Iti na sei dem?

  • lunga um thilkhat.

  • thu tekahna.

  • vanna um kivaipohna.

 BIBLE THU HILNA

“Van Pathenin beitih neilou hel ding Lenggam khat aphudoh ding ahi.”—Daniel 2:44, C.L.

“Chapa khat eikipeuve; Ama hi eiho vaihoma pang ding ahi.”—Isaiah 9:6.

PHATTHEI CHANNA

  • Kivaipohna dihtah akona neiding phattheina.—Isaiah 48:17, 18.

  • Ahung lhung ding leithah a chamkim sela hinkhuo nom i-man jin diu.—Thuphon 21:3, 4.

 BIBLE THUHIL HI TAHSANTHEI HI NAM?

Tahsantheina thu jat ni:

  • Pathen gam min ahin bolding ho Jesun ahinbol lin ahi. Jesun a nungjui ho henga Pathen Lenggam hunglhunna ding leh Pathen lungchan leija ahung kimna dinga itao ding dan u ana hil vin ahi. (Matthew 6:9, 10) Hiche taona iti guilhung dingham ti Jesun vetsahna aneijin ahi.

    Jesun leija a umlai chun gilkiel ho ahin vah in, adam mo jong ahindam sah in, mithiho jong ahinsah in ahi. (Matthew 15:29-38; John 11:38-44) Hiche athil bol hochun khonung leh Pathen Lenggama Lenga pang ding Jesun a natoh dingho vetsahna ahinbol ahi.—Thuphon 11:15.

  • Leiset chungumchan hohin Pathen Lenggam hunglhunna ding anai taiti hettheina ahi. Lenggam chun leiset chamna ahin bol masanga tua um kidouna, kel lhantin, lingkihot tiho hi hung umdoh ding ahi tia Jesun ahin seiye. —Matthew 24: 3, 7.

    Tuni kho phat na hiche thil soh ho kimu doh ahitan. Hiche jeh a phatsot lou hel la Pathen Lenggam chun hahsetna jouse leh boina kiti jouse ahin suhmang helding ahi taiti tahsan um ahi.

 GELTEMIN

Pathen Lenggam kivaipohna noija hinkhou iti iman diu ham?

Hiche thu kidong jouse na hetchenna din Bible la LABU 37:29 le ISAIAH 65:21-23 hi simin.