Asunga um chop

Secondary menu a chop

Asunga um chop

Jehovah Sakhite

Chin (Kuki)

Pathen Akon Thupha!

 Simmun 6

Mithiho Dinga Ipi Kinepna Um Ham?

Mithiho Dinga Ipi Kinepna Um Ham?

1. Mithiho dinga itobang thupha um?

Jerusalem khopi kom Bethany khoa Jesu alhun nin ajolpa Lazal athi jou nili ahi tai. Jesun athipa a-unu ni Martha le Mary toh lhankhuh ah achevin. Sotlouvin mipi ahunglhung tai. Jesun Lazal chu anunghinsa jeh a a-unu ni akipading dan chu geltemin.​John 11:21-24, 38-44 simin.

Mithiho thudol la thupha chu Martha ahetsah ahi. Jehovah’in mithiho leisetna anunghing sah kitding tichu ahetsa ahi.​—Job 14:14, 15 simin.

2. Mithiho umchan itin tem?

Pathenin Adam hitin ahinseiyin: “Leivuiya kisemdoh nahin, leivui nalesokit ding ahi.”—SEMTILBU 3:19.

Mihemte leivut na kisem ahi. (Genesis 2:7; 3:​19) Eiho tahsa sunga lhagao kiti um ahipoi. Thi nungleh imacha hingdan deh ahipoi. Ithi leh lhohbuh jong thi, lunggelna jong mangsoh hel. Hijeh a Lazal chu athi sunga ato umchan ahinsei poi, athisan ima ahetlou jeh ahi.​Labu 146:4; Thuhilpa 9:5, 6, 10 simin.

Mi athi nungleh meidilla gimbolna anei ham? Athisan ima hetna aneipoi tia Bible la kiseisa ahi jeh a meidilla gimbolna adoudiu ahi tichu Pathen thu taimona thuhilna ahi.Mihemte meidilla gimgentheina peh ding tichu Pathen doumahtah ahi.​Jeremiah 7:31 Simin.

3. Mithihon thu aseithei ham?

Mithisan thu aseithei lou, kho jahna aneilou. (Labu115:17) Ahin, vantil phalouho chun athisan thu aseibanga mihemte toh thu asei jiu ahi. (2 Peter 2:4) Mithiho toh thusei lou din Pathenin ahin khame.​Danbu Ni na 18:10, 11 simin.

4. Koi ho nunghin diu ham?

Mithisa niel tamtah hiche leisetna nung hinding ahi. Pathen thupha jakhalou va chonsetna nei phatmona bolte abang nung hindoh diu ahi.​Luke 23:43; Solchahte 24:15 simin.

Anunghin doh hon Pathen thutah jilna aneidiu Jesu thupeh a nituva kona Jesu atahsan dan avetsah diu phat amudiu ahi. (Thuphon 20:11-13) Pathen deilam amahon abolva ahileh leisetna tonsot hinna anei diu ahiu-ve.​John 5:28, 29 simin.

5. Thokit kinepna a kona Jehovah Pathen thu ipi ihet u-vem?

Pathenin Achapa athidinga ahin phal doh jeha mithiho nung hinna dinga kinepna ahin pe-e. Hiche thokit kinena a kona Jehovah ngailutna, hepina anei akihedoh-e. Athiho anunghing phat le namu nuom pen koi?​John 3:16; Rom 6:23 simin.