Asunga um chop

Secondary menu a chop

Asunga um chop

Jehovah Sakhite

Chin (Kuki)

Pathen Akon Thupha!

 Simmun 12

Pathen Toh Kinaina Dia Iti Bol Thei Ham?

Pathen Toh Kinaina Dia Iti Bol Thei Ham?

1. Pathenin taona jouse angai hi nam?

Pathenin amatoh kinaina din tao uvin tin mijouse akouve. (Labu 65:2) Ahin, taona jouse angai pon. Tekahin, ajinu bolgenthei pa taona chu angailou. (1 Peter 3:7) Phatmona avella bol Israelte taona chu Pathenin a ngaipon. Chonsetna len khat bolkha a lungkisih tah a tao mi chu ataona angaipeh ahi. Taona kiti chu hamphatna khat ahi.​Isaiah 1:15; 55:7 simin.

2. Iti Itao diu?

Jehovah Sempa ahin, Pathen dihtah ahi jeh a amahenga tao ding ahi. (Matthwe 4:10; 6:9) Eiho chamkim louna le chonsetna jeh a Jesu thi ahin, hiche jeha ama mina tao ding ahi. (John 14:6) Lekhabu a jihdohsa ahilouleh chinpha atao tiho Jehovah’in adeilou. Nangma lungila kon taona chu adeiye.​Matthew 6:7; Philippi 4:6, 7 simin.

Pathenin awgin louva tao jong chu ajah ahi. (1 Samuel 1:12, 13) Pathen henga phat jousea kitao theiye. Tekahin, imut phat, kitho phat, aneh phat, boina ito phat le tao thei ahi.​Labu 55:22; Matthew 15:⁠36 simin.

3. Ipijeh a Christiante kikhom jiu ham?

Pathen toh kinaina bailam ahipoi. Ajeh chu Pathen tahsanlou ho leisetna chamna le lungmona bolding Pathen thutepna taitom ho lah a iumjeh u ahi. (2 Timothy 3:1, 4; 2 Peter 3:3, 13) Hijeh a tahsan kito ho kikhom jiuva kithapeh tocheh ahiuve.​—Hebrew 10:24, 25 simin.

 Pathen ngailute toh ki jol le chun Pathen toh nakinai din ahi. Jehovah Sakhite houin kikhopna a tahsan kibahpite tahsana na mu akon phatchomna na nei thei ahi.​—Rome 1:11, 12 simin.

4. Pathen toh kinaina dia iti bol thei ham?

Bible na jilla na het ho gel le chun Pathen toh nakinai thei ahi. Pathen natohna, thupeh le athutepna ho gelkhoh in. Taona le lunglut tah in gel le chun Pathen ngailutna le chihna na hetthem thei ahi.​Joshua 1:8; Labu 1:1-3 simin.

Pathen tahsanna kona amatoh kinai thei ahi. Ahin, tahsanna chu neh peh ding hinna nei khat tobang ahi. Na tahsana nung gella kona tahsana adetjingna dinga tanlouva na bol ding ahi.​Matthew 4:4; Hebrew 11:1, 6 simin.

5. Pathen toh kinai jeh a ipi na phatchompi ding?

Jehovah’in ama ngailute chu agelkhoh-e. Amaho tahsan kinepna le tonsot hinna chu suhnohpha thei thil jouse akona ahonbit ji in. (Labu 91:1, 2, 7-10) Idamtheina u le nopna suboi thei lam juikhah na loudin gihna ipeh jiuve. ­Jehovah’in aphapen hinkho lam ihil jiuve.​Labu 73:27, 28; Jocob 4:4, 8 simin.