Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Octubre tsiguʼ 2015

 RÍ KAYÁ EDXU̱U̱ NÁA INUU I̱YI̱I̱ʼ | LÁ NAYAMBÁÁ RÍ MUʼTÁJKHÁAN RÁʼ.

Lá xtáa mbáa bi̱ naʼdxun ráʼ.

Lá xtáa mbáa bi̱ naʼdxun ráʼ.

Mbaʼin xa̱bu̱ nakumu̱ún rí maratajkháan naʼni mandáti̱ga̱ mbiʼi numuu rí nimbáa tséʼdxuun. Eʼwíínʼ nutajkháan mú nakumu̱ún rí na̱nguá extiʼña̱a̱ rí nunda̱ʼa̱. Mbáa xa̱bu̱ bi̱ tséʼnimbo̱o̱ rí xtáa mbáa Dios nindxaʼwáminaʼ xú káʼnii gándoo ganindxu̱u̱ Dios ga̱jma̱a̱ ikhú niʼtá kháñuu: “Maski ajndu mañúú gárathunʼ”. Mú niʼthí rí Dios “nda̱a̱ rí niriʼña̱a̱”.

Mú, náa Biblia naʼthí rí Dios naʼdxun rí nuʼtájkháan. Náa Escrituras kiʼniraʼmáʼ ajngáa rí nijuiʼthún mbá xuajin nákha wajyúúʼ: “Ikhaa [Dios] magáwiinʼ a̱jkiu̱u̱n kaʼyaʼ índo̱ ikháánʼ xtaa ratanda̱ʼa̱ mixtambáyaʼ; índo̱ gáʼdxuun ikhaa gariʼñáaʼ nacha̱” (Isaías 30:19). I̱mba̱ versículo naʼthí: “Rí nutajkháan xa̱bu̱ jmbiin nindxu̱u̱ májánʼ wéñuʼ” (Proverbios 15:8).

Jesús nindo̱ʼo̱o̱ rí Anu̱u̱ mambáyúu ga̱jma̱a̱ ikhaa niʼdxuun rí niʼthí (Hebreos 5:7).

Náa Biblia ma̱ngaa na̱ʼkha̱ xkri̱da ndrígu̱ún xa̱bu̱ bi̱ nijuixtiʼña̱a̱ rí nitajkháan. Mbá versículo naʼthí rí Jesús “niʼtájkháan ga̱jma̱a̱ ma̱ngaa nindo̱ʼo̱o̱ bi̱ mandoo maʼni kríyaʼ náa rí makhañúu”. Dios niʼdxaun rí ikhaa niʼthí numuu rí niʼnigabi̱i̱ (Hebreos 5:7). Nuxkamaa i̱ʼwáʼ xkri̱da náa Daniel 9:20, 21 ga̱jma̱a̱ 2 Crónicas 7:1.

Mú náa numuu rí tikhun xa̱bu̱ nakumu̱ún rí nimbáa tséʼdxuun rí nutajkháan rá. Á mu nandulúʼ rí Jeobá, * bi̱ niʼni Biblia, maʼdxaunlú, i̱ndó náa ikhaa gíʼmaa muʼtájkáan. Ragíʼmaa muʼtájkáan náa imba̱a̱ Dios ní má náa wajin xiʼñúlú. Ma̱ngaa, bi̱ Niʼniáanʼ nandoo rí munda̱ʼa̱a̱ “rí nandoo ikhaa”. Á mu nuʼni xúʼko̱ kaʼnii, ikhaa naʼthúlúʼ rí “ikhaa naʼdxun” (1 Juan 5:14). Ikha jngó, á mu nandulúʼ rí Dios maʼdxaunlú, gíʼmaa muniʼnííʼ ga̱jma̱a̱ muʼnimbulúʼ kuʼyáá.

Mbaʼin xa̱bu̱ nuthi rí índo̱ nutajkháan nindxu̱u̱ mbá rí naguʼwún nuni náa religión, rí Dios naʼdxun ga̱jma̱a̱ nariʼña̱a̱ rí nutajkháan. Isaac, bi̱ xtáa náa Kenia, naʼthí: “Nitajkháan mu mixtambáyuʼ mu makro̱ʼo̱ʼ rí naʼthí náa Biblia. Tájyúuʼ índo̱ mbáa xa̱bu̱ nikuʼmaminaʼ náa ikhúúnʼ ga̱jma̱a̱ nimbáyuuʼ”. Hilda, bi̱ xtáa náa Filipinas, nindoo maniñuʼ ratsikhá ndíí. Niʼni maniñuʼ mbaʼa nuthu mú tájmaa. Ikha jngó ajmbio̱o̱ niʼthúu̱n rí mando̱ʼo̱o̱ Dios rí mambáyúu. Nda̱wa̱á rí niʼtájkháan ikhaa naʼthí: “Asndu tsíyoo gánimboʼ nguáthá mba̱a̱ nimbáyuʼ. Nánguá nigua̱ʼa̱ matsikha ndíí ga̱jma̱a̱ nindoo niníñuʼ”.

Á mu mbá rí naxmiéjuanʼ nambánii ga̱jma̱a̱ rí nandoo Dios, lá maʼndoo mambáyaʼ xáʼ.

^ párr. 6 Náa Biblia naʼthí rí Dios mbiʼyuu Jeobá.