Asunga um chop

Secondary menu a chop

Asunga um chop

Jehovah Sakhite

Chin (Kuki)

Pathen Akon Thupha!

 Simmun 4

Jesu Christa Koi Ham?

Jesu Christa Koi Ham?

1. Jesu leija ahung masanga hoija ana umham?

Itobang a loupinaho chun Jesu toh akinai baisah ham?—MATTHEW 11:29; MARK 10:13-16.

Jesu leija a hung masanga vanna lhagaova ana umsa. Hijeh a Jesu chu midang sanga ana kidang ahi. (John 8:23) Pathenin Jesu chu a hinsem masa pen ahi. Thildang ahinsem chun Jesun akithopi-e. Pathenin ahinsem masa pen ahin jeh a “Chapa chang khatseh” tia kilomtah a kikouve. (John 1:14) Jesun Pathen dinga thuneitah a na ahi jeh a “Thu” tia jong ana kimin kou ahi.—Thuchihbu 8:22, 23, 30; Colossae 1:15, 16 simin.

2. Ipijeh a Jesu leija hung?

Pathenin Jesu chu nungah Mary sunga ahinchonin Mihem min ahin pensahtai. Hiche jeh a mihemte lah a apa umlou. (Luke 1:30-35) Ama leija a hung na a jeh jatthum aum: (1) Pathen Thutah hilchen dinga, (2) hahsetna toh jong leh Pathen lungdeilam natoh jouna thei vetsahna dinga, (3) chamkim tah hinkhuo “Lhatdamna” dia kipehdohna dinga.—Matthew 20:28 simin.

3. Lhatdamna Ipijeh a vat ham?

Lhatdamna kiti mihem khat thina a kihenohna kona lhadamna dinga kipe doh aman ahi. (Potdohbu 21:29, 30) Pathenin mihemte ahin semna a jeh chu tehsea thiding ti ahi poi. Hiche chu iti ihetdoh u-ham? “Chonset” kiti chu Adamin ahinpalkeh le na thi ding ti Pathenin asei sa ahi. Adamin chonsetna hinbol hih leh aitia thilou ding ahi. (Semtilbu 2:16, 17; 5:5) Bible la Adam ma kona mijouse thina “hung lut” ahi. Adam min achilhah jouse chonset le chonsetman  thina ahinpetai. Adama kon thina a kihen-oh eiho kilhadohna dinga aman kibahpi ahilouleh lhatdamna man vat ahitai.—Rome 5:12, 6:23 simin.

Hiche man chu koi jin apeh joudin ham? Ithina hi eima tah chonsetman dinga gawt man kipe ahi. Mi koiman midang dinga chonsetman’a alhatdamna apeh jou theipoi.—Labu 49:7-9 simin.

4. Jesu ipijeh a thi ham?

Eiho toh akilo louna chu Jesu chu chamkim tah ahi. Chonset neilou Jesu chu chonset jeh a thi ding avatpoi. Midangho chonset jeh a Jesu thi ahi. Hiche thudolla eiho dinga a Chapa ahinsol jeh a Pathen ngailutna itobanga loupi hitam ti kilangdoh in. Jesun a Pa thu ahin ngaijin eiho chonset jeh a ama hinkhuo ahinphal doh jeh a eiho ingailutna avetsah tai.—John 3:16; Rome 5:18, 19 simin.

5. Tua Jesun ipi abol ham?

Jesun leisetna aumlai chun dammona neite ahindamsah in, mithiho anunghinsah in, gentheina neite ahin lungmonsah in. Hiche chun khuonunga athu ngaite dinga abolding natoh ahin vetsahna ahi. (Matthew 15:30, 31; John 5:28) Jesu athi jouva Pathenin ama chu lhagaova anung hinsah tai. (1 Peter 3:18) Chujouvin Jesu chu Pathen jetlama touva leiset pumpi hi lengvai apohna ding phat anga tai. (Hebrew 10:12, 13) Tua Jesu vana lenga Panga vai ahom tah jeh a ama nungjui hon hicheThupha chu Vannoi leisetna aseiphnog tauve.—Daniel 7:13, 14; Matthew 24:14 simin.

Sotlouva Jesun athahatna amanchah a gentheihesohnaho le ahinpandoh jouse asuhbei ding Jesu tahsan le athu ngai ja chon te chun nopna umtah leiset Paradise sunga tonsot hinna anei cheh ding.—Labu 37:9-11 simin.