Skip go po Content

Go po neks menu

Ol Witnis blo Zeoba

Tores Streit Kriol

Uda i ruloba da wold?

Uda i ruloba da wold?

Wiswei, yu tingk . . .

  • i God?

  • i pipol?

  • o Satana?

 WANEM BAIBOL I SPIK

“. . . dis wold i stap andanit lo dat paua blo Satana.”—Leta 1 prom Zon 5:19.

“Boi blo God i bin kam po smase ol dem samting wea Satana i bin mekem.”—Leta 1 prom Zon 3:8, Baibol – Tores Streit Yumplatok.

WANEM I MIN PO YU

Yumpla ken sabe wai dis wold gad tumas trabol.—Rebaleisan 12:12.

I gad gud rizen po bilib wold blo mipla go seinz po kam mogud.—Leta 1 prom Zon 2:17.

 KEN YUMPLA PRAPA BILIB WANEM BAIBOL I SPIK?

Wa, i gad tri gud rizen:

  • Rul blo Satana go klosap pinis. Zeoba prapa wande stap paua blo Satana wea em gad lo ol pipol ane dis wold. God i meke promis po “broke da paua blo Satana” ane tekemaut ebri trabol Satana bin stat.—Leta po Ibrupipol 2:14

  • God bin pinis suze Zizas Kraist po rul da wold. Zizas i olgeda dipren prom Satana uda i mata plis emselp ane em nadakain nugud rula. Baibol i spik dat God go yuze Zizas po rul peawei ane em go kamaut ebri paiting. Zizas go pil sorewan po pipol uda sik ane poa ane meke ebriting rait.—Psalm 72:13, 14; Pas misnare wok [Acts] 17:31; Matiu 14:14

  • God no sabe lai. Baibol i tok stret: “God kan lai.” (Leta po Ibrupipol 6:18) Wen Zeoba meke promis po du samting, em go mekem! (Taitas 1:2) “God i go sakwei Satana, da bos blo dis wold go ausaid.”—Zon 12:31.

 SAMTING PO TINGBAUT

Wanem da wold go bi laik apta Satana i nomo ya?

Baibol gibe yumpla da ansa ya lo LETA PO ROM 16:20 ane REBALEISAN 21:4.