Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Noviembre tsiguʼ 2015

Graxe̱ rí naxtiʼña̱a̱ náa Biblia

Graxe̱ rí naxtiʼña̱a̱ náa Biblia

Lá matangi̱ín makuwa bi̱ nikháñun ráʼ.

Phú gajkhun, bi̱ niʼnian ma̱ndoo maʼnii dí makuwa mbu̱júu̱ʼ

Jeobá Dios nindxu̱u̱ náa ‹na̱ʼkha̱ rí nandoo nduʼyalú› (Salmo 36:9). Ikha jngó ikhaa ma̱ngaa ma̱ndoo makuxiín xa̱bu̱ bi̱ nikháñun. Náa Biblia naʼthí gajkhun dí rúʼko̱ gáʼni ndawaa. (Atraxnuu Hechos 24:15.) Náa numuu rí Dios nandoo makuxiín bi̱ nikháñun rá.

Bi̱ Niʼnian nindoo rí xa̱bu̱ numbaaʼ makuwá kámuu mbiʼi (Génesis 1:31; 2:15-17). Ikhaa xáriʼkhuu xóo endxa̱ʼwáminaʼ. Nagawúnʼ índo̱ ndaʼyoo xóo kuwáanʼlu: Rí naguaʼdaa wéñuʼ xkujndu ga̱jma̱a̱ dí nánguá mbayuuʼ kuwáanʼlu. (Atraxnuu Job 14:1, 14, 15.)

Náa gakúwi̱i̱n bi̱ magabiín rá.

Lá Dios niʼniriya̱a̱ʼ xa̱bu̱ mu maxtáa mekhuíí ráʼ. Na̱nguá, ikhaa niʼniwiín ángeles mu makuwá mekhuíí ga̱jma̱a̱ ikháanʼlu mu makuwáanʼ náa tsu̱du̱u̱ ku̱ba̱ʼ (Génesis 1:28; Job 38:4, 7). Ga̱jma̱a̱ dí naʼthí má gi̱jyooʼ, atatsaʼwáminaʼ índo̱ Jesucristo niʼnigabiín xa̱bu̱. Náa mínaʼ lá ni̱ga̱bi̱ín xa̱bu̱ buʼko̱ rá. Gi̱jyooʼ, náa tsu̱du̱u̱ ku̱ba̱ʼ. Xúʼko̱ má mbaʼin xa̱bu̱ bi̱ gagabi̱ín nda̱wa̱á: Makuwíin náa tsu̱du̱u̱ Ku̱ba̱ʼ. (Atraxnuu Juan 5:28, 29 ga̱jma̱a̱ 11:44.)

Mú ma̱ngaa Dios niraʼwíin mbá grupo xa̱bu̱ bi̱ magabiín magún mekhuíí, náa mani̱ndxu̱ún espíritu (Lucas 12:32; 1 Corintios 15:49, 50). Grupo rígi̱ mutañajunʼ náa xúgíʼ tsu̱du̱u̱ Ku̱ba̱ʼ gajmiún Jesucristo. (Atraxnuu Revelación [Apocalipsis] 5:9, 10.)