1. Pathenin ipijeh a leiset ahin sem ham?

Jehovah chun lei hi mihemte ahin pe in. Hiche chu eiho chenna in ahi. Hijeh a mi masa Adam le Eve chu vanna umdinga ahin sem ahi poi. Vanna vantilte ana semsa ahi. (Job 38:4, 7) Pathenin a sem masa pasal chu Eden hona ana chensah in. (Semtilbu 2:15-17) Adam le a chilhahte chun leisetna beitih neilou hinkhuo nuomtah aman theina diu chu Jehovah’in ana peh-e.​Labu 37:29; 115:16 simin.

Atilla Edenhon chu paradis ana hi. Nupa masate chun achate toh leiset a lodiu. Khuonunga amaho chun leiset pumpi hi paradise dinga aboldiu ahi. (Semtilbu1:28) Leiset itih chan hi jong le suhsetna umlouva, mihemte kumkho a cheng jing diu ahi.​—Labu 104:5 simin.

2. Ipijeh a leiset hi tua paradise hilou lai ham?

Adam le Eve chun Pathen thu a nitlhonlou jeh a, Jehovah’in hona konin ana daldoh lhon ahitai. Paradise chu ana mang tai. Atilla banga mihemte in anungbol thei lou ahi tan. Bible la, “vannoi hi agiloupa apedoh tai,” tin aseiye.​Job 9:24. Semtilbu 3:23, 24 simin.

Jehovah’in mihemte dinga atilla ana gona ajeh chu a dalhah hitam? Adalhah poi! Ama chu Hatchungnung ahi. Aboltheilou kiti aumpoi. (Isaiah 45:18) Aman atilla anagon ajeh dungjuija anung hidohsah teiding ahi.​Labu 37:11, 34 simin.

3. Paradise iti nunghi ding ham?

Pathen Lenga Jesun vai apoh kah sunga leiset paradise nunghi ding. Amagedon kiti gal la Jesun Pathen vantilte  ahin lamkai ja Pathen gal kiti jouse asuhmanghel ding ahi. Chujoule Jesun Satan chu Kum 1,000 ahen ding. Pathen houte chu Jesun alamkai ja ahonbit jeh a suhmanga umlouva leiset Paradise a tonsot hinna anei diu ahiuve.​Thuphon 20:1-3; 21;3, 4 simin.

4. Gentheihesohna itih kichai ding?

Pathenin leisetna phatmona itih asuhmang ding? Akichaina phat ding ‘melchihna’ Jesun ahinseiye. Leiset chung thilsoh umchanho tubanga aumdan leh mihem chile nam mang thei ahi. Hiche thilsoh umchanhoa kona eihon “leiset kichai” nikhuo phatna hing ihuve ti vetsahna ahi.​Matthew 24:3, 7-14, 21, 22 simin.

Jesun vanna Kona leiset vai apoh phat kum 1,000 sunga gentheihesohna jouse asuhmang ding ahi. (Isaiah 9:6, 7; 11:9) Leng le Thempua panga Pathen ngailute chonsetna asuhbei ding. Pathenin Jesu jeh a natna, tehna, thina ho asuhbeiding ahitai.​Isaiah 25:8; 33:24 simin.

5. Khounung Paradise a koiho cheng diu ham?

Houin a Pathen ngailuhte le ama lungdei khutsana itikinga thei ye ti kihilna ngaichate na mu thei

Pathen Thu ngaite bou Paradise a cheng diu ahi. (1John 2:17) Mi lungnengte hol la Pathen akhutsanho ahina dinga aseijuite Jesun ahinsol ahi. Tulai mihem niel tamtah chun khuonung leiset Paradise chena dinga Pathenin eigonpeh u-ve. (Zephaniah 2:3) Jipha, Papha hitheina chu Jehovah Sakhite huoin na mihon kihilna aneiuve. Chate, nu le pa te thakhatna hou khomna, Thupha akona phatchomna akihil u-ve.​Micah 4:​1-4 simin.