Lucas 3:1-38
3 Iha tinan 15 husi César* Tibério nia ukun, iha tempu neʼebé Pónsio Pilatos mak governadór iha Judeia, Herodes*+ mak ukun-naʼin ba distritu* Galileia, Herodes nia maun Filipe mak ukun-naʼin ba distritu Itureia no Trakonitis, no Lisánias mak ukun-naʼin ba distritu Abilene,
2 no mós Anas no Caifás+ mak ulun-naʼin ba amlulik sira, iha tempu neʼe Maromak fó sai ninia liafuan ba Zacarias nia oan-mane João+ iha rai-fuik.+
3 João bá fatin hotu besik Mota Jordaun hodi haklaken ba ema atu hetan batizmu* hodi hatudu katak sira arrepende an atu nuneʼe sira bele hetan perdua ba sira-nia sala.+
4 Neʼe tuir duni buat neʼebé hakerek nanis ona iha profeta Isaias nia livru neʼebé dehan: “Ema ida hasai lian iha rai-fuik, hodi dehan: ‘Prepara Jeová* nia dalan bá! Halo loos ninia dalan sira.+
5 Foho-leet hotu sei ateru tiha, foho aas no foho-oan hotu tenke halo tetuk, dalan kleʼuk hotu tenke halo loos no dalan aat hotu tenke halo kabeer.
6 No ema hotu sei haree oinsá Maromak sei fó salvasaun.’”*+
7 Nuneʼe, João hahú hatete ba ema-lubun neʼebé mai atu nia fó batizmu: “Imi samea venenu nia oan sira, sé mak fó avizu ba imi atu halai sees husi Maromak nia hirus neʼebé atu mai?+
8 Tan neʼe, hatudu bá liuhusi imi-nia hahalok* katak imi arrepende imi-nia sala. Keta hanoin: ‘Ami-nia aman mak Abraão.’ Haʼu hatete ba imi katak Maromak iha kbiit atu halo fatuk sira-neʼe sai Abraão nia oan.
9 Tuir loloos, baliu tau ona besik ai-hun nia abut. Tan neʼe, ai-hun hotu neʼebé la fó fuan diʼak sei tesi tiha no soe ba ahi.”+
10 Ema-lubun neʼe husu João: “Entaun, ami tenke halo saida?”
11 Nia hatán ba sira: “Ema neʼebé iha roupa tahan rua,* fahe ida ba ema neʼebé la iha, no ema neʼebé iha ai-han, halo mós nuneʼe bá.”+
12 Kobradór impostu sira mós mai atu hetan batizmu,+ no sira dehan ba nia: “Mestre, ami tenke halo saida?”
13 Nia hatete ba sira: “Keta husu* osan liu fali buat neʼebé deside ona tuir lei impostu nian.”+
14 Nuneʼe mós sira neʼebé serbisu nuʼudar tropa husu nia: “Ami tenke halo saida?” Nia hatán ba sira: “Keta halo aat ba ema ida* ka duun matak ema,+ maibé haksolok bá ho kolen* neʼebé imi simu.”
15 Iha tempu neʼebá ema hein namanas hela ba Kristu, tan neʼe sira hotu hanoin iha sira-nia laran kona-ba João, dehan: “Nia mak Kristu karik.”+
16 João esplika ba sira hotu: “Haʼu fó batizmu ba imi ho bee, maibé ema neʼebé iha kbiit boot liu fali haʼu sei mai, no haʼu la merese atu kore ninia sandálias talin.+ Nia sei fó batizmu ba imi ho espíritu santu no ahi.+
17 Nia kaer ona ninia garfu boot atu haliri* trigu, no nia sei hamoos hotu fatin sama trigu nian no haloot trigu ba armazén, maibé nia sei sunu trigu-kulit ho ahi neʼebé labele hamate.”
18 João mós fó konsellu no hanorin buat barak seluk tan, no nia kontinua haklaken liafuan diʼak ba ema.
19 Maibé Herodes, ukun-naʼin distritu nian, hetan konsellu husi João kona-ba ninia maun nia feen Herodias, no kona-ba hahalok aat hotu neʼebé Herodes halo ona.
20 Herodes mós halo hahalok aat ida tan: Nia hatama João ba komarka.+
21 Kuandu ema hotu hetan batizmu, Jesus mós hetan batizmu.+ Bainhira nia halo daudaun orasaun, lalehan nakloke,+
22 no espíritu santu hanesan manu-pombu ida tun ba ninia leten, no lian ida sai husi lalehan dehan: “Ó mak haʼu-nia Oan-Mane neʼebé haʼu hadomi, neʼebé halo haʼu-nia laran kontente.”+
23 Jesus+ tinan 30+ bainhira nia hahú ninia serbisu. No tuir ema barak nia hanoin, nia makJosé nia oan-mane,+José mak Heli nia oan-mane,
24 Heli mak Mata nia oan-mane,Mata mak Levi nia oan-mane,Levi mak Melki nia oan-mane,Melki mak Janai nia oan-mane,Janai mak José nia oan-mane,
25 José mak Matatias nia oan-mane,Matatias mak Amós nia oan-mane,Amós mak Naum nia oan-mane,Naum mak Esli nia oan-mane,Esli mak Nagai nia oan-mane,
26 Nagai mak Maat nia oan-mane,Maat mak Matatias nia oan-mane,Matatias mak Semei nia oan-mane,Semei mak Josek nia oan-mane,Josek mak Jodá nia oan-mane,
27 Jodá mak Joanan nia oan-mane,Joanan mak Resa nia oan-mane,Resa mak Zorobabel nia oan-mane,+Zorobabel mak Sealtiel nia oan-mane,+Sealtiel mak Neri nia oan-mane,
28 Neri mak Melki nia oan-mane,Melki mak Adi nia oan-mane,Adi mak Kosam nia oan-mane,Kosam mak Elmadan nia oan-mane,Elmadan mak Er nia oan-mane,
29 Er mak Jesus nia oan-mane,Jesus mak Eliezer nia oan-mane,Eliezer mak Jorim nia oan-mane,Jorim mak Mata nia oan-mane,Mata mak Levi nia oan-mane,
30 Levi mak Simeão nia oan-mane,Simeão mak Judas nia oan-mane,Judas mak José nia oan-mane,José mak Jonam nia oan-mane,Jonam mak Eliaquim nia oan-mane,
31 Eliaquim mak Melea nia oan-mane,Melea mak Mena nia oan-mane,Mena mak Matata nia oan-mane,Matata mak Natan nia oan-mane,+Natan mak David nia oan-mane,+
32 David mak Jessé nia oan-mane,+Jessé mak Obed nia oan-mane,+Obed mak Boaz nia oan-mane,+Boaz mak Salmon nia oan-mane,+Salmon mak Nasson nia oan-mane,+
33 Nasson mak Aminadab nia oan-mane,Aminadab mak Arni nia oan-mane,Arni mak Hezron nia oan-mane,Hezron mak Peres nia oan-mane,+Peres mak Judá nia oan-mane,+
34 Judá mak Jacob nia oan-mane,+Jacob mak Isaac nia oan-mane,+Isaac mak Abraão nia oan-mane,+Abraão mak Tera nia oan-mane,+Tera mak Naor nia oan-mane,+
35 Naor mak Serug nia oan-mane,+Serug mak Reú nia oan-mane,+Reú mak Peleg nia oan-mane,+Peleg mak Eber nia oan-mane,+Eber mak Selá nia oan-mane,+
36 Selá mak Cainan nia oan-mane,Cainan mak Arpasad nia oan-mane,+Arpasad mak Sem nia oan-mane,+Sem mak Noé nia oan-mane,+Noé mak Lamec nia oan-mane,+
37 Lamec mak Metusalém nia oan-mane,+Metusalém mak Enoc nia oan-mane,Enoc mak Jared nia oan-mane,+Jared mak Malalel nia oan-mane,+Malalel mak Cainan nia oan-mane,+
38 Cainan mak Enos nia oan-mane,+Enos mak Set nia oan-mane,+Set mak Adão nia oan-mane,+Adão mak Maromak nia oan-mane.
