Skip go po Content

Go po neks menu

Ol Witnis blo Zeoba

Tores Streit Kriol

Wanem i Kingdom blo God?

Wanem i Kingdom blo God?

Wiskain yu go spik . . .

  • i samting insaid at blo yu?

  • i gabman blo man?

  • o i gabman rul prom eben?

 WANEM BAIBOL I SPIK

“Boi blo da Prapa AntapGod . . . Em gobi king wea i nogad end.”—Luk 1:32, 33.

“. . . Promiswan blo em, Kraist. Ane em i go rul [gabman] antap ebriting ya, i go mata go go, no sabe pinis.’—Rebaleisan 11:15, Baibol – Tores Streit Yumplatok.

WANEM I MIN PO YU

  • Dis gabman i prapa gud bikoz i go rul raitwei ane i ken elpe yu.—Pas misnare wok [Acts] 10:34, 35.

  • Wea niu wold, nobodi go sik ane laip blo ebribodi go bi obamak api.—Rebaleisan 21:4.

 KEN YUMPLA PRAPA BILIB WANEM BAIBOL I SPIK?

Wa, i gad tu gud rizen:

  • Zizas bin pinis soe wanem rul blo God [Kingdom o gabman] ken mekem. Zizas bin tise em klostuman po prea po dis Kingdom po kam ane ruloba ert. (Matiu 6:9, 10) Dis Kingdom go meke ubi blo God kam tru ane tekemaut trabol wea ert. Zizas bin soe wiskain dat prea go kam tru.

    Wen Zizas bin ya wea ert, em bin pide dempla uda bin anggre, ile ol dem sikpipol ane meke ded kamlaipgen. (Matiu 15:29-38; Zon 11:38-44) Ebri gudsamting Zizas bin mekem bin soe dempla uda lisen po em, wiskain rula em go bi.—Rebaleisan 11:15.

  • Tumas trabol lo wold soe Kingdom blo God i klostu nau. Zizas bin spik de pas, ol kantri go pait gense nada kantri, i go gad ertseik ane plenti pipol i go anggre ebriwea bipo dis Kingdom [o gabman] go rul ane meke pis kam po ert.—Matiu 24:3, 7.

    Mipla ken luk tumas trabol tidei. Wa, mipla ken prapa sabe i klosap nau po wen Kingdom blo God go tekemaut ebridem trabol.

 SAMTING PO TINGBAUT

Wiskain laip mipla go gad wen Kingdom blo God go rul?

Baibol gibe yumpla da ansa ya lo LETA 1 PROM ZON 2:17 ane LETA 2 PROM PITA 3:13.