Skip to content

Tanbasá mak ita tenke halo orasaun liuhusi Jesus nia naran?

Tanbasá mak ita tenke halo orasaun liuhusi Jesus nia naran?

Bíblia nia resposta

 Atu bele hakbesik ba Maromak, Ita presiza halo orasaun ba Maromak liuhusi Jesus nia naran tanba neʼe mak dalan ida deʼit neʼebé Maromak simu. Jesus dehan: “Haʼu mak dalan no lia-loos no moris. Ema ida labele hakbesik ba Aman se la liu husi haʼu.” (João 14:6) Jesus mós hatete ba ninia apóstolu sira neʼebé laran-metin, hodi dehan: “Tebes haʼu hatete loloos ba imi katak, se imi husu buat naran deʼit ba Aman, nia sei fó ba imi hodi haʼu-nia naran.”—João 16:23.

Razaun seluk tanbasá halo orasaun liuhusi Jesus nia naran

  •   Ita hatudu respeitu ba Jesus no ninia Aman, Maromak Jeová.—Filipe 2:9-11.

  •   Ita hatudu agradese ba Jesus nia sakrifísiu neʼebé Maromak arranja hodi salva ita.—Mateus 20:28; Apóstolu 4:12.

  •   Ita hatudu katak ita rekoñese Jesus nia knaar nuʼudar mediadór entre Maromak no ema.—Ebreu 7:25.

  •   Ita hatudu katak ita respeitu Jesus nuʼudar Amlulik Boot, neʼebé bele ajuda ita atu iha relasaun diʼak ho Maromak.—Ebreu 4:14-16.