Asunga um chop

Innchen Nom Iti Na Mu Thei Dem?

Innchen Nom Iti Na Mu Thei Dem?

Iti na sei dem?

  • Ngailutna

  • Sum le pai

  • Thil dang khat

 BIBLE THU HILNA

“Pathen thupha ngaiya nit ho chu a nun nomjoi.”—Luke 11:28 C.L.

PHATTHEI CHANNA

Kingailutna dihtah na mu thei ahi.—Ephesus 5:28, 29.

Kijabolna.—Ephesus 5:33.

Kipumkhatna.—Mark 10:6-9.

 BIBLE THUHIL HI TAHSANTHEI HI NAM?

Tahsantheina thu jat ni:

  • Innchen hinpandoh Pathen ahi. Mi masa mipa le minu chu ahin gomin ahi tia Bible la a kisunin ahi. (Semtilbu 2:18-24) Innchen dan hi Pathen jeh a hungkon doh ahi. Hiche jeh a innchen hin pandoh chu Pathen bou ahiti ipi jeh a khohsahding ham?

    Geltemin: An neh tuitah na neh khah teng leh hiche an hon pa chun iti ahon ham ti na hetnuom tei ding ahi. Hiche an neh hon pa bou chun, na seipeh thei ding ahin, na het nuoma ahi leh ama chu na doh ding hilou ham?

    Chu tobanga chu innchen hinpandoh chu Pathen ahi jeh a innchen nom ahina dinga Pathen bou na doh jin ding ahi.

  • Pathenin na chinjing ahi. Innsung mite jouse chun Bible la kona Pathen thuhilna hohi pontho tah in jil leu-hen chihna nei mi i-hi diu ahi. Ipi jeh ham? “Aman na khankho diu agel nai.” (1 Peter 5:6, 7) Jehovah Pathenin eiho phattheina ding bou adei jin ahi. Ama thuhilna chu eiho dinga phatheichanna ahi.—Thuchih 3:5, 6 le Isaiah 48:17, 18.

 GELTEMIN

Ji pha, pa pha, nu pha iti na hi thei dem?

Hiche thu dohhi na hetna din EPHESUS 5:1, 2 le COLOSSAE 3:18-21 simin.