Asunga um chop

Secondary menu a chop

Jehovah Sakhite

Chin (Kuki)

Bible Thu Na Muna Iti Em?

Bible Thu Na Muna Iti Em?

Iti na sei dem?

  • Mihem Chihna

  • Lunggel Thusim

  • Pathen Thu

 BIBLE THU HILNA

“Pathenin hu alhakhum Pathen lekhabu” ahi.—2 Timothy 3:16 C.L.

PHATTHEI CHANNA

Hinkhuo a hetdinga pha thudoh hetchenna.—Thuchih 2:1-5.

Nitin hinkho a tahsanthei kilamhilna.—Labu 119:105.

Khuonung kinepna dihtah.—Rome 15:4.

 BIBLE THUHIL HI TAHSANTHEI HI NAM?

Tahsantheina thu jat thum:

  • Bible thu akituona. Bible hi kum 1,600 sunga mi 40 velin ahin sut ahin. Amaho jong khat le khat kimuto ahipo-ve. Ahin, Pathen minloupina le avaipohna thu jengbou thupitah a ahinsut jehu-va Bible hi abona ama leh anung thu kitoh jin ahi.

  • Thudih Thilsuoh. Khanggui thu jil mithem te in amaho kiphat seina aphat chomna a minthanna chule ajat le a nam minphatna, bou ahin sunjiu-vinahi. Ahin Bible hinsun ho chun ama le ajat nam mite umchan, thuho chu khan neilouvin, ahina bang ngin ahin sun u-ve.—2 Thusimbu 36:15, 16 le Labu 51:1-4.

  • Tahsanthei themgao thuphon. Babylon khuopi kisuhmang ding thu Bible la kona kum 200 ana kiphondoh sa-ahi. (Isaiah 13:17-22) Babylon kisuhmang ding dan ana kiphondoh in, chule ahin, suhmanga, pang ding lengpa amin jong chu ana kiphondoh in ahi.—Isaiah 45:1-3.

Adang Bible themgao thuphon ho chu ana guilhung soh ahi tai. Hiche jeh a Bible la um thuphon hi Pathen thupeh a kisun ahiti chu tahsan um ahi. —2 Peter 1:21.

 GELTEMIN

Pathen Thu a kona itobanag phattheina nachan ding ham?

Hiche thudoh hi na hetna din ISAIAH 48:17, 18 le 2 TIMOTHY 3:16, 17 simin.