Skip go po Content

Go po neks menu

Ol Witnis blo Zeoba

Tores Streit Kriol

Ken Dempla Uda Ded Kamlaipgen?

Ken Dempla Uda Ded Kamlaipgen?

Wiskain yu go spik . . .

  • wa?

  • no?

  • o maitbi?

 WANEM BAIBOL I SPIK

“God i go meke ol dem ded pipol kamlaipgen.”—Pas misnare wok [Acts] 24:15, Baibol – Tores Streit Yumplatok.

WANEM I MIN PO YU

I go meke yumi at kam gud prom atso wen klostuwan blo yumi i pasawei.—Leta 2 po Korint 1:3, 4.

Yumpla no nid po nadakain prait prom ded.—Leta po Ibrupipol 2:15.

Yumpla gad prapa oup dat yumi go luk demwan gen uda bin ded.—Zon 5:28; 11:23, 24.

 KEN YUMPLA PRAPA BILIB WANEM BAIBOL I SPIK?

Wa, i gad tri gud rizen:

  • God i meke laip blo ebriting. Baibol spik Zeoba God “bin gibe yumpla laip”. (Pas misnare wok [Acts] 17:24, 25, 28) Bikoz God i gibe laip po pipol ane animal, em prapa sabe ane em ken gibe laip gobaigen po sambodi uda ded.

  • God bin gibe laip baigen po pipol bipotaim. I gad 8 taim wea Baibol i tokbaut pipol (smol pikinini, oulpipol, man ane oman) uda bin kamlaipgen ya lo ert. Wen wan smol gel uda bin ded bin kamlaipgen, em papa ane ama bin nadakain atzamp ane api!—Mak 5:21-24, 35-43.

  • God prapa wande mekem gen. Zeoba eit wen pipol pasawei. Ded i enami blo em. (Leta 1 po Korint 15:26) Em mina kan weit po smase dat enami, datswai em go meke pipol gedap prom ded. Dempla uda i ded nau stap wea memri blo em. God gad strong ubi po meke dempla libe laip ya wea ert gen.—Zon 6:40.

 SAMTING PO TINGBAUT

Wai mas yumi kam oul ane pasawei?

Baibol gibe yumpla da ansa ya lo ZENASIS 3:17-19 ane LETA PO ROM 5:12.