Salmo 8:1-9
Ba dirijente: Ho melodia Jitit.* David nia knananuk.
8 Oh Jeová, ami-nia Naʼi, Ita-nia naran mak kmanek tebes iha mundu tomak;Ita halo Ita-nia glória aas liu fali lalehan!+
2 Tanba Ita-nia inimigu sira mak Ita hatudu sai Ita-nia forsa,Atu nuneʼe bele halo nonook inimigu sira no sira neʼebé kontra Ita,Ita halo neʼe liuhusi labarik kiʼik no bebé sira-nia ibun.+
3 Bainhira haʼu haree lalehan neʼebé Ita kria ona, no serbisu neʼebé Ita halo ho Ita-nia liman-fuan,Fulan no fitun sira neʼebé Ita halo ona,+
4 Haʼu hanoin: Ema iha folin saida hodi Ita nafatin hanoin nia?No ema nia oan-mane iha folin saida hodi Ita tau matan ba nia?+
5 Ita kria nia kiʼik liu uitoan kompara ho anju sira,*No Ita tau koroa glória no kmanek nian ba nia.
6 Ita fó kbiit ba nia atu domina buat sira neʼebé Ita halo ho Ita-nia liman;+Ita tau ona buat hotu iha ninia ain okos:
7 Bibi no karau hotu,No mós animál fuik sira,+
8 Manu sira neʼebé semo iha lalehan no ikan sira iha tasi,No kriatura hotu neʼebé nani iha tasi.
9 Oh Jeová, ami-nia Naʼi, Ita-nia naran mak kmanek tebes iha mundu tomak!
