Primeiru Krónikas 9:1-44
9 Ema Izraél hotu nia naran hakerek ona iha lista naran nian tuir sira-nia liña jerasaun, no hakerek ona iha Livru Istória kona-ba Izraél nia Liurai sira. Ema Judá sai nuʼudar dadur* iha Babilónia tanba sira la hatudu laran-metin.+
2 Ema primeiru neʼebé fila fali ba sira-nia rai rasik iha sira-nia sidade mak ema Izraél balu, amlulik sira, ema Levi sira, no atan sira neʼebé serbí iha templu.*+
3 No mós ema balu husi suku Judá,+ suku Benjamim,+ suku Efraim no suku Manasés hela fali iha Jeruzalein. Sira-nia naran mak tuirmai neʼe:
4 Utai, nia mak Amiud nia oan-mane, Amiud nia aman mak Onri, Onri nia aman mak Imri, Imri nia aman mak Bane, Bane mak Peres nia bei-oan, no Peres+ mak Judá nia oan-mane.
5 No Asaias neʼebé nuʼudar oan-mane primeiru hamutuk ho ninia oan-mane sira. Sira mak ema Silo.*
6 No mós Jeuel hamutuk ho sira-nia maun-alin naʼin-690. Sira-nia beiʼala mak Zerá.+
7 Benjamim nia bei-oan sira neʼebé hela iha Jeruzalein mak tuirmai neʼe: Salu, nia mak Mesulam nia oan-mane, Mesulam nia aman mak Hodavias, Hodavias nia aman mak Hasenua;
8 Ibneias, nia mak Jeroam nia oan-mane; Elá, nia mak Uzi nia oan-mane, Uzi nia aman mak Mikri; no Mesulam, nia mak Sefatias nia oan-mane, Sefatias nia aman mak Ruel, Ruel nia aman mak Ibnias.
9 No sira-nia maun-alin sira tuir sira-nia jerasaun hamutuk naʼin-956. Mane hotu neʼe mak ulun-naʼin ba sira-nia aman nia umakain.
10 No husi amlulik sira neʼebé hela iha Jeruzalein mak tuirmai neʼe: Jedaias; Jeorib; Jakin;+
11 Hilquias nia oan-mane Azarias. Hilquias mak Mesulam nia oan-mane, Mesulam mak Zadoc nia oan-mane, Zadoc mak Meraiot nia oan-mane, Meraiot mak Ahitub nia oan-mane. Azarias mak ulun-naʼin ida iha Maromak loos nia uma;*
12 no mós Adaias, nia mak Jeroam nia oan-mane, Jeroam nia aman mak Pasur, Pasur nia aman mak Malquias; no Masai, nia mak Adiel nia oan-mane, Adiel nia aman mak Jazera, Jazera nia aman mak Mesulam, Mesulam nia aman mak Mesilemit, Mesilemit nia aman mak Imer;
13 no ho sira-nia maun-alin sira hamutuk naʼin-1.760, neʼebé serbí nuʼudar ulun-naʼin ba sira-nia aman nia umakain, sira mak mane neʼebé kbiit boot no matenek hodi halaʼo serbisu iha Maromak loos nia uma.
14 Ema Levi neʼebé hela iha Jeruzalein mak tuirmai neʼe: Hasub nia oan-mane Semaias.+ Hasub mak Azrikam nia oan-mane, Azrikam mak Hasabias nia oan-mane, Hasabias mak husi Merari nia jerasaun;
15 Bakbakar; Heres; Galal; Matanias, nia mak Mika nia oan-mane, Mika nia aman mak Zikri, Zikri nia aman mak Asaf;
16 Obadias, nia mak Semaias nia oan-mane, Semaias nia aman mak Galal, Galal nia aman mak Jedutum; no Berekias, nia mak Asa nia oan-mane, Asa nia aman mak Elkana, neʼebé hela iha ema Netofa+ nia knua sira.
17 Guarda sira neʼebé hein portaun+ neʼebé hela iha Jeruzalein mak Salum, Akub, Talmon no Ahiman. Sira-nia maun Salum mak nuʼudar ulun-naʼin,
18 no uluk Salum hein liurai nia portaun iha sorin parte leste.+ Mane sira-neʼe mak guarda neʼebé hein portaun iha ema Levi nia hela-fatin.
19 Salum nia aman mak Kori, Kori nia aman mak Ebiasaf, no Ebiasaf nia aman mak Kora. Salum no ninia maun-alin sira husi ninia aman nia umakain, katak Kora nia jerasaun, sira tau matan ba knaar santu no tenda nia odamatan sira. Horiuluk kedas sira-nia beiʼala sira tau matan ba Jeová nia uma nuʼudar guarda iha portaun atu tama.
20 Uluk Eleazar+ nia oan-mane Fineias+ mak sira-nia ulun-naʼin no Jeová hamutuk ho Fineias.
21 Meselemias nia oan-mane Zacarias+ mak guarda neʼebé hein odamatan ba tenda reuniaun nian.
22 Ema hotu neʼebé hetan knaar nuʼudar guarda neʼebé hein portaun hamutuk naʼin-212. Sira hela iha sira-nia knua ida-idak tuir sira-nia liña jerasaun neʼebé rejistu ona iha lista naran nian.+ Samuel neʼebé konsellu-naʼin*+ no mós David, tau fiar ba mane sira-neʼe hodi fó knaar ba sira.
23 Mane sira-neʼe no sira-nia oan-mane halaʼo knaar nuʼudar guarda ba portaun iha Jeová nia uma,+ neʼe katak tenda santu.
24 Guarda sira hein portaun iha sorin haat, sorin parte leste, oeste, norte no súl.+
25 Sira-nia maun-alin sira sempre mai husi sira-nia knua atu halo serbisu hamutuk ho sira ba loron hitu.
26 Iha xefe* naʼin-haat atu tau matan ba guarda sira neʼebé hein portaun. Sira mak ema Levi, no ema tau fiar ba sira atu halaʼo knaar hodi tau matan ba kuartu* no osan-fatin sira iha Maromak loos nia uma.+
27 Sira hein kalan tomak iha sira ida-idak nia fatin haleʼu Maromak loos nia uma, tanba sira simu knaar nuʼudar guarda no kaer xave no dadeer-dadeer sira mak loke odamatan.
28 Sira balu simu knaar atu tau matan ba sasán sira+ neʼebé uza ba adorasaun. Sira sura sasán sira-neʼe bainhira sira foti no bainhira sira tau fali.
29 Sira balu tan simu knaar atu tau matan ba sasán santu sira+ seluk hotu, no tau matan ba trigu uut neʼebé diʼak,+ tua-uvas,+ mina,+ olíbanu+ no mina-bálsamu.+
30 Amlulik nia oan-mane balu mak kahur mina-morin husi mina-bálsamu.
31 No Matitias mak simu knaar atu tau matan ba ema sira neʼebé tunu paun tanba ema bele tau fiar ba nia.+ Nia mak Salum nia oan-mane primeiru husi Kora nia umakain husi suku Levi.
32 Sira-nia maun-alin balu husi Kohat nia umakain simu knaar atu tau matan ba paun santu,+ no prepara neʼe kada loron Sábadu.+
33 Mane sira-neʼe mak kantadór iha templu nia kuartu* sira, sira mak ulun-naʼin ba umakain sira husi suku Levi. Sira la halo knaar sira seluk tanba loron-kalan sira tenke halaʼo sira-nia knaar neʼe.
34 Mane sira-neʼe mak ulun-naʼin ba sira-nia aman nia umakain husi suku Levi tuir sira-nia jerasaun. Ulun-naʼin sira-neʼe hela iha Jeruzalein.
35 Jeiel mak Gibeão nia aman. Nia hela iha sidade Gibeão.+ Ninia feen naran Maaka.
36 Ninia oan-mane primeiru mak Abdon, tuirmai Zur, Kis, Baal, Ner, Nadab,
37 Gedor, Ahio, Zacarias no Miklot.
38 Miklot nia oan-mane mak Simeia.* No sira hela ho sira-nia maun-alin iha Jeruzalein besik sira-nia maun-alin sira seluk.
39 Ner+ nia oan-mane mak Kis, Kis nia oan-mane mak Saul,+ Saul nia oan-mane sira mak Jonatan,+ Malkisua,+ Abinadab+ no Esbaal.
40 Jonatan nia oan-mane mak Merib-Baal.+ Merib-Baal nia oan-mane mak Miqueias.+
41 Miqueias nia oan-mane sira mak Piton, Melec, Tarea no Acaz.
42 Acaz nia oan-mane mak Jara, Jara nia oan-mane sira mak Alemet, Azmavet no Zimri. Zimri nia oan-mane mak Moza.
43 Moza nia oan-mane mak Binea, Binea nia oan-mane mak Refaias, Refaias nia oan-mane mak Eleasa, Eleasa nia oan-mane mak Azel.
44 Azel iha oan-mane naʼin-neen, no sira-nia naran mak Azrikam, Bokeru, Ismael, Searias, Obadias no Hanan. Sira hotu mak Azel nia oan-mane.
