Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Octubre tsiguʼ 2015

Graxe̱ rí naxtiʼña̱a̱ náa Biblia

Graxe̱ rí naxtiʼña̱a̱ náa Biblia

Lá ma̱ndoo maguma gámbáa tsingíná dí rígá náa numbaaʼ ráʼ.

Xú káʼnii gáʼni gámbáa Dios tsingíná rá. (Mateo 6:9, 10.)

Mbaʼin wéñuʼ xa̱bu̱ nakháñun xúgíʼ tsiguʼ ga̱jma̱a̱ numuu rí tséphiʼtsu ga̱jma̱a̱ nandii rí naguáʼdáá numuu rí migíná wéñuʼ. Maski ajndu rígá xuajin náa guáʼdáá wéñuʼ, ra̱ʼkhá tháán mbaʼin xa̱bu̱ kuwa náa tsingíná. Náa Biblia naʼthí rí tsingíná nindxu̱u̱ mbá xkujndu dí narígá má xúʼko̱. (Atraxnuu Juan 12:8.)

Mu mambáa rí tsingíná ndayóoʼ mbáa Xa̱bu̱ Ñajunʼ náa xúgíʼ numbaaʼ bi̱ maxnún xúgínʼ xa̱bu̱ rí nda̱ñúnʼ. Ma̱ngaa Xa̱bu̱ Ñajunʼ bugi̱ ndayóoʼ maʼni gámbáa guerra, numuu rí ikhí phú naku̱mu̱u̱ rí tsingíná. Xa̱bu̱ Ñajunʼ buʼko̱ bi̱ Dios nakudaminaʼ magíiʼ. (Atraxnuu Daniel 2:44.)

Tsáa gándoo gáʼni gámbáa tsingíná rá.

Dios nigíiʼ A̱ʼdióo, Jesucristo, mu maʼtáñajúúnʼ xa̱bu̱ numbaaʼ (Salmo 2:4-8). Jesús mambáñun xa̱bu̱ gíníi ga̱jma̱a̱ maʼni gámbáa rí naguma gíníi. (Atraxnuu Salmo 72:8, 12-14.)

Jesucristo, “Xa̱bu̱ Ñajunʼ bi̱ [maʼni] marigá rí Tsímáá” náa xúgíʼ tsu̱du̱u̱ Ku̱ba̱ʼ ga̱jma̱a̱ ní xárígá gamíi. Ikhú xúgínʼ xa̱bu̱ maguaʼdáá mbá guʼwá, mbá ñajunʼ májánʼ ga̱jma̱a̱ maguaʼdáá wéñuʼ ganitsu. (Atraxnuu Isaías 9:6, 7; 65:21-23.)