Skip to content

Maromak nia naran mak Jesus ka lae?

Maromak nia naran mak Jesus ka lae?

Bíblia nia resposta

Jesus bolu ninia an nuʼudar “Maromak nia Oan-Mane”. (João 10:36; 11:4) Jesus nunka bolu ninia an rasik nuʼudar Maromak neʼebé Aas Liu Hotu.

Laʼós neʼe deʼit, Jesus mós halo orasaun ba Maromak. (Mateus 26:39) No nia hanorin ninia dixípulu sira oinsá atu halo orasaun, hodi dehan: “Ami Aman iha lalehan, halo Ita-nia naran sai santu.”—Mateus 6:9.

Jesus fó sai Maromak nia naran bainhira nia temi eskritura lian Ebraiku ida, neʼebé dehan: “Rona bá, oh ema Izraél, Jeová ita-nia Maromak mak Jeová mesak ida deʼit.”—Marcos 12:29; Deuteronómio 6:4.