Skip to content

Vídeo kona-ba Bíblia​—Hanorin importante sira husi Bíblia

Vídeo badak sira-neʼe fó resposta ba pergunta importante oioin kona-ba Bíblia, hanesan: Tanbasá mak Maromak kria mundu? Saida mak akontese kuandu ema mate? no Tanbasá mak Maromak husik terus akontese?

Maromak mak kria universu ka lae?

Ema barak ladún komprende Bíblia nia hanorin kona-ba kriasaun, ka sira hanoin neʼe mak istória deʼit. Ita bele fiar buat neʼebé Bíblia esplika kona-ba oinsá universu hahú ka lae?

Maromak iha naran ka lae?

Maromak iha títulu oioin, hanesan Aman, Kriadór no Naʼi. Maibé iha Bíblia laran Maromak nia naran mosu maizumenus dala 7.000.

Bíblia mai husi sé?

Maski ema mak hakerek Bíblia, maibé bele ka lae ita bolu ida-neʼe nuʼudar Maromak nia liafuan? Sé nia hanoin mak hakerek iha Bíblia laran?

Bíblia laʼós inventa deʼit

Se Bíblia mak husi Maromak, nia tenkesér la hanesan ho ema nia livru.

Tanbasá mak Maromak kria mundu?

Ita-nia mundu nakonu ho buat furak oioin. Maromak tau mundu ho distánsia neʼebé loos husi loro-matan, no mundu dulas ho loloos. Tansá mak Maromak kria mundu furak hanesan neʼe?

Saida mak akontese kuandu ema mate?

Bíblia promete katak loron ida, ema barak neʼebé mate ona sei moris fila fali, hanesan ho Lázaro.

Infernu iha duni ka lae?

Bíblia dehan katak tanba “Maromak mak domin”, nia sei nunka fó-terus ba ema tanba sira-nia sala uluk nian.

Jesus Kristu mak Maromak ka lae?

Jesus Kristu mak Maromak neʼebé Kbiit Boot Liu Hotu ka lae? Ka nia mak la hanesan ho Maromak?

Tanbasá mak Jesus mate?

Karik Ita rona ona katak nia mate atu kasu ita-nia sala. Maibé ema ida nia sakrifísiu bele duni lori benefísiu ba ema millaun ba millaun ka lae?

Saida mak Maromak nia Ukun?

Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.

Maromak nia Ukun hahú ona iha tinan 1914

Maizumenus tinan 2.600 liubá, Maromak fó mehi ba liurai ida no mehi neʼe sai loos daudaun ohin loron.

Mundu nia situasaun troka ona husi tinan 1914

Mundu nia situasaun no ema nia hahalok hatudu ho klaru katak Bíblia nia profesia kona-ba loron “ikus sira” kumpre daudaun hahú husi tinan 1914.

Tanbasá mak Maromak husik terus akontese?

Bíblia nia resposta bele halo ita sente kontente no kmaan.

Maromak simu adorasaun hotu ka lae?

Ema barak fiar katak la importante relijiaun saida mak ita ida-idak hili.

Maromak simu adorasaun neʼebé uza estátua no imajen ka lae?

Estátua no imajen bele ajuda ita sente besik ho Maromak neʼebé ita labele haree ka lae?

Maromak rona orasaun hotu ka lae?

Oinsá se ema ida halo orasaun tanba hanoin an deʼit? Oinsá se mane ida baku ninia feen iha uma, no loron tuirmai nia husu Maromak nia bensaun?