itureia no Trakonitis, no kuandu Lisánias mak ukun-naʼin ba área Abilene,  no mós kuandu Anas no Caifás mak ulun-naʼin amlulik sira, iha tempu neʼe Maromak fó sai ninia mensajen ba João, Zacarias nia oan-mane neʼebé iha rai-fuik.  No João laʼo ba fatin hotu besik Mota Jordaun hodi haklaken ba ema atu hetan batizmu hodi hatudu katak sira hakribi sala no hetan perdua,  neʼe tuir buat neʼebé hakerek nanis ona iha profeta Isaías nia livru neʼebé dehan: “Rona bá! Ema ida iha rai-fuik hakilar: ‘Prepara dalan ba Jeová! Halo loos nia dalan sira.  No foho-leet hotu tenke taka tiha, no foho hotu tenke halo tetuk, no dalan kleʼuk hotu tenke halo loos tiha no dalan aat hotu tenke halo kabeer.  No ema hotu sei haree oinsá Maromak sei fó salvasaun.’”  Tan neʼe, João hahú hatete ba ema-lubun neʼebé mai atu hetan batizmu husi nia, hodi dehan: “Imi samea nia oan sira, sé mak hatete ba imi katak imi bele halai-sees husi Maromak nia hirus neʼebé atu mai?  Tan neʼe, hatudu liuhusi imi-nia hahalok* katak imi hakribi sala. No keta dehan ba imi-nia an: ‘Ami-nia aman mak Abraão.’ Basá haʼu hatete ba imi katak Maromak iha kbiit atu halo fatuk sira-neʼe sai Abraão nia oan.  Tuir loloos, baliu tau ona iha ai nia hun, no tan neʼe, ai hotu neʼebé la fó fuan diʼak sei tesi tiha no soe ba ahi.” 10  No ema-lubun husu ba nia: “Entaun, ami tenke halo saida?” 11  Nia hatán ba sira: “Ema neʼebé iha hatais tahan rua, fahe ida ba ema neʼebé la iha, no ema neʼebé iha ai-han, halo mós nuneʼe bá.” 12  No ema kobradór impostu nian mós mai atu hetan batizmu, no sira dehan ba nia: “Mestre, ami tenke halo saida?” 13  Nia hatete ba sira: “Keta husu osan liu fali buat neʼebé fó sai tiha ona tuir lei kona-ba impostu.” 14  No sira neʼebé serbisu nuʼudar tropa husu nia: “Ami mós tenke halo saida?” No nia hatán ba sira: “Keta halo aat ba ema ida ka duun matak ema, maibé haksolok bá ho kolen neʼebé imi simu.” 15  No ema hein namanas hela ba Kristu, tan neʼe sira hanoin kona-ba João hodi dehan iha sira-nia laran: “Nia mak Kristu ka?” 16  João esplika ba sira hotu: “Haʼu fó batizmu ba imi ho bee, maibé ida neʼebé iha kbiit boot liu fali haʼu sei mai, no ninia sandálias talin deʼit mós haʼu la merese atu kore. Nia sei fó batizmu ba imi ho espíritu santu no ho ahi. 17  Iha nia liman, nia kaer ona buat neʼebé uza atu haketak trigu,* no nia sei hamoos hotu fatin sama trigu nian no nia sei haloot trigu ba fatin trigu nian, maibé trigu nia kulit nia sei sunu ho ahi neʼebé sei la mate.” 18  Tan neʼe, João mós hanorin buat barak seluk tan, no nia kontinua haklaken liafuan diʼak ba ema. 19  Maibé Herodes, ukun-naʼin distritu nian, simu konsellu husi João kona-ba Herodia, ninia maun nia feen, no kona-ba hahalok aat sira neʼebé Herodes halo. 20  No Herodes halo hahalok aat ida tan: Nia hatama João iha komarka. 21  Kuandu ema hotu hetan batizmu, Jesus mós hetan batizmu. No nuʼudar nia halo orasaun, lalehan nakloke, 22  no espíritu santu neʼebé hanesan manu-pombu ida tun ba nia leten, no lian ida sai husi lalehan dehan: “Ó mak haʼu-nia Oan-Mane neʼebé haʼu hadomi, ida neʼebé halo haʼu-nia laran kontente.” 23  No mós, kuandu Jesus hahú ninia serbisu, nia tinan tolunulu. No ema barak hanoin katak nia mak José nia oan,Heli nia oan, 24  Mata nia oan,Levi nia oan,Melki nia oan,Janai nia oan,José nia oan, 25  Matatias nia oan,Amós nia oan,Naum nia oan,Esli nia oan,Nage nia oan, 26  Maat nia oan,Matatias nia oan,Semei nia oan,Josek nia oan,Jodá nia oan, 27  Joanan nia oan,Resa nia oan,Zorobabel nia oan,Salatiel nia oan,Neri nia oan, 28  Melki nia oan,Adi nia oan,Kosam nia oan,Elmadaun nia oan,Er nia oan, 29  Jesus nia oan,Eliezer nia oan,Jorim nia oan,Mata nia oan,Levi nia oan, 30  Simeaun nia oan,Judas nia oan,José nia oan,Jonam nia oan,Eliakim nia oan, 31  Melea nia oan,Mena nia oan,Matata nia oan,Natan nia oan,David nia oan, 32  Jesse nia oan,Obed nia oan,Boas nia oan,Salmon nia oan,Nasson nia oan, 33  Aminadab nia oan,Arni nia oan,Esron nia oan,Peres nia oan,Judá nia oan, 34  Jacob nia oan,Isaac nia oan,Abraão nia oan,Tera nia oan,Naor nia oan, 35  Seruk nia oan,Reú nia oan,Peleg nia oan,Eber nia oan,Sela nia oan, 36  Kaina nia oan,Arfasad nia oan,Sem nia oan,Noé nia oan,Lamek nia oan, 37  Metusalém nia oan,Enoc nia oan,Jaret nia oan,Malalel nia oan,Kaina nia oan, 38  Enos nia oan,Set nia oan,Adão nia oan,Maromak nia oan.

Nota-rodapé

Lc 3:1 Iha lia-gregu dehan katak, “César”.
Lc 3:8 Iha lia-gregu dehan katak, “fó fuan”.
Lc 3:17 Iha lia-gregu dehan katak, “kanuru boot neʼebé uza atu haketak trigu”.