Skip to content

PERGUNTA HUSI JOVEN SIRA

Haʼu prontu atu kaben ka lae?

Haʼu prontu atu kaben ka lae?

Antes hatán pergunta neʼe, ó presiza koñese didiʼak lai ó-nia an. Porezemplu, hanoin toʼok buat sira tuirmai neʼe:

Relasaun ho ema seluk

Oinsá mak ó trata ó-nia inan-aman no maun-alin sira? Ó sempre sai hirus lalais ba sira hodi koʼalia liafuan neʼebé makaʼas bainhira hatoʼo ó-nia hanoin ba sira ka lae? Sira sei hatete saida kona-ba ó? Dalan neʼebé ó trata ó-nia família, hatudu ho klaru, oinsá ó sei trata ó-nia kaben.​—Éfeso 4:31.

Hahalok

Ó mak ema neʼebé hanoin pozitivu ka hanoin negativu? Ó iha hanoin neʼebé loos ka ó sempre obriga ema seluk atu halo tuir ó-nia hanoin? Ó bele nafatin kalma bainhira hasoru susar ruma ka lae? Ó mak ema neʼebé pasiénsia ka lae? Se husi agora kedas ó haburas hahalok sira neʼebé espíritu santu lori mai, neʼe sei ajuda ó sai feen ka laʼen neʼebé diʼak.​—Galásia 5:22, 23.

Osan

Oinsá mak ó tau matan ba ó-nia osan? Ó sempre debe osan ka lae? Ó sempre troka hela deʼit serbisu? Se sin, tanbasá? Tanba serbisu? Patraun? Ka tanba ó iha toman ka hahalok ruma neʼebé presiza atu hadiʼa? Se agora deʼit, ó la hatene atu tau matan osan, oinsá tan bainhira ó iha ona família rasik?​—1 Timóteo 5:8.

Relasaun ho Maromak

Se ó mak Testemuña ba Jeová ida, saida mak ó halo atu mantein relasaun diʼak ho Maromak? Ó badinas atu lee Bíblia, haklaken no fó komentáriu iha reuniaun ka lae? Ema neʼebé sei sai ó-nia kaben merese duni atu hetan ema neʼebé iha relasaun diʼak ho Jeová.​—Eclesiastes (Pengkhotbah) 4:9, 10.

Se ó koñese didiʼak ó-nia an, fasil ba ó atu hetan pár neʼebé bele hametin liután ó.