Asunga um chop

Secondary menu a chop

Asunga um chop

Jehovah Sakhite

Chin (Kuki)

Pathen Akon Thupha!

 Simmun 2

Pathen Chu Koi Ham?

Pathen Chu Koi Ham?

1. Eihon ipijeh a Pathen ihoudiu ham?

Pathen dihtah chu i-jakai hin Sempa ahi. Pathen chu akipetna um lou, ajona bei Pathen ahi. (Labu 90:2 ) Bible la um Thupha hi Pathen henga hung kon ahi. (1 Timothy 1:11) Pathen jeh a eihon hina inei jeh uva ama houtei ding ahi.​—Thuphon 4:11 simin.

2. Pathen nin itobang vou anei ham?

Pathen koiman amu khapoi ajeh chu Pathen chu mihemte sanga chungnung jo Lhagao vounei ahi. (John 1:18; 4:24) Pathen chu athilsemsa hoa kona aloupina agunna akimudoh-e. Tekahna, jat namkim theiga pahchaho kholchil le chun Pathen ngailutna le achihna namu ding ahi. Lei le Van chun Pathen Thahat na musah thei ahi.​—Rome 1:​20 simin.

Bible simjilna kona Pathen loupina thu kihedoh ahi. Tekahna, Pathen deilam deiloulam, mihemte toh akikhutsan dan, adonbutdan Bible lah akiseiye.​—Labu 103:7-10 simin.

3. Pathen nin min a nei ham?

Jesun ahin seiyin: “Van’a um ka-pau, namintheng kijabol jing hen.” (Matthew 6:9) Pathenin apannamin jatchom chom aum vang chun amin tah khatseh bou ahi. Paojat awgin achom cheh ahin, amamin “Jehovah” tia awgin ahi. Abang chun “Yahweh” tia awgin ahi.​—Labu 83:18 simin.

Paojat kile dohna atamin Pathen apannamin chu apampai vin amina Pakai, Pathen tin akheldoh tauve. Ahin Bible ahinsut til lai chun, Pathen min jaona lekha changchu mun 7,000 vala anakisun ahi. Jesun Pathen Thu  ahil phat le Pathen min ahin jahsah jiuvin ahi.​—John 17:26 simin.

4. Eiho Pathenin Ikhankhuo diu agel hi nam?

Ngailutna nei mipa bangin Pathenin eiho phatna ding abolin

Gentheihesohna atam cheh hi Pathenin ikhankhuo diu agelpoi tina ham? Pathenin gentheihesohna itohi patepna tin mi abangchun aseivin, hiche chu dihlou ahi.​—Jacob 1:​13 simin.

Pathenin mihemte deilhena apejeh avahchoi ahi. Hiche jeh a deilhena pe Pathen chu kipapi ding ahi. (Joshua 24:15) Ahin, mi atamjo chun phatmona bolding akilhen vin, hiche jeh a gentheinahesohna tam chehcheh ahi. Hiche dihlounaho Jehovah in amu tengleh lung nabehseh jengin ahi.​—Semtilbu 6:5, 6 simin .

Jehovah hi ikhankhuo diu khotojing Pathen ahi. Eihodinga hinkhuo nuom imansah nuom ve. Hiche jeh a phatsotlouva gentheihesohna le hinboldohpa asuhmangding ahitai. Hiche masanga gentheihesohna aphalhi ajeh pha um ahi. Hiche thuhi abung 8 nin na hilchen ding ahi.​—2 Peter 2:9; 3:7, 13 simin.

5. Pathen toh kinaina dinga ipibolding ham?

Pathenin amahenga taova kinaina din ikouvin ahi. Eiho khat cheh hijong lunglutna aneiye. (Labu 65:2; 145:18) Ama chu ngaidamna pedinga kigongsa ahi. Amalung lam muna dinga ponthoa mujoulouho aman ahedoh in eiho chamkimlou ihivangchun Pathen toh kinaina ibolthei uve.​—Labu 103:12-​14; Jacob 4:8 simin.

Pathenin hinna ipeh jeh uva Pathen bou ingailut diu ahi. (Mark 12:30) Pathen Thu jilbe in amah thupeh bolla kona Pathen ngailutna vetsah le chun amatoh na kingaibe thei ding ahi.​—1 Timothy 2:4; 1 John 5:3 simin.