Skip go po Content

Go po neks menu

Ol Witnis blo Zeoba

Tores Streit Kriol

Wiskain wold yu tingk mipla go gad bambai?

Wiskain wold yu tingk mipla go gad bambai?

Yu tingk wold go . . .

  • kam mo nugud?

  • kam gud?

 WANEM BAIBOL I SPIK

“. . . em [God] i go waipe ebri wata wea i kamaut lo ai blo ol pipol. Ane dempla ebribodi no go ded o wori o krai o pile pein nomo. Bikoz ebridem nugudting blo da wold de pas, i nomo gad nau. Ol i go pinis pogud.”—Rebaleisan 21:4, Baibol - Tores Streit Yumplatok.

WANEM I MIN PO YU

Pipol prom ebri kantri go prapa tras ane no go zaz wananada.—Pas misnare [Acts] 10:34, 35.

I nomo go gad eni sik ane trabol.—Matiu 15:30; Rebaleisan 7:17

Ol pamle ane pren go kese api laip poeba.—Matiu 5:5; Leta 1 prom Zon 2:17.

 KEN YUMPLA PRAPA BILIB WANEM BAIBOL I SPIK?

Wa, i gad tu gud rizen:

  • God i gad paua po meke promis blo em kam tru. Bikoz Zeoba God i gad mina nadakain strong paua, Baibol i spik dat mata em “da Strong AntapGod”. (Rebaleisan 15:3) Em ken prapa kipe ebri promis em mekem po seinze da wold po kam mogud. Daswai Baibol i spik diskain, “God i ken meke eniting”.—Matiu 19:26.

  • God i gad strong ubi po meke em promis kam tru. Wase diskain ya, ubi blo Zeoba i mina strong po gibe laip baigen po ol dem pipol uda i ded.—Zon 5:28; 6:40.

    Baibol i spik tu dat Boi blo God, Zizas, bin meke ol sik pipol kam gud. Aukam em bin meke diskain? Em bin prapa wande mekem. (Mak 1:40, 41; Mak 7:32-35) Wase PapaGod blo em, Zizas bin soe dat seimkain pasin po wande elpe enibodi uda nide elp.—Zon 14:9.

    Daswai, yumpla ken prapa sabe dat Zeoba ane Zizas wande elpe yumi po kese dat api laip bambai!—Luk 11:28; Zon 5:19.

 SAMTING PO TINGBAUT

Wiskain God go seinze wold blo yumi po kam mogud?

Baibol gibe yumpla da ansa ya lo MATIU 6:9, 10 ane LETA 1 PO KORINT 15:24-26.