Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Octubre tsiguʼ 2015

 RÍ KAYÁ EDXU̱U̱ NÁA INUU I̱YI̱I̱ʼ | LÁ NAYAMBÁÁ RÍ MUʼTÁJKHÁAN RÁʼ.

Náa numuu rí Dios nandoo muʼtá kháñii rá.

Náa numuu rí Dios nandoo muʼtá kháñii rá.

Dios nandoo dí mambáxulúʼ gajmiúlú

Bi̱ nutamijná nambáxu̱u̱n itháan májánʼ. Dios naʼtulúʼ rí muʼtámíjná gajmiúlú mu mambáxulúʼ májánʼ ga̱jma̱á nindxu̱u̱. Ikhaa eʼthúlúʼ: “Ikháanʼ mundxa̱ʼwo̱ʼ ga̱jma̱a̱ mutakháñuʼ, ga̱jma̱a̱ ikhúúnʼ madxawanlaʼ” (Jeremías 29:12). Índo̱ nuʼtámíjná gajmiúlú Dios nakuwa itháan mijngii náa ikhaa, ga̱jma̱a̱ ikhaa ‹ma̱ʼkha̱ kanuu› náa ikháanʼlúʼ (Santiago 4:8). Biblia naʼtulúʼ: “Jeobá xtáa mijngii náa xúgínʼ xa̱bu̱ bi̱ nutakáñii” (Salmo 145:18). Á mu nuʼtá kháñii má xúʼko̱, itháan gambáxulúʼ gajmiúlú.

“Jeobá xtáa mijngii náa xúgínʼ xa̱bu̱ bi̱ nutakáñii” (Salmo 145:18).

Dios nandoo mambáyulúʼ

Jesús niʼthí: “¿Nala xta mba xabo tsi ikanʼla, tsi mandaʼa guma ade miko, an maxnu itsi miko-ra? Xi mandaʼa iguiʼ, ¿an maxni aboʼ miko-ra? Asjndo [ikháanlaʼ] namañaʼla nuxnu ri majan ijñaʼla mupo, ¿ihuala Anaʼla tsi xta mikui maxaxnu ri majan tsi nundaʼa-ra?” (Mateo 7:9-11.) Xúʼko̱ káʼnii, Dios nandoo rí muʼtákañi numuu rí naxmiejunʼ kaʼyuluʼ ga̱jma̱a̱ nandoo mambáyulúʼ (1 Pedro 5:7). Asndu naʼthúlúʼ rí muʼthán ikhaa índo̱ kuaʼdáá mbá xkujndu. Náa Biblia naʼthúlúʼ: “Xaxmiéjuanʼla ga̱jma̱a̱ numuu nimbá, gutajkháan ga̱jma̱a̱ gutakáñii Dios ma̱ngaa guxna̱a̱ núma̱aʼ, gunda̱ʼa̱a̱ xúgíʼ rí eyála” (Filipenses 4:6).

Xa̱bu̱ numbaaʼ nda̱yúlúʼ rí Dios mambáyulúʼ

Bi̱ nunigajmaa xú káʼnii eni xa̱bu̱ nduyáá rí mbaʼin wéñuʼ xa̱bu̱ nda̱ñúnʼ mutajkáan. Asndu xa̱bu̱ bi̱ tsénimbu̱ún rí xtáa mbáa Dios mangiin agnósticos nutajkháan. * Rígi̱ nasngájma rí xúʼko̱ nigumáanʼ mu maʼndulú muxuʼmamijná náa bi̱ Niʼniáanʼ. Ikha jngó Jesús niʼthí: “Gagi kuwa bi̱ nduyáá rí ndañúnʼ mbuyáaʼ Dios” (Mateo 5:3). Mbá rí xóo ma̱ndoo muʼni nindxu̱u̱ rí muʼtá kháñii má xúʼko̱ Dios.

Á mu nuʼtájkháan náa Dios, xú káʼnii gambáyulú xá.

^ párr. 8 Mbá informe dí nirígá tsiguʼ 2012 náa Centro de Investigación Pew nasngájma rí 11% xa̱bu̱ bi̱ tsénimbu̱ún rí xtáa mbáa Dios mangiin agnósticos bi̱ kuwa náa Estados Unidos nutajkháan mbá miʼtsú rí mbá gu̱nʼ.