Skip to content

Maromak mak kria Diabu ka lae?

Maromak mak kria Diabu ka lae?

Bíblia nia resposta

Bíblia hatudu katak Maromak la kria Diabu, maibé iha anju ida neʼebé ikusmai halo nia an sai Diabu. Kona-ba Maromak nia hahalok sira, Bíblia dehan: “Ninia serbisu mak perfeitu, tanba ninia dalan sira hotu mak loos. Maromak laran-metin, nia sempre hatudu justisa, nia iha hahalok loos no laran-loos.” (Deuteronómio 32:3-5) Husi eskritura neʼe ita bele hatene katak uluk Diabu Satanás mak anju perfeitu ida no iha hahalok loos, no nia mós serbí Maromak.

Iha João 8:44 Jesus hatete katak Diabu “la kaer metin ba lia-loos”, neʼe katak uluk Satanás iha hahalok diʼak no la halo sala.

Jeová nia kriasaun hotu iha liberdade atu hili saida mak sira sei halo, sira bele hili atu halo buat neʼebé diʼak ka buat neʼebé aat, nuneʼe mós ho anju neʼebé halo nia an sai Satanás. Bainhira anju neʼe hili atu kontra Maromak no lohi Adão no Eva atu halo tuir nia, nia sai Satanás, neʼebé signifika “Kontradór”.—Génesis 3:1-5; Apokalipse 12:9.