Skip to content

Tanbasá ita moris?

Tanbasá ita moris?

Bíblia nia resposta

Ema husu pergunta oioin kona-ba moris. Dala ruma sira husu, tanbasá ita moris? Ita-nia moris iha objetivu ka lae? Bíblia hatudu katak objetivu ba ita-nia moris mak atu iha relasaun diʼak ho Maromak. Hanoin toʼok Bíblia nia hanorin balu tuirmai neʼe.

  • Maromak mak ita-nia Kriadór. Bíblia hatete: “Maromak . . . kria ita, no ita mak ninian.”​—Salmo 100:3; Apokalipse 4:11.

  • Maromak iha objetivu ba buat hotu neʼebé nia kria, inklui mós ita.​—Isaias 45:18.

  • Maromak kria ita atu buka-hatene kona-ba ninia matadalan sira no inklui mós atu buka-hatene tanbasá ita moris. (Mateus 5:3) Maromak gosta atu ita kumpre ita-nia hakarak neʼe.​—Salmo 145:16.

  • Kuandu ita sai belun ho Maromak, ita bele kumpre ita-nia hakarak atu buka ninia matadalan. Maski karik ema balu hanoin susar atu sai Maromak nia belun, maibé Bíblia fó laran-manas ba ita hodi dehan: “Hakbesik ba Maromak, no nia sei hakbesik ba imi.”​—Tiago 4:8; 2:23.

  • Hodi sai Maromak nia belun ita presiza moris tuir ninia hakarak ba ita. Bíblia fó sai Maromak nia hakarak iha Eclesiastes 12:13, hodi dehan: “Hamtaʼuk Maromak loos no halo tuir ninia mandamentu bá, tanba neʼe mak ema nia obrigasaun.”

  • Iha futuru, Maromak sei halakon terus hotu no fó moris ba nafatin ba ninia belun sira neʼebé adora nia, neʼe mak Maromak nia hakarak ba ita horiuluk kedas.​—Salmo 37:10, 11.